Agba 16:2 - Katɔti Ɔku Kedee

² Bekyuli baanu ka bana ablala akɛ ulu ɔbuni lɛlɔ. Nsu Unwoti mɔɔkɔ́ku lɛla biala taanu kalɛ na lɛdia.

Agba 16:2 ပူးပေါင်းရင်းမြစ်များ

Kɔgya 36:2

Na kalɛ na baanu lɛlɔ katɔ katɔ ɔsu ni, bana likyulikpi líse-ma lisusu na balánu alaekpidi ani na baabla taati na beni-nya.

Agba 12:15

Badɔlɔdi mɔɔkali banii baláwia ka ukyuli ɔdi ɔkya-ma kasusu. Nsu banundane beesé atu teenu bekyuli bamba bɔlɛ.

Agba 16:25

Ukyuli biala ɔɔnu kasiakɔ kadi na nwuna ngba kemmo ka nka kadia. Nsu ulu ɔmmɔ kawɔlɔkɔ ni, kekpine kani na ɔɔdá taalɛ.

Agba 17:3

Ogya kemmo baakya sika ugyiedi ku ɔƒualadi taanu-nwu bɔdia. Nsu Unwoti ni, ukyuli kayi na ɔɔkɔ́ku taanu-nwu bɔdia.

Agba 21:2

Ukyuli ɔɔnu ka ulu ɔni lɛlɔ na ɔkɛ ɔdia geen, nsu Unwoti mɔɔnu-nwu kayi kemmo taati kalɛ na kese.

Agba 24:12

Tekeli kabla kadi na akya kakwɛ anii átati anii awɔ na ɔlɛka abla-ka. Ɔsika Unwoti ɔgyi ukyuli biala kayi kemmo na ɔɔnu awɔ lɛnɔ. Anwu mɔɔnu ƒula kɔyu lɛlɔ na ɔgyi ka áti kabla kammɔ lɛlɔ litemi. Na ɔdubɔtɛku bekyuli ƒui litemi na lɛla lɛni na bábla lɛlɔ.

Agba 30:12

Baanu lɛlɔ ka badia bagya nsu geen ni, beesé lɛlɔ geen na bátalɛ bɔkpi.

Agba 5:21

Ɔsika Unwoti ɔɔnu ukyuli biala lɛla lɛni na ɔɔbla, na ɔɔkɔ́ku nwuna kasiakɔ biala taanu.

Yesaia 26:7

O Ati ɔni nse kedee, bekyuli bani ablala nse siin ni, bana kasiakɔ biala kaatɛ kalɔ ƒiaa. Na bana kɔvinkɔ ni, aayá na kɔɔbla suɛlɛ suɛlɛ.

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Bumomo Bɔka 22:32

Amu na Unwoti ɔtu ɔmmɔ úye Bileam ɔnini, “Bi na ebuo ɔmmɔ ɔ́bla-a ɔsu na ébo-nwu kɔtɛ sɔɔn? Bubo na líbo ḿbenye lítile-nwu ulu. Ɔsika ulu ɔni akɛ ésela mmɔ uuuse-nwu siin.

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Budie Taatina 2:18

“Nweni ɔku te Tiatira baƒɔtaadine lɛkpa ɔtu anii, “Ami Yesu ndi Katɔti Ubidi. Na mina anumi aada aani ogya na mina lɛgba liikeye aani lɛbuala lɛni bákya ogya na lígyie. Ami mɔɔsu kenye kamɛni.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Litemi Batɛne 17:6

Na uwi ɔmmɔ ƒui kemmo ni, na Israelƒuɔ beeebo ɔga ɔdi. Anwuɔsu ukyuli biala ɔɔbla lɛla lɛni mɔɔyɔ́-nwu kaƒɔ.

Litemi Batɛne 7:6

Na nkyuli eti aku (300) náƒɔ ntu na akɔkɔ kemmo ku linyemi. Nsu bekyuli bakladi ama ni, akɔnkɔ na bálɛ asa báni ntu.

Samuel 1 16:7

Nsu Unwoti ɔ́su Samuel ɔnini, “Tanu kalɛ na ɔ́kuku na ɔɔdia bɔnu kani, ɔsika ńtaƒuna-nwu. Na ɔɔɔdi ala ani na ukyuli ɔɔnu na ukyuli lɛlɔ na ami Unwoti mɔɔnu taaƒuna-nwu. Ɔlɔna ala kani na amii bɛɛnu. Nsu ami mɔɔnu nwuna kayi kemmo.”

Samuel 1 2:3

Amii bani muukú lɛlɔ ni, bɛda bina lɛlɔ buku ku asula bɛya. Ɔsika Unwoti ndi Katɔti ɔni ngyi lɛla biala. Na ɔɔkɔ́ku ablala ƒui taanu.