Agba 2:9 - Katɔti Ɔku Kedee

⁹ Na adubunu lɛla lɛni ndia na lɛdi ulu lɛlɔ siin kalɔ na ulu buni biala lɛlɔ.

Agba 2:9 ပူးပေါင်းရင်းမြစ်များ

Kɔgya 119:105

Ƒula litemi lɛdi asogya ute mina lɛgba. Na uukeye teewi mina kasiakɔ.

Kɔgya 119:99

Na muunú-mu kalɔ teetulo bani mɔɔtina-mi ala ammɔ muedi. Ɔsika muuduo-mu kemmo uwi biala.

Kɔgya 25:12

Bekyuli bani mɔɔyia Unwoti ni, ama na ɔɔtina ulu ɔni lɛlɔ na badubɔsia.

Kɔgya 32:8

Unwoti ɔnini, “Ndubɔtina-a kesii kani ɔlɛka asia ku lɛla lɛni na ɔlɛka abla. Na ami ɔlati ndubutaanu-ɔ lɛlɔ.”

Agba 28:5

Bekyuli bekpidi belenu ala bɔbla ulu lɛlɔ kalɔ. Nsu bani mɔɔsiaku Unwoti kama geen ni, beenú ɔmɛni kalɔ nwaa.

Agba 4:12

Na si akɛ eesié ni, elekpuulo. Na si usi lɛnɔ na akɛ eekeli ni, alatutu.

Agba 4:18

Ukyuli ɔni nse siin kavinkɔ keekeye aani ɔtanta kadi kani négye kadubo na keekeye teebu utédu ka ɔbla nwaa ƒui.

Agba 8:20

Ulu ɔni nse siin lɛlɔ na mɔɔsia, na mɔɔbla ala ulu lɛlɔ.

Yesaia 35:8

Ulu unengudi ɔdubɔsia kalɔ kammɔ kemmo, na badubɔlɔ-nwu banii Ulu Kedee. Na bekyuli bani neeese sɛɛn baaadubo ulu ɔmmɔ lɛlɔ basia. Na badɔlɔdi ku belikplune balasia-nwu lɛlɔ.

Yesaia 48:17

Unwoti ɔnini, “Israel kadi bekyuli, ami ndi Unwoti Katɔti ɔni muudie-mii. Na kalɛ na ɔdianku-mii ɔsu na mɔɔtina-mii ala, na mɔɔkpanku-mii taasiaku ulu geen ɔmmɔ lɛlɔ.

Yeremia 6:16

Unwoti ɔ́su ɔnini, “Uwi ɔni na bísie bítédu elukpo ni, lɛ́su-mii nnii, ‘Bɛsia ulu ɔni lɛlɔ na bina bati kuuku básia na bɛdubulie ku keyi buɛɛ.’ Nsu bíni.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.