Agba 2:4 - Katɔti Ɔku Kedee

⁴ na aawia-nya aani kalɛ baawia sika ɔƒualadi na asia-nya kama aani akɛla abɛladi ni,

Agba 2:4 ပူးပေါင်းရင်းမြစ်များ

Ala Kalɔ Buse 26:32

Limeyi lɛmmɔ kani lɛlɔ ni, Isak kabla bablane bébo na bábasu-nwu ka libiɔ lɛni na bétéku ni, bákɛ ntu!

Hiob 3:21

Na nli mɔɔwia kukpi aani kalɛ na ukyuli ɔɔwia lɛkɛ taanɔ na kúbulo kɔnii kulebo na kubeeti-mi?

Kɔgya 119:127

Ami mɔɔyɔ́ ƒula ɔda bubo teetulo sika ugyiedi.

Kɔgya 119:14

Na ndubɔsia ƒula ɔda bubo kama ku ebiti litulo kalɛ na ukyuli ɔɔsiaku lɛkɛ bonwu kama ku ebiti.

Kɔgya 119:72

Na ƒula ɔda bubo bubo-mi kɔsia utulo lɛla biala ku sika ugyiedi ku ɔƒualadi ƒui.

Kɔgya 19:10

Ɔlɛka bɔwia nwuna ɔda bubo butulo sika ugyiedi ɔni nse sɛɛn utulo ƒui iye uwɔ ɔni na bátasa ntu.

Agba 16:16

Ɔdia geen si ukyuli ebo lɛnunda utulo ka akɛ sika ugyiedi. Na si ebo lɛlati lɛni mɔɔyá na ukyuli uunú ala kalɔ ni, ɔdia utulo sika ɔƒualadi.

Agba 2:3

na eevele ala kemmo bɔnu taati na eevele ala kalɔ bunu kpakplaa

Agba 23:23

Ƒɔ litemi geen bɛla se lɛlɔ, na teti-ni teye. Na ada anu na aya batumini-ɔ kalɛ na anu ala ati kaduɛ.

Agba 4:7

Lɛla linengudi ƒui lɛni na ɔlɛka awia ndi lɛnunda. Ina ka ɔdanku ƒula lɛla biala ni, nu ka ebo ala kalɔ bunu na lɛla biala na aabla kemmo.

Agba 8:17

“Bekyuli bani ƒui mɔɔyɔ́-mi ni, ami lɛnɔ mɔɔyɔ́-ma. Na bani mɔɔwia-mi kama ulu baanu-mi.

Etemila 4:8

Ukyuli ɔdi ɔ́kya ɔni na uuubo ubi ɔnanabi iye ɔnwani ɔdi, nsu ulada lɛlɔ butu taaya, na nwuna akɛla ani na ubo lɛnɔ elemo-nwu. Amu na úye lɛlɔ ɔnini, “Ɔma geen ɔsu na muubó abi, na líni lɛla lɛbuni biala líte lɛlɔ ku kalɛ na lɛkya lɛlɔ ebiti muedi?” Bi keyi udu na kadi mɛni na ukyuli ulenu lɛla lɛdi kalɔ?

Mateo 13:44

“Katɔti lɛga bɔdi bɔ́ƒɔ kuye aani lɛlakɛ libendi lɛdi. Uwi ɔdi kemmo ni, ukyuli ɔdi útákɛ lɛlakɛ lɛdi na béti bábala na kemo kadi. Mmɔ na ɔ́sɔku ala úbi lɛlakɛ lɛmmɔ lɛlɔ. Na ana kubiti ɔsu ni, úsie útéti nwuna ala ani ƒui na úbo úye, na únwini úsie útéye kemo kammɔ.”

Mateo 19:29

Na ukyuli biala ɔni néni nwuna kaduli iye banwani bananabi iye banwani belekubi iye uni iye bebi iye mmo ka ɔsiaku-mi ɔsu ni, ɔdubɔkɛ-nya akpa eti anyɔ utulo. Na Katɔti ɔdubute-nwu ngba bɔni nsɔ naaadubo bɔsa kudii.

Luka 16:8

“Ɔmɛni ɔsu ni, Unwoti ɔmmɔ úmwi kabla ɔblane ɔmmɔ na lɛkwɛ lɛni na ɔ́bla mmɔ ɔsu. Sɔsɔ ni, bekyuli bani nli nte kayawi kamɛni lɛlɔ ala ni, baasia anu taabla bana lɛlɔ ala teetulo ama bani mɔɔsia Katɔti lɛga kadikɔ anu.”