Agba 17:23 - Katɔti Ɔku Kedee

²³ Bekyuli bekpidi baabɛ́ taaƒɔ ala bekyuli kudɔ kalɛ na batu litemi benwini.

Agba 17:23 ပူးပေါင်းရင်းမြစ်များ

Israelƒuɔ Bɔlɛ 23:8

“Na ɔdi utaƒɔ egulabi na bɔbɛ kemmo, ɔsika ala ammɔ udu aabwɛ bekyuli bani mɔɔnu anumi na balátɛ litemi siin.

Agba 17:8

Ala ani beete ukyuli na bɔbɛ kemmo ni, etulo kuvo ete bani mɔɔbla udu ɔmmɔ. Baasia ɔmmɔ lɛlɔ na ala aatɛ teete-ma.

Agba 18:16

Ukyuli ala bute bɔdanku ala enengudi. Ɔkana na uti-ɔ usienku benengu bani mbo kenyekɔ geen anumi.

Agba 21:14

Etela ani baabɛla teete ukyuli aayá na kɔnyi kɔɔyɔ́ ukyuli. Na etela ammɔ udu aayala kayi.

Etemila 7:7

Ala buƒu taakya ɔɔyá na ɔnundane uunwíni ɔdɔlɔdi. Na ala bɔbɛ taaƒɔ taadi ulaya na ukyuli kayi keeti-nwu taasiaku ala bɔbla ulu lɛlɔ siin.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yesaia 5:23

Bekyuli bani mɔɔbɛ́ taaƒɔ ala, na beete balalane ubo ka bekeli bana kɔtu bɔni, na baaní bekyuli babuni mmomu kɔtu ni, bɔbuɛ beete-ma.

Esekiel 22:12

Bina badi bɛɛƒɔ́ egulabi ka bɛdu ukyuli. Na biivó egulabi teete bina Israelƒuɔ banwani taaƒɔ́ kuvonsia bonwu na bɛɛsia ɔmmɔ lɛlɔ taawia lɛkɛ teese lɛlɔ. Na ɔni nébie utulo ƒui ndi ka bɛ́yiƒala ami Unwoti Katɔti.

Esekiel 22:27

“Israel kadi benengu bese aani beƒukutu bani anumi négyie na ebuo ɔni na beƒie lɛlɔ na baaduli-nwu teegyingya si báda-nwu. Na beelie ngba ngba bukpidi taakya bekyuli ɔlɛ na baadú-ma.

Mika 3:11

Na amii batɔnkune bammɔ bɛɛƒɔ́ ala na bɔbɛ kemmo na bɛɛsia kasusu kekpidi kɔnu. Amii bakpane ku kenye bediene ƒui sika ɔsu kani na bɛɛtina ala na bɛɛsu Katɔti litemi lɛmmɔ. Na ɔmɛni ƒui kama bɛɛsu bɛnini, “Unwoti unye-bu kama na likpidi lɛdi lɛɛɛdubo-bu bɔlɛku.”

Mika 3:9

Anwuɔsu binu kenye kani na nda líboku amii Israelƒuɔ batɔnkune! Bikisi litemi lɛlɔ bɔdi ulu siin lɛlɔ na biinwíni litemi geen lɛmmɔ taalɛ.

Mika 7:3

Bekyuli baasála lɛlɔ taabla unwi ka babla alaekpidi na bana ablala ɔsu. Litemi batɛne ku bana benengu baawia ka baƒɔ ala basiku bekyuli kudɔ na bɔbɛ kemmo. Na lɛlɔ badine baanya bekyuli taakya na litemi katɛkɔ.

Lɛkpa Ulu 16:19

Na beteƒu litemi geen lɛmmɔ batakya na batanu bekyuli anumi lɛnɔ. Na bataƒɔ egulabi na bɔbɛ kemmo, ɔsika etela ammɔ udu aabwɛ banundane ku bekyuli bani lɛlɔ mbo ɔbu anumi, na balátɛ litemi siin.

Samuel 1 12:3

Na bɛɛnu kalɛ na nnye-mii anumi ɔmwi. Na ɔni na bunye Unwoti ku bina ɔga ɔƒunadi anumi mɛni ni, ɔdi ɔdubɔkana na udie ɔtina likpidi lɛni na lɛ́bla-nwu? Bina akɔ ɔmani ɔmantɛ akɔ iye ebuo ala utine na líƒie lɛ́ƒɔ? Munuu ɔdi ɔkya-mii akɔ ɔni na lɛ́nya-nwu lɛ́kya na ulu ɔdi lɛlɔ? Iye ni, líti etila adi lɛ́sia ɔdi lɛlɔ? Iye lɛ́bɛ lɛ́ƒɔ lɛla lɛdi lɛ́siku ɔdi kudɔ lɛ́di, na lɛ́du ɔbambadi kalala kɔtɔ na líte anwu ubo? Na si ɔdi ɔ́kana na údie kenye ka ala amɛni ɔdi use lɛni ni, bɛsu bɛlɛku na lɛƒɔ kayu kammɔ na lɛla lɛmmɔ lili.”

Samuel 1 8:3

Nsu bebi bamɛni balabla ala siin na Unwoti ulu lɛlɔ. Mmomu bénwini kama bákya-nwu na baabla bekyuli ulikplu ala na baaƒɔ́-ma ala taadi na bɔbɛ kemmo. Na balábla lɛla lɛdi ulu lɛlɔ.