Agba 16:19 - Katɔti Ɔku Kedee

¹⁹ Ɔdia si awɔ ku bawabane bilie na bɛɛdi lɛla lɛni na bɛ́kɛ utulo si awɔ ku belikplune bilie na bɛɛdi ala ani na béƒie báƒɔ bekyuli kudɔ.

Agba 16:19 ပူးပေါင်းရင်းမြစ်များ

Kɔgya 138:6

Unwoti, ina ka eli katɔ katɔ mmɔ muedi ni, aanu bani muuboku lɛlɔ kalɔ kɔnyana. Na bani mɔɔkɔliku lɛlɔ katɔ ni, bana ablala lɛnɔ átabɛ-ɔ.

Kɔgya 34:18

Unwoti ude bani na enu áƒɛ-ma na ala étulo-ma. Na ɔɔƒɔ́ bani na bana lɛnunsia ƒui lɛ́sa.

Israelƒuɔ Bɔlɛ 15:9

“Ukisine ɔmmɔ ɔ́kun lɛmɛnɛ ɔnini, ‘Ndubɔbi bɔsiaku-ma na ntáka-ma lɛkya. Na liƒie-ma ala lɛƒɔ na lile-nya na lɛdi-nya kalɛ biala na mɔɔyɔ́. Ndubɔkpa mina kewii liti lɛyila-ma udu.’

Agba 1:13

Na bana ala abuni ani na búƒie bɔ́ƒɔ ni, bɔdubuyile bula lɛtɔ ku-nya!

Agba 1:14

Bo na ebenyeku-bu kpakplaa, na abu ku-ɔ bɔdubule ala ani na búƒie bɔ́ƒɔ mmɔ.”

Agba 25:7

Nye na bakpali-ɔ bene banii, “Ni de kenengudikɔ mɛni,” utulo ka babɔku-ɔ batɔlɔku keliekɔ kenengudi kani na aanwanɛ ka elie ku kɔƒa. Tanu lɛla biala,

Agba 29:23

Ukyuli lɛlɔ katɔ bɔkɔliku muuboku nwuna kalɔ bubo. Na si éboku lɛlɔ kalɔ ni, bekyuli badubɔbu-ɔ na aƒɔ lɛnyi.

Agba 3:34

Na ɔɔpii bekyuli bani mɔɔpii bekyuli ka baatalaku lɛlɔ katɔ ɔsu. Mmomu uubunku bani muuboku lɛlɔ kalɔ.

Yesaia 10:6

Na mɔɔtala-ma ka betékpoku mina bekyuli bani naaadi mina etemila lɛlɔ. Lídie-ma ulu nnii betékpo mina kadi bekyuli, bekyuli bani mɔɔkya-mi kɔnyi, na beƒie-ma ala baƒɔ na besusu-ma kpɛtɛ kpɛtɛ.

Yesaia 53:12

Unwoti ɔdubɔƒɔ kayu kabuni bute-nwu na ute-nwu kenyekɔ kenengudi ku ɔyikun na kalɛ na úbo abi útédu ku kukpi kemmo na ɔ́ƒɔ kayu na bekyuli ƒui lili ɔsu. Báka-nwu bákya bekyuli bekpidi akɔ. Ɔsika bekyuli pii ekpidi na ɔ́ƒɔ ɔ́sia lɛlɔ, na úti lɛlɔ ɔ́kpa na bana lili, na ɔ́ƒɔ-ma ngba.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 9:3

Na Israel kadi badubɔsɔ balɛ lili na baƒɔ lɛnyi na lɛlɔ lɛyɔ-ma aani kalɛ na lɛlɔ lɛɛyɔ́ bekyuli si báƒɛ edula awɔdi. Na badubo kudu bubo geen ku lɛlɔyɔ aani bekpone muule ala ani na béƒie báƒɔ bana bekisine kudɔ.

Mateo 5:3

“Lɛlɔ litaayɔ bekyuli bani nánu báti ka Katɔti lɛti lɛlɔ na basia anu. Ama ndubuduo Katɔti Lɛga Kadikɔ.

Litemi Batɛne 5:30

‘Ala kama basiaku na bekpo baƒɔ-nya, na uleku unwi iye beleku inyɔ benye basiaku ukpone unwi. Kɔdi na banii kɔɔdia bɔnu lɛni bete Sisera ka uti ɔda-a limɔ aani ɔga uleku ɔsu.’