Agba 18:2 - Katɔti Ɔku Kedee

² Ala kalɔ bunu ogya ɔdi ulákya badɔlɔdi kudi kudii! Ama bana kasusu kani na beebó kudu.

Agba 18:2 ပူးပေါင်းရင်းမြစ်များ

Agba 1:22

Lɛnunda ɔ́kpali ɔnini, “Amii bani na bina kasusu kásɔ ni, uwi ɛlɛ na bɛdubusie anumi ku bina ngba bɔni násɔ bulie bitédu? Uwi ɛlɛ na amii bani mɔɔmá litemi geen lɛmmɔ bɛdubɔbla lɛni bitédu? Na amii badɔlɔdi bikisi lɛlati?

Agba 1:7

Unwoti bɔyia ndi ukyuli lɛlati kalɔ kesekɔ. Nsu badɔlɔdi beení lɛnunda etemila ku kalɛ na badi lɛlɔ lɛlɔ kaduɛ.

Agba 12:23

Banundane belebo bana lɛlati kudu. Nsu badɔlɔdi ama beedie bana kɔdɔlɔ keyi.

Agba 13:16

Banundane baaka kasusu bɔbla asa na baabla ala. Uuuse lɛni ku badɔlɔdi, na baakun lɛmɛnɛ lɛnɔ taasia ɔmmɔ kama.

Agba 17:16

Si ɔdɔlɔdi ulásia lɛnunda ulu ni, ɔɔɔdi kasusu buni ka ebile egulabi anii ɔtɛya lɛla lɛdi.

Agba 18:3

Kesii kani na bekyuli bekpidi báda bálɛ ni, ukyuli tabu ku kɔƒa ala ku anumi kalɔ buwi ala kani mɔɔsia-ma kama.

Etemila 10:3

Si ina ɔgbami na ɔdɔlɔdi ɔkɛ muedi ni, nwuna busie lɛti lɛti bɔɔtina-a kalɛ na ɔ́dɔlɔ.

Mateo 8:34

Anwuɔsu ɔma ɔmmɔ bekyuli ƒui bésie banii batásiaku Yesu. Na ka bánu-nwu ni, bévele-nwu ka ɔtɔlɔ bana kalɔ lɛlɔ.

Korintoƒuɔ 1 14:12

Ka bina ƒui anumi égyie ka bɛkɛ Kɔyu kemmo etela ni, bɛya na anumi egyie-mii na bɛkɛ etela ani mebunku baƒɔtaadine lɛkpa lɛmmɔ lɛtɔtɔ busie mmomu utulo.

Korintoƒuɔ 1 8:1

Na ɔƒɛni ni, mɔɔyɔ́ ka lɛsu-mii lɛla lɛdi na adila ani na béti bákpa na baƒiɔ abi lɛlɔ. Bɔɔsu bɔnii bula ƒui bubo lɛlati. Nsu bɔgyi lɛnɔ ka lɛlati lɛmɛni lɛɛyá na ukyuli uuƒu na ɔɔtina lɛlɔ. Nsu lɛla lɛni mɔɔkya-bu ogya ni, ani ndi si aayɔ́ bekyuli.

Ƒilipiƒuɔ 1:15

Na ɔdi sɔsɔ ka badi baasu Kristo litemi lɛmmɔ ɔsika beekpó kogyulo na baawia lɛnyi ɔsu. Nsu badi ama baasu-ni taasiku kasusu kabuni kemmo.