Agba 19:27 - Katɔti Ɔku Kedee

²⁷ Ubi, si éni anii ukyuli utatina-a lɛla ni, énwini kama ákya lɛlati.

Agba 19:27 ပူးပေါင်းရင်းမြစ်များ

Samuel 2 13:5

Amu na nwuna ɔkpana Yonadab ɔ́kya-nwu kasusu ɔnini, “Teesie na atátɛ kpoo aani si buƒi na ada. Na si ƒ'ɔti úbo ubegyele-ɔ ni, na asu-nwu anini, ‘Mɔɔwia ka mina ɔnwani ulekubi Tamar ubawia lɛla lɛdi ute-mi na lɛdi. Anwuɔsu ya na ubo ubanwa adila ammɔ na mina anumi na ntaanu-nwu na anwu kani ɔkya-mi adila ammɔ ku nwuna kɔnu.’ ”

Ala Alɛdi 2 10:10

Amu na nwuna kasusu bakyane bakɔdi bamɛni básu-nwu banini, “Lɛla lɛni na abu bɔ́kali ka asu-ma ndi ɔnini, ‘Si bíti mina ɔti bɛ́kɔku-mi ni, bɛdubɔnu bɔti ka mina ɔti ɔ́sɔ na mina kudɔ na mina kɔnu lɛnimi libliidi ƒui líbomo litulo mina ɔti kavobi.

Agba 14:7

Da lɛlɔ mami badɔlɔdi lɛlɔ, ɔsika aaadubo lɛla lɛdi bɔti bana kudɔ.

Agba 19:26

Bebi bani mɔɔbla bana bati ulikplu iye benwini benye bana beni lɛlɔ ni, kɔƒa kɔdi-ma kadi anumi na bénwini lɛla lɛni mɔɔdu bekyuli lili.

Agba 19:28

Ukyuli ɔni mɔɔnyi ɔkɔ teedie litemi kenye ni, uudumi na ɔɔmá litemi bɔtɛ ulu ɔni ntɛ nse. Na balalane baaƒɔ́ likpidi teebweli aani adila.

Yeremia 27:9

Ɔƒɛni kalɛ bibo bekyuli badi na bina lɛga kɔdikɔ bani mɔɔsu ka ama baanu taati ala ani ndububo abalɛ na bana evo ɔsu iye ka baakpali bekpine iye beegyé ana adi iye baƒiɔ badi baatɛmiku-ma ɔsu. Nsu si bana ɔdi ɔɔsu-mii ɔnii bitenu Nebukadnesar litemi ni, bitakpete-ma.

Mateo 16:12

Mmɔ asa na ɔ́bla batalane bammɔ nwaa ka ɔɔɔdi bɔnyii bɔni baakya ala kemmo na uuƒu lɛlɔ ɔda na uubó-ma. Mmomu ni, ala ani na Ƒarisiƒuɔ ku Sadukiƒuɔ baatina na ɔda.

Mateo 16:6

Mmɔ na Yesu ɔ́su-ma ɔnini, “Bɛnu kaduɛ na Ƒarisiƒuɔ ku Sadukiƒuɔ bɔnyii bɔni baakya ala kemmo na uuƒu lɛlɔ.”

Mateo 7:15

“Bɛnu kaduɛ na ɔkɔ banyine bani nábla lɛlɔ aani Katɔti kenye bediene. Beebo-mii kudɔ aani baƒonu bani nse buɛɛ. Nsu na bana lɛlɔ kemmo geen ni, badi begiti.

Marko 4:24

Amu na Yesu ɔ́sɔ ɔ́su-ma ɔnini, “Bise atu kaduɛ na lɛla lɛni biinú lɛlɔ! Ɔsika kalɛ na aakɔ́ku bekyuli bamba taanu ni, lɛni kani na Katɔti ɔdubɔkɔku-ɔ bɔnu, utulo muedi!

Yohane 10:5

Baaadubo ukyuli bamba bɔsiaku. Mmomu badubukeli batɔlɔ ukyuli ɔbambadi kudɔ, ɔsika baaagyi-nwu lɛdi.”

Eƒesoƒuɔ 4:14

Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Timoteo 1 4:7

Anwuɔsu da lɛlɔ mami kɔbɔ ala batɛmine ku atɛ keeke ani neeebo kɔsia lɛlɔ. Na ataatɛya Katɔti etemila na asiaku-nya kama kpakplaa, na elie ngba buni aani ɔƒɔtaadine kalɛ.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Yohane 2 1:10

Ɔmɛni ɔsu si ukyuli ɔdi úbo-mii kudɔ na ɔɔɔda Kristo ala bɔtina bɔmɛni ni, bitegyingya enu bitaƒɔ-nwu na uduo-mii kaduli.

Budie Taatina 2:2

“Ngyi lɛla lɛni na bɛɛbla. Na ngyi kalɛ na binye kabla kammɔ lɛlɔ kpakplaa ku kalɛ na bɛ́kya ɔkplu. Ngyi ka biléte bekyuli bekpidi kuƒi ku kalɛ na bɛ́kɔku-ma bɛ́nu. Ama ndi bani mɔɔtɔ́lɔ bekyuli banii badi batalane, nsu baaadi batalane. Na bɛ́nu-ma bɛ́ti ka badi ɔkɔ banyine.