Agba 16:20 - Katɔti Ɔku Kedee

²⁰ Bekyuli bani muunú bɔlɛ ni, ala adubɔtɛku-ma. Na bekyuli bani na bana anu asia Unwoti lɛlɔ ni, lɛlɔ lɛdubɔyɔ-ma.

Agba 16:20 ပူးပေါင်းရင်းမြစ်များ

Ala Alɛdi 1 5:20

Na béti bana anu básia Katɔti lɛlɔ. Na bákpali-nwu ka ute-ma kebunku. Na Katɔti lɛnɔ únu-ma bɔkpali. Na békpo bádi Hagarƒuɔ bammɔ ku bakladi bammɔ lɛlɔ.

Kɔgya 125:1

Bekyuli bani néti bana anu básia Unwoti lɛlɔ ni, bese aani Sion Kɔbi kɔni naadubo bɔta kesii kani na kɔlɛ kudii. Ɔsika mmɔ kani na kɔdubɔlɛ uwi biala kemmo.

Kɔgya 146:5

Lɛlɔ lɛdubɔyɔ ukyuli ɔni néti nwuna anu ɔ́sia Yakob Unwoti Katɔti lɛlɔ ka ubunku-nwu, ɔsika úti Unwoti ɔ́bla nwuna Katɔti.

Kɔgya 2:12

Na biboku eli kalɔ bite-nwu. Na si ɔɔɔdi lɛni ni, Unwoti ɔdubɔkɛku-mii kɔnyi geen na ɔyila-mii udu kɔnakunwi. Nsu lɛlɔ litaayɔ bekyuli bani muukeli teesie-nwu kudɔ ka ɔgyumana-ma.

Kɔgya 32:10

Balalane badubo abi bubo geen. Nsu bekyuli bani meti bana anu masia Unwoti lɛlɔ ni, nwuna bɔyɔ bɔni naaavumana kudii bɔdubɔka bɔmana-ma.

Kɔgya 34:8

Bɛni bide Unwoti na bɛnu kalɛ na ɔdia. Ukyuli ɔni néti Unwoti ɔ́bla nwuna katamikukɔ ni, lɛlɔ lɛdubo-nwu bɔyɔ.

Agba 13:13

Bekyuli bani muuní ka bekyuli balɛ-ma ni, ɔgbankpi kemmo kani na badubo buduo. Na bani mɔɔbu bekyuli bɔlɛ ni, badubo bukpo bɔlɛ.

Agba 13:15

Ukyuli ɔni mɔɔbla kasusu buni na ala lɛlɔ ni, bekyuli baabu-nwu. Na ukyuli ukpidi anwu ni, nwuna kasiakɔ atakpɛ lɛlɔ na kaasia.

Agba 17:2

Kabla ɔblane ɔni na ɔ́da anu ni, ɔɔdi ɔtɔlati bebi bani mɔɔbla kɔƒa ala lɛlɔ, na anwu ku bebi bammɔ muule bana ɔti ala.

Agba 19:8

Si ákɛ lɛnunda ni, ɔɔtina ka aayɔ́ lɛlɔ. Na bekyuli bani muunye kpakplaa ka bakɛ lɛlati na beteenu ala kalɔ ni, enu ku akɔkɔ adubuyi-ma.

Agba 8:35

Ɔsika ukyuli biala nánu-mi ɔti ni, ɔ́kɛ ngba, na nwuna lɛlɔ lɛdubɔda Unwoti ebiti.

Yesaia 30:18

Unwoti Katɔti ɔɔyɔ́ geen ka ɔnu-mi kɔnyana ku lɛƒɔndia, ɔsika Unwoti ɔdi Katɔti ɔni mɔɔtɛ litemi na ulu siin lɛlɔ. Na bekyuli bani ƒui muunye taanu-nwu anumi ni, uute-ma kusɛ kusɛ.

Daniel 3:28

Amu na Ɔga Nebukadnesar ɔ́su ɔnini, “Bemwi bakloƒu bamɛni Katɔti ka úmene nwuna katɔ batu na bébedie nwuna kabla bablane! Báƒɔ bana Katɔti bádi, na béni ka badi mina ɔda bubo lɛlɔ. Sɔsɔ ni, báƒuna ka bekpi betulo ka bemwi iye bakya lili kalɔ bete baƒiɔ badi amu ntu bana Katɔti lɛti.

Daniel 6:23

Ɔga ɔmmɔ ɔ́nwuna ɔ́yula na kayi kélie-nwu kalɔ ka únu Daniel lɛdi, na údie lɛdi kɔnakunwi ɔnii bedie-nwu balɛku ubu ɔmmɔ kemmo. Ɔsika Daniel bɔƒɔtaadi na nwuna Katɔti lɛlɔ ɔ́ya na bagyata bammɔ bátakana-nwu lɛla lɛdi bɔbla.

Mateo 10:16

“Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.