Agba 20:21 - Katɔti Ɔku Kedee

²¹ Si ɔnamu úyile nwuna kadikɔ kani na ɔti úse-nwu bɔƒɔ ni, kusɛ kusɛ ulásiaku-nwu taatáwɔlɔ.

Agba 20:21 ပူးပေါင်းရင်းမြစ်များ

Agba 13:22

Bekyuli babuni ni, ama muusé bana bebi ku bawɔ kama. Nsu bekyuli bekpidi lɛkɛ ni, liinwíni bekyuli babuni lɛdi.

Agba 20:20

Ukyuli ɔni muuwida ɔti iye uni ni, nwuna ngba ogya uuni.

Agba 20:22

Tasu ukyuli ɔdi anini, “Ndubɔƒɔ-ɔ likpidi lɛni na ábla-mi kayu.” Ya na Unwoti ɔtɛ-ni ute-ɔ.

Agba 21:6

Lɛkɛ lɛni na ukyuli ɔ́sia ɔkɔ ulu lɛlɔ ɔ́kɛ ni, lɛɛyii taakya aani ulɔyɔ na lɛdi kakpagyuɛ kekpidi kani muudie ukyuli.

Agba 23:4

Tetu lɛlɔ anii eenwíni ɔlakɛne. Bi ɔsu na ɔlɛka eteebile lɛlɔ uwi?

Agba 28:20

Ukyuli ɔni mɔɔsia ala anu taabla-nya ulu lɛlɔ ni, ɔdubɔkɛ lɛyuƒɔla bonwu. Nsu ukyuli ɔni mɔɔwia ka unwini ɔlakɛne kɔnakunwi ni, ɔdubuduo ɔgbankpi kemmo.

Agba 28:22

Ukyuli ɔni mbo sika lɛnungyie mɔɔwia ka ɔkɛ lɛkɛ pla, nsu ɔɔɔgyi ka kɔwaba kemmo na úsela utéduo.

Agba 28:8

Ukyuli ɔni mɔɔbla egulabi na bekyuli bamba lɛlɔ ɔkɛnku kuvonsia bonwu ɔsu ni, lɛkɛ lɛmmɔ lɛdubɔyii-nwu kɔnu lisie ukyuli ɔni mbo lɛƒɔndia ute bawabane kudɔ.

Habakuk 2:6

Nsu bekyuli badubo-ma bɔma na basu-ma banini, ‘Bɔbuɛ ute-mii! Bɛ́nya bekyuli bɛ́kya na bíyu-ma ala ani na bebo bíti bínwini amii adi bɛ́tɛ bíse lɛlɔ.’

Sakaria 5:4

Unwoti Ɔyikune Ƒui ɔnini, ‘Líti kakunkɛ kamɛni muumene ukyuli biala na ɔdi uyune kaduli iye ɔda-mi lɛnyi na ɔkɛ ɔɔnyi ɔkɔ taavi. Na kakunkɛ kamɛni kadubɔƒɔ lɛlɔ kakya kaduli kammɔ kemmo útédu uwi ɔni na ligyiiku iye lɛtabi biala lɛ́bwɛ lɛ́yii udu.’ ”

Malakai 2:2

Si bɛ́vumana na bɛɛsia anu teete-mi ɔbu ɔni námanku-mi ni, ɔdia-mii utulo. Si ɔɔɔdi lɛni ni, ina kusɛ kusɛ ɔdi bina ɔdi ni, ndubɔya na unwini ewida. Na geen ni, líise kalɔ ndaku ɔmɛni bɔbla, ɔsika bíteti bina bakpane kabla bítakya kayi kalɛ na bɛbla bina kabla ulu lɛlɔ.

Timoteo 1 6:9

Nsu bekyuli bani na anumi eegyie-ma na lɛkɛ lɛlɔ ni, baanú kakpagyuɛ kani na Satan ɔ́kywɛ-ma. Na beeduo adɔlɔla bɔbla kemmo, na ɔlɔna alaekpidi ala bɔbla aada-ma ɔkwɛ na eebile bana ngba keliela na beekpi taayii ku udu.