Agba 21:1 - Katɔti Ɔku Kedee

¹ Ɔga ɔni mɔɔdi lɛlɔ kayi kese aani ketu kani mɔɔgbá. Na Unwoti mɔɔtɔnku-ka na kaagbá taavi kesii kani na ɔɔyɔ́.

Agba 21:1 ပူးပေါင်းရင်းမြစ်များ

Baga 2 19:33

Na ulu ɔni lɛlɔ na ɔkɛ úbo na ɔdubɔsɔ ɔsia ɔtɔlɔ. Ɔɔɔdubo ɔma ɔmmɔ kemmo buduo. Lɛni na Unwoti ɔ́su.

Esra 1:1

Na Persia kalɔ Ɔga Kores lɛga bɔdi lɛkwa lideedi kemmo ni, Unwoti úti ɔ́sia-nwu kayi ka ute bɔti bɔdi na nwuna kalɛkɛ lɛlɔ ƒui kalɛ na Yeremia kenye kani na ɔ́su kebo-nwu kemmo na ɔ́ya na bénweni lɛla lɛmmɔ bése.

Esra 1:2

Na ɔda ɔni na úbo ndi ɔmɛni. Lɛni na ami Ɔga Kores mɔɔsu. Unwoti Katɔti Ɔyikune úti kayawi lɛga kɔdikɔ ƒui ɔ́kya-mi kalɔ na ɔ́ƒuna-mi ka lɛtu kakpakɔ lite-nwu na Yerusalem na Yuda kalɔ lɛlɔ.

Esra 6:22

Na emeyi maatɛ na béti bádi Bodobodo Ɔni Néteƒu Limeyi ku lɛlɔyɔ, ɔsika Katɔti ɔ́ya na lɛlɔyɔ lɛ́ƒɔ-ma lɛlɔ kemmo ɔkɛnku kalɛ na ɔ́ya na Asiriaƒuɔ ɔga ɔ́vumana nwuna ɔbladu na úbunku na bátu Katɔti ɔtɔ ɔmmɔ béte Israel Katɔti ɔsu.

Nehemia 1:11

Ɔmɛni ɔsu, O Unwoti, se atu na enu ƒula kabla ɔblane ku ƒula kabla bablane bani mɔɔbu ƒula lɛnyi bɔkpali. Na ɔmwi kadi kamɛni ni, na ɔga ɔmmɔ ɔnu-mi kɔnyana na etemila ani ndubo bɔda bɔva-nwu anumi lɛlɔ.” Uwi ɔmmɔ kemmo ni, ami Nehemia nátaaƒɔ ntɛ teete ɔga ɔmmɔ.

Nehemia 2:4

Amu na ɔga ɔmmɔ ɔ́su ɔnini, “Bi na aayɔ́ ka lɛbla lite-ɔ?” Amu na lɛ́kpali Ati ɔni nkya katɔ

Nehemia 2:8

Na asɔ ete-mi kakunkɛ kabambadi lisienku Asaƒ ɔni mɔɔnu ɔga ɔmmɔ lɛku lɛlɔ teete-nwu, kalɛ na anwu lɛnɔ wete-mi kugyiikɛ kɔni ndubuti lɛnwi lɛpunu lɛkya kakpakɔ kɔyakun ku awodu kɔyakun ku kaduli kani kemmo ndubulie kayakun.” Na ɔga ɔmɛni úte-mi kɔkunkɛ kɔmɛni ƒui, ɔsika Unwoti ɔsiaku-mi ɔsu.

Ester 2:17

Ka Ahasweros ɔ́nu Ester ni, ɔ́da-nwu kayi geen útulo beleku bammɔ ƒui na nwuna kayi kásia-nwu lɛlɔ kɔnakunwi útulo begblebi bakladi ƒui. Anwuɔsu úti kagabwa kammɔ úbi-nwu lili na ɔ́bla-nwu beleku ɔga na Wasti kenye.

Kɔgya 105:25

Ɔ́ya Egyipteƒuɔ beekisi nwuna kadi bekyuli. Na bákya kɔkwɛ kukpidi bana lɛlɔ.

Kɔgya 106:46

Na ɔ́ya na bana bekisine baanu-ma kɔnyana.

Kɔgya 114:3

Ɛpugyie ɔ́nu ɔmɛni na ɔ́bwɛ lɛlɔ ntɛ. Na Yordan Ketu kédi kénye na kasɔ kalagba.

Kɔgya 114:5

O Ɛpugyie, bi mɔɔlɛ́ku-ɔ na ábwɛ lɛlɔ ntɛ lɛni? Na Yordan, bi ɔsu na édi énye kɔnakunwi lɛni, na ásɔ alagba?

Kɔgya 74:15

Áya na abiɔ ku ntukpa ƒui bɔ́ƒɔ ntu na bɔɔgbá. Na ntukpa bonwu bɔ́kwii.

Kɔgya 93:4

Nsu awɔ Unwoti Ɔyikune Ƒui mɔɔdi ala ƒui lɛlɔ na ébomo etulo ɛpu bɔnwanɛ bɔmmɔ ku avlɔvɔ ani na uubó mmɔ ƒui.

Israelƒuɔ Bɔlɛ 7:3

Nsu ndubɔya na Ƒarao kayi kayu ɔkplu, na ina bi akɔla ala budie taatina ku ala ebendi na lídie lɛ́tina-nwu kɔlɛ kɔlɛ na Egyipte kalɔ lɛlɔ ni,

Agba 16:1

Bɔɔkana bɔɔsála kasusu lidu lidu, nsu Unwoti mɔɔtina lɛla lɛni geen ndi litemi geen lɛmmɔ.

Agba 16:9

Bɔɔkana na bɔɔbla kasusu ku kɔkwɛ na lɛla lɛdi lɛlɔ, nsu Unwoti mɔɔtina bula kasiakɔ.

Agba 20:24

Unwoti mɔɔtɔnku bekyuli na bana ngba ulu busie kemmo. Na ukyuli ulakana nwuna ngba ulu ɔni na uusié kalɔ bunu bɔwɔlɔ.

Yesaia 43:19

Bɛnu, lɛla lɛwɔdi na muudie keyi ɔƒɛni! Munuu bina anumi alanu ka lɛ́kɔ lɛɛlɛ́? Lídie lilu lɛ́siaku kalɔ kakwiidi kemmo na ntukpa bɔ́lɛ kalɔ kakwiidi kani mɔɔwia ntu geen kemmo.

Yesaia 44:27

“Ami muudie lɛdi taakya ɛpu ku ntukpa ƒui na bɔɔkwii.

Yeremia 39:12

“Wia Yeremia na agyumana-nwu kɔkɔɔkɔ na abla lɛla biala na weye-ɔ ete-nwu.”

Daniel 4:35

Kalɔ lɛlɔ kadi bekyuli ƒui baaadi lɛla lɛdi na nwuna anumi. Lɛla lɛni mɔɔyɔ́-nwu kaƒɔ na ɔɔbla Ɔɔdi ayabi ku kayaa kammɔ ƒui lɛlɔ. Na ɔɔdi ukyuli biala lɛlɔ na kalɔ lɛlɔ. Na si Katɔti ɔ́bla lɛla lɛdi ni, bulakana-nwu bɔbala iye buye bɔnii, “Bi ndi lɛla lɛni na ábla mɛni?”

Batalane Kabla 7:10

na únyeku-nwu na ɔ́da-nwu údie nwuna lɛbibo ku kɔnyana buwulo kemmo. Katɔti úte-nwu lɛnunda bonwu. Anwuɔsu Egyipte Ɔga Ƒarao ɔ́yɔ-nwu litemi na úti-nwu ɔ́bla Egyipte kalɔ ƒui lɛlɔ ɔnune ku nwuna kaduli ƒui ala lɛlɔ ɔnune lɛnɔ.

Budie Taatina 16:12

Ɔmmɔ kama ni, ɔtu ɔkundi úwilimi lɛla lɛni nkya nwuna kalaku kemmo úwi Euƒrate Ketu kebendi kammɔ kemmo. Na ketu kammɔ kákwii kalɛ na baga bani nási ɔƒɛ katukɔ bakɛ kavinkɔ.

Budie Taatina 16:4

Amu na ɔtu ɔtɛdi úwilimi nwuna kalaku úwi ntukpa ku abiɔ ƒui kemmo na búnwini ubugya.