Agba 19:12 - Katɔti Ɔku Kedee

¹² Si ɔga úti kɔnyi ni, use aani kalɛ na gyata uubó lɛdi. Nsu nwuna lɛƒɔndia lise aani amii na livo lɛlɔ.

Agba 19:12 ပူးပေါင်းရင်းမြစ်များ

Ala Kalɔ Buse 27:28

Muuvele Unwoti Katɔti nnii nwuna katɔ kusɛ kusɛ uwi-ɔ lɛlɔ aani amii, na ute-ɔ kalɔ kani nélie lɛmwi. Na akɛ edula pii ku ntɛ bɔwɔdi.

Samuel 2 23:4

use aani ɔtanta kadi kalɛ na keekeye si ɔƒɛ ɔ́tu ɔdubo na liƒlukutu lɛdi liiibo-nwu kemmo. Na use aani kalɛ na kadi keekeye si ɔnantu ɔ́na ɔ́da na ɔɔyá na evete awɔdi aata.’

Ester 1:12

Kabla bablane bammɔ bátásu ɔga uleku Wasti kenye kammɔ, nsu úni na útasiaku-ma na ubo kesii kani na ɔga ɔɔlɔ-nwu. Anwuɔsu Ɔga Ahasweros ɔ́kɛku ulekudi kɔnyi kpakplaa.

Ester 7:8

Na ɔni kani na Haman ɔɔyu ɔɔlɛ akɔnkɔ na liboku lɛni kemmo na beleku ɔga ɔmmɔ ukpo kudɔ kani na Ɔga Ahasweros ɔ́si úbeduo. Mmɔ kani na ɔga ɔmmɔ ɔ́va ku lɛdi momoomo ɔnini, “Buƒie muedi na asɔ adubo mina uleku buƒie na mina anumi mɛni na ami ɔlati kaduli?” Ɔga ɔmmɔ útawɔlɔ tɔ kenye kammɔ bɔsu asa na nwuna beleku lɛlɔ banune báka bámana Haman, na béti ala bébi-nwu lili.

Kɔgya 133:3

Use aani amii ani mɔɔyu taasi Hermon abi lɛlɔ teewi Sion abi lɛlɔ. Ɔsika mmɔ na Unwoti ɔ́su úse ka wete kusɛ kusɛ ɔmmɔ, na ɔdanku ngba bɔni naaadubo bɔsa kudii.

Kɔgya 72:6

Na aya na ƒula ɔga bekyuli bɔtɔnku bɔbla aani kalɛ na ɔnantu ɔɔna teewi kemmo edula lɛlɔ iye uuwi na kalɔ kaayɔ́.

Agba 20:2

Ɔga kɔnyi kuse aani gyata bɔkwanyi. Si ákya-nwu kɔnyi ni, ƒula ngba na ákya ɔgbankpi kemmo.

Agba 28:15

Ukyuli ukpidi ɔni mɔɔdi bekyuli lɛlɔ ni, ɔdanku ɔgbankpi bonwu ute bawabane aani kalɛ na ebuo ukpidi uuƒie bekyuli.

Etemila 8:4

Ɔga litemi lɛdi ɔda bubo na ɔdi ɔɔɔdubo bɔta kalɛ kalɛ na uye-nwu ɔnii bi ɔsu na ɔɔbla lɛla lɛdi na ulu ɔdi lɛlɔ.

Yesaia 18:4

Lɛni na Katɔti ɔ́su-mi ɔnini, “Ndubulie mina keliekɔ ntaanu kpoo, aani kalɛ na ɔƒɛ ɔɔyá na kadi kaabi, iye edula ɔƒɛwi liwulu lɛɛyá na amii aayu.”

Daniel 5:19

Ala enengudi ammɔ udu na Katɔti ɔ́bla úte-nwu na ɔ́bla kayawi adi lidu batɛmine ƒui dɛye dɛye, na lɛlɔ lɛ́tɔ-ma ku bɔyia geen. Ƒ'ɔti ɔ́kɛ ɔyikun geen na ukyuli biala lɛlɔ ɔni na ɔkana na ɔya na elie ngba iye ɔya na badu-ɔ muedi, na ɔkana na ɔkɔliku-ɔ katɔ iye ɔyila-a udu kalɛ biala na ɔ́su na ɔdi-nwu lɛƒɔyɔ.

Daniel 6:24

Na bekyuli bani néti Daniel litemi béboku ɔga ɔmmɔ banii babakya-nwu kakya ni, ɔ́ya na béti ama mmomu bátákya bagyata ubu ɔmmɔ kemmo ku bana beleku ku bebi ƒui. Na bétetuku tɔ ubu ɔmmɔ kalɔ bátawɔlɔ muedi asa na bagyata bammɔ bégyingya-ma kɔkɛ kɔkɛ.

Hosea 14:5

Na ndubuse lite-mii aani amii ani mɔɔyu na bɛlɛ lili aani egyii anwula ani muubimi na bidie ligyiitu aani kugyii kalɛ.

Mika 5:7

Yakob kaba kemmo bebi ɛlɛɛ badi bébu na bégyingya bákya kalɔ kammɔ lɛlɔ ƒui kadi bekyuli akɔ. Nsu Unwoti ɔdubɔya na benwini aani amii ani mɔɔyu teewi ala lɛlɔ iye ɔnantu ɔni mɔɔna na kalɔ kaayɔ́. Na ɔɔɔdubo bɔsi bekyuli kudɔ, mmomu ɔdubɔsi Unwoti ɔlati kudɔ.

Lɛkpa Ulu 33:28

Anwuɔsu Yakob bawɔ, bilie na atu bɔyɔ kemmo. Na bilie kpli na kalɔ kani Unwoti úti uute-mii mmɔ kaduɛ. Kalɔ kani nélie lɛmwi na edula ku adingyii ani beeti taabla ntɛ adubɔdia-ka lɛlɔ. Na Unwoti ɔɔyá na amii aasí katɔ teebewi-ka ntu.