Agba 18:19 - Katɔti Ɔku Kedee

¹⁹ Si bɔƒiɔ búduo awɔ ku ƒula ɔkpana ntɛ ni, ubo ɔkplu ka abla lɛla lɛdi ete-nwu na bɛsɔ bɛbla unwi utulo kalɛ na ekpo adi ɔma unengudi ɔni na bátu bámana lɛlɔ. Unyeƒi kpakplaa uule bakpana inyɔ ntɛ aani kalɛ na baakalɛ ɔban kenye na babala.

Agba 18:19 ပူးပေါင်းရင်းမြစ်များ

Ala Kalɔ Buse 37:11

Ɔmmɔ ɔsu nwuna lɛlɔ líbo liigyie nwuna banwani anumi, nsu ɔti úti litemi lɛmɛni ɔ́kya kasusu kemmo.

Samuel 2 13:22

Nsu Absalom útakpete ɔnwani Amnon na ɔsu-nwu ɔnii ɔ́bla lɛbuni iye ɔ́bla likpidi. Mmomu úti-nwu bukisi kpakplaa ɔ́si kalɛ na úbile ɔnwani ulekubi ɔsu.

Samuel 2 13:28

Ɔmmɔ kama ni, Absalom úsie útébo nwuna kabla bablane ɔda na ɔ́su-ma ɔnini, “Binu kaduɛ! Si uwi ɔni na bɛ́nu ka Amnon ɔ́ni ntɛ úkpi na bɔdaku-nwu bɔda ni, ndubo-mii bɔsu nnii, ‘Bibo Amnon bɛva kalɔ.’ Na mmɔ ni, bɛdu-nwu. Na bitayia. Ami nébo-mii ɔda lɛni. Ɔmmɔ ɔsu bise kayi na bɛdi lɛnanabi.”

Baga 1 12:16

Uwi ɔni na bekyuli bammɔ bánu báti ka ɔga ɔmmɔ ulabla bana lɛyɔla ulete-ma ni, mmɔ na báva momoomo básu banini, “Bi kadikɔ na bubo ɔ́siku Dawid kudɔ? Kakɛ kamani na bunye na Yisai ubidi kudɔ? Israel banana, bɛya na bunwini buteesie bula nvo kemmo! Dawid utiku nwuna kaduli na utaanu-ka lɛlɔ.” Ɔmmɔ ɔsu Israelƒuɔ bénwini bésie bana ɔma.

Agba 16:32

Kayi buɛɛ kadia ketulo kenyekɔ ɔyikun. Si aakana ƒula lɛlɔ lɛlɔ bɔdi ni, ɔdia utulo si ékpo ádi ɔma unengudi ɔdi lɛlɔ.

Agba 18:18

Baakana na baatu egulabi taanu na bayikune inyɔ bani mɔɔkya unyeƒi ɔdi lɛlɔ na unyeƒi ɔsa.

Agba 18:20

Etemila aayá na kɔyu kuumó aani kalɛ na adila aayá na kaƒɔ keemó. Lɛni na etemila ani mɔɔlɛ́ ukyuli kenye na uwi ɔni na ɔ́manku lɛlɔ eemó ukyuli.

Agba 6:19

ɔkɔ kenye litemi bediene bani mɔɔnyi ɔkɔ taaka ala. Ukyuli ɔni mɔɔkya bekyuli ntɛ taabla ala ani na ubile banwani ntɛ.

Batalane Kabla 15:39

Amu na bana inyɔ bamɛni báni Marko Yohane lɛlɔ litemi lɛmɛni bénene laa ɔni náya na bégyingyaku lɛlɔ. Barnaba útiku Marko na básia ntu anumi na bátɔlɔ bésie Kipro.

Samuel 1 17:28

Ka Dawid ɔnwani unengudi Eliab únu ka Dawid ku bekpone bammɔ benye baatɛmi ni, ɔ́kɛ kɔnyi ɔ́kya-nwu geen na úye-nwu ɔnini, “Bi na ébo aawia mɛni? Ɔma na áda baƒonu ɛlɛɛ bammɔ ése na ɔɔnu lɛlɔ? Ngyi-ɔ kalɛ na aakun ala lɛmɛnɛ ku kayi kekpidi kani nkya-a. Ɔɔɔdi kekpo kamɛni ɔsu na ébo mɛni abanu lɛla lɛni mɔɔlɛ́?”