Agba 17:17 - Katɔti Ɔku Kedee

¹⁷ Ɔkpana buni ɔɔdi nwuna litemi lɛlɔ uwi ndi uwi. Na ukyuli ɔnwani ni, bɔwɔ na báwɔ-nwu ka ute kebunku uwi ɔni na ɔnwani ɔɔwia lɛla lɛdi.

Agba 17:17 ပူးပေါင်းရင်းမြစ်များ

Samuel 2 1:26

O Yonatan, mina ɔnwani, líduo kɔnyana ɔsika mɔɔyɔ́-ɔ geen. Ƒula bɔyɔ bɔni na ebo ete-mi búbomo geen. Na beleti-mu balákɔku ɔnana ku uleku bɔyɔ.

Samuel 2 15:21

Nsu Itai údie kenye ɔnini, “Ɔkɛnku Unwoti ɔni nli ngba uwi ƒui ku awɔ mina ati ku ɔga ɔni lɛnɔ nli ngba ɔƒɛni ni, kesii biala na mina ati ku ɔga ɔdubɔkya ni, mmɔ kani na ami lɛnɔ ndubɔkya. Kukpi kɔdi o-o ngba o-o ni, mmɔ kani na ami ƒula kabla ɔblane ndubunye.”

Ester 4:14

Na si átakana na abla lɛla lɛdi na uwi ɔmɛni udu kemmo ni, kebunku kadubɔsi kesii bamba kudɔ kete Yudaƒuɔ bammɔ ƒui na bakɛ bɔƒɔ, nsu awɔ ku ƒula bati ku bina ɔtɔ kemmo bɛdubo udu bɔyii ƒui. Ɔma ngyi lɛla lɛni ɔsu na ákɛ kuƒi ka éduo likpo lɛmɛni udu uwi ɔmɛni kemmo?”

Agba 16:28

Ukyuli ɔni mɔɔwia ka bekyuli beteekpoku lɛlɔ ni, lɛsɛ ogya na ɔɔkya bekyuli akɔ. Na bekyuli anyikpi bɔlɔ ni, uugyingya bakpana babuni muedi ntɛ.

Agba 18:24

Bakpana badi bakya bani ɔbladu mɔɔyila lɛlɔ udu. Nsu badi beebó taada lɛlɔ geen utulo banwa muedi.

Agba 19:13

Ubi ɔdɔlɔdi ɔdi ɔgbankpi ute ɔti. Na uleku ɔni mɔɔkya unyeƒi use aani ɔtɔ ɔni muudú.

Agba 19:7

Si ɔwabane lɛlɔ bekyuli beení-nwu ni, bi ɔsu na nwuna bakpana beléni-nwu? Ɔwabane ɔmmɔ ɔdubo bɔkpali-ma, nsu bana ƒui badubukeli-nwu.

Hebriƒuɔ 2:11

Anwu ɔni nábla bekyuli kedee ku bekyuli bani na ɔ́bla kedee ƒui ni, badi bekyuli benwi. Ɔmɛni ɔsu na kɔƒa kulekpo Yesu ka ɔlɔ-ma ɔnii banwa.

Rut Keliela Ɔku 1:16

Nsu Rut ɔ́su Naomi ɔnini, “Tasu-mi anii nnwini nteesie mina ɔma. Ya na lɛsiaku-ɔ. Mɔɔsu-ɔ nnii kesi kesii na ésela ni, ndubɔsiaku-ɔ. Na kesi kesii na adubuduo ni, ami lɛnɔ ndubuduo mmɔ. Na ƒula kadi bekyuli ndubɔbla mina bekyuli, na ƒula Katɔti ɔni ntulo ƒui ndubɔbla mina Katɔti. Na kesii kani na adubukpi bɔtɛ ni, mmɔ kani na ami lɛnɔ ndubukpi bɔtɛ na bava-mi mmɔ. Si ńtabla ɔmɛni ni, Unwoti ɔni-mi kɔtu kunengudi kɔni na ɔɔyɔ́. Kukpi kani ndubule ami ku-ɔ ntɛ.”

Samuel 1 18:3

Na Yonatan ku Dawid bényimi kpakplaa ka bana kɔkpana kɔsɔ kulékulo kudii, ɔsika baayɔ́ lɛlɔ geen.

Samuel 1 19:2

Ɔmmɔ ɔsu úbo-nwu ɔda ɔnini, “Mina ɔti ɔɔwia ulu ɔni na ɔdu-ɔ. Ɔmmɔ ɔsu kɔnaadi ɔtanta tutuutu ni, nu kaduɛ na ekeli atábɛ alakpi akɔ na asɔ akya mmɔ.

Samuel 1 19:3

Kama ni, ami ku mina ɔti bɔdububo mmɔ, na bulagyunku kesii kani na adubɔbɛ. Na kudeedi ni, ami ku-nwu bɔdubɔda ƒula kɔtɛ bɔnu. Na lɛla biala na bɔ́su ni, ndubɔya na ati nwuna kasusu.”

Samuel 1 20:17

Na Yonatan ɔ́ya na Dawid ɔ́lɛ bunyimi linyese lɛmmɔ ugyii ɔkɛnku bana bɔyɔ kenye, ɔsika ɔɔyɔ́ Dawid aani nwuna lɛlɔ kalɛ.

Samuel 1 23:16

Na Saul ubidi Yonatan úsie Hores mmɔ na útakya Dawid ɔkplu kalɛ na use-nwu kayi na Katɔti lɛlɔ.