Agba 16:18 - Katɔti Ɔku Kedee

¹⁸ Lɛlɔ katɔ bɔtalaku mɔɔgyú taatɔ asa na ukyuli ɔɔyii udu. Na kayi kekpidi buse taabla ala mɔɔyá na ukyuli uubuli.

Agba 16:18 ပူးပေါင်းရင်းမြစ်များ

Ester 3:5

Haman úti kɔnyi kpakplaa ka únu kenye kamɛni ka Mordekai úni ɔnii ulalɛ akɔnkɔ kalɔ ulete-nwu ɔbu.

Ester 6:6

Ka Haman úduo-nwu kudɔ mmɔ ni, ɔga ɔmmɔ úye-nwu ɔnini, “Bi na ɔdi ka lɛbla lite ukyuli ɔni na mɔɔkali ka lɛkɔliku katɔ na lite-nwu ɔbu?” Ɔ́bla Haman kasusu ka ukyuli bamba ɔdi ɔsɔ uuubo na ɔga ɔmmɔ wakali ɔnii ɔɔkɔliku katɔ utulo anwu Haman.

Ester 7:10

Mmɔ kani na ɔga ɔmmɔ údie lɛdi úte-ma ɔnini, “Bɛgyunku-nwu na bitákya-nwu ɔbuli limɔ bɛƒala mmɔ!” Anwuɔsu béti-nwu na bátaƒala-nwu na anwu ɔlati ugyii lɛlɔ. Na ɔga ɔmmɔ kɔnyi kɔ́yɔ-nwu na kaƒɔ lɛnɔ kába-nwu.

Agba 11:2

Si aatalaku lɛlɔ katɔ ni, kɔƒa bɔdi nsia. Nsu si eeboku lɛlɔ kalɔ ni, na aadá anu.

Agba 17:19

Ukyuli biala mɔɔyɔ́ kadɔ ni, ɔɔyɔ́ likpidi. Na ukyuli biala mɔɔtɛmi taakun lɛmɛnɛ ni, ɔgbankpi na ɔɔwia.

Agba 18:12

Lɛlɔ bɔtina ku ukyuli tabu mɔɔgyú taatɔ asa na ukyuli ɔɔyii udu. Na lɛlɔ kalɔ buboku mɔɔtɔ asa na ɔbu ɔɔsia.

Agba 29:23

Ukyuli lɛlɔ katɔ bɔkɔliku muuboku nwuna kalɔ bubo. Na si éboku lɛlɔ kalɔ ni, bekyuli badubɔbu-ɔ na aƒɔ lɛnyi.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Yesaia 37:38

Limeyi lɛdi ni, ka Asiriaƒuɔ ɔga ɔkya ɔɔkpá nwuna baƒiɔ Nisrok na nwuna kakpakɔ ni, ɔga ɔmmɔ bebi inyɔ bani ndi Adramelek ku Sareser béti bana kuwii na bétébeyi-nwu bádu na békeli bésie Ararat kalɔ lɛlɔ. Na ubidi bamba ɔni baalɔ bani Esarhadon úti-nwu keliekɔ aani ɔga kalɛ.

Yeremia 49:16

Bina lɛlɔ katɔ bɔtalaku mɔɔtɔ́lɔ-mii bɔnii kadi bekyuli bamba ƒui baanu-mii ku bɔyia. Bilie atakpɛ ku abi eli aani kɔdigbo baasɛ kalɛ, nsu ami Unwoti ndubo-mii kalɔ buboku ƒui.

Yeremia 50:32

Aatalaku lɛlɔ katɔ, nsu adubo butulo na ebuli na ɔdi biala ɔɔɔdubo-ɔ bubunku na ata. Na ndubɔya na batu ogya bakya ƒula akpaklɔ lɛma ƒui. Na lɛla biala náka lɛ́mana-a lɛdubo butaada ogya.

Esekiel 28:17

Ƒula bɔdia bɔni na aadia bɔnu nátɔlɔ na énwini ukyuli ɔni na asɔ alábu lɛla lɛdi na aatina lɛlɔ. Na ka ƒula lɛnyi lísie ɔgyu ɔsu ni, ese kalɔ aabla adɔlɔla. Anwuɔsu na líkpeli-ɔ lɛ́va kalɔ na baga babambadi baamá-a.

Esekiel 29:9

utédu uwi ɔni na ƒula kalɔ kadubunwini kalɔ kekpludi kani nákwii na kasɔ kaladia lɛla lɛdi bɔbla. Mmɔ na adubɔti ka ami nábla ala amɛni. “ ‘Aasu taatina aani ka awɔ nábla Nil Ketu kammɔ na awɔ mɔɔdi-ka lɛlɔ.

Daniel 11:12

Na ɔga ɔmɛni ɔdubo lɛmɛnɛ butaakun geen na bekyuli lisu bonwu lɛni na ɔ́du ɔsu. Nsu bekyuli bukpo taadi lɛlɔ bɔmɛni bɔɔɔdubo uwi ɔdi bɔƒɔ.

Daniel 5:22

“Ɔga Belsasar, agyi ala amɛni ƒui na adi átabɛ-ɔ, nsu ébulo anii eleboku lɛlɔ kalɔ.

Daniel 5:24

Anwuɔsu na ɔ́tala kɔnu kɔmɛni ɔnii uti kenye kamɛni uboku-ɔ na únweni lɛla lɛmɛni ɔ́sia-a kowodu lɛlɔ.

Mateo 26:74

Amu na Petro ɔ́sɔ ɔ́kpali ala momoomo ɔnini, “Katɔti ɔni-mi kɔtu si ɔkɔ na mɔɔnyi nnii lɛɛɛgyi ukyuli ɔmmɔ.” Kɔnakunwi ni, akɔkɔ úte kenye.

Luka 14:9

Na ukyuli ɔni nálɔ bina inyɔ ƒui úboku mmɔ ulasu-ɔ ɔnii, ‘Ya na ukyuli ɔmɛni ubelie mmɔ.’ Na alata eletélie likpo lɛni nátaƒɔ kuye ku kɔƒa.

Romaƒuɔ 11:20

Na use lɛni. Nsu bɛti ka bana taƒɔ tadi ɔsu na bámami. Na amii bɛ́kɛ kamakɔ ka bɛ́ƒɔ bɛ́di ɔsu. Nsu ɔmmɔ ulátina ka ɔlɛka biteeƒu, mmomu bitaayia.

Timoteo 1 3:6

Útalɛka ɔbla ɔƒɔtaadine ɔwɔdi kalɛ na ulatalaku lɛlɔ katɔ, na ɔkɛnku lɛlɔ bɔtina bɔmmɔ ɔsu na webuli, na Katɔti wani-nwu kɔtu aani kalɛ na ɔ́ni ukisine ɔmmɔ kɔtu.

Litemi Batɛne 11:28

Nsu Amonƒuɔ ɔga ɔmɛni útakpete kenye kani batalane bani na Yeƒta ɔ́tala mmɔ.

Samuel 1 17:42

Nsu ka Goliat ɔ́nu Dawid ni, ɔ́nu ka okloƒu kani na ɔdi. Na ina ka ubo ɔlɔkplu na ɔɔdia bɔnu ni, nwuna lɛlɔ líƒi-nwu livo.