Agba 16:1 - Katɔti Ɔku Kedee

¹ Bɔɔkana bɔɔsála kasusu lidu lidu, nsu Unwoti mɔɔtina lɛla lɛni geen ndi litemi geen lɛmmɔ.

Agba 16:1 ပူးပေါင်းရင်းမြစ်များ

Samuel 2 7:5

“Sie mina kabla ɔblane Dawid kudɔ na atásu-nwu ka lɛla lɛni na ami Unwoti muuye-nwu anini, ‘Awɔ ndubɔtu ɔtɔ ete-mi na lilie-nwu kemmo?

Ala Alɛdi 2 18:31

Anwuɔsu ka bekpone bammɔ bánu Yehosaƒat na nwuna agala kemmo ni, bábu ka Ɔga Ahab ɔmmɔ na ɔdi mmɔ. Anwuɔsu bése kalɔ nka beteekpoku-nwu geen. Nsu Yehosaƒat ɔ́kpali Unwoti úvele-nwu kpakplaa na Unwoti lɛnɔ ɔ́ya na Siriaƒuɔ bekpone bammɔ báda báya.

Esra 7:27

Amu na Esra úmwi Katɔti ɔnini, “Bemwi Unwoti bula bati kuuku Katɔti ɔni néti lɛla lɛmɛni ɔ́kya ɔga kayi kemmo kalɛ na ɔsia ulu ɔmɛni lɛlɔ na úti ɔbu úte Unwoti kakpakɔ na Yerusalem.

Nehemia 1:11

Ɔmɛni ɔsu, O Unwoti, se atu na enu ƒula kabla ɔblane ku ƒula kabla bablane bani mɔɔbu ƒula lɛnyi bɔkpali. Na ɔmwi kadi kamɛni ni, na ɔga ɔmmɔ ɔnu-mi kɔnyana na etemila ani ndubo bɔda bɔva-nwu anumi lɛlɔ.” Uwi ɔmmɔ kemmo ni, ami Nehemia nátaaƒɔ ntɛ teete ɔga ɔmmɔ.

Hiob 17:11

Mina ngba búudu kawɔlɔkɔ, na lɛ́yila lɛnunsia biala na kasusu kani na nda ku mina kayi lɛyɔla biala lɛlɔ.

Kɔgya 10:17

O Unwoti, bekyuli bani muuboku lɛlɔ kalɔ na beevele-ɔ bana kayi lɛyɔla ni, eenú-ma bɔkpali na aakya-ma kayi ogya, na eenú-ma lɛdi lɛnɔ si baakpali-ɔ.

Kɔgya 119:36

Ya na ƒula ɔda bubo lɛlɔ bɔdi butaada-mi ɔkwɛ teetulo kalɛ na lɛkɛ lɛkɛ.

Israelƒuɔ Bɔlɛ 4:15

Tɛmiku-nwu na asu etemila amɛni akya-nwu kenye. Ami ndubo bina inyɔ ƒui bubunku na lɛtina-mii lɛla lɛni na bɛdubɔsu.

Agba 15:33

Si aayia Unwoti ni, ɔɔtina kalɛ na áda anu. Na lɛlɔ kalɔ buboku mɔɔtɔ asa na ɔbu ɔɔsia.

Agba 16:9

Bɔɔkana na bɔɔbla kasusu ku kɔkwɛ na lɛla lɛdi lɛlɔ, nsu Unwoti mɔɔtina bula kasiakɔ.

Agba 19:21

Adubɔkana na eti kasusu kɔkwɛ pii, nsu Unwoti lɛƒɔyɔ kani ndubo bunye.

Agba 20:24

Unwoti mɔɔtɔnku bekyuli na bana ngba ulu busie kemmo. Na ukyuli ulakana nwuna ngba ulu ɔni na uusié kalɔ bunu bɔwɔlɔ.

Agba 21:1

Ɔga ɔni mɔɔdi lɛlɔ kayi kese aani ketu kani mɔɔgbá. Na Unwoti mɔɔtɔnku-ka na kaagbá taavi kesii kani na ɔɔyɔ́.

Yeremia 10:23

Unwoti, ngyi ka ɔɔɔdi abu bekyuli alati nda bula ngba.

Korintoƒuɔ 2 8:16

Na bɔɔgyá Katɔti enu, ɔsika ɔ́ya na anumi eegyie Tito lɛnɔ ka ubunku-mii aani abu kalɛ.

Ƒilipiƒuɔ 2:13

Ɔsika Katɔti ɔkya-mii akɔ ɔɔbla kabla na bina akɔ uwi biala kalɛ na ɔbla-mii na bɛkana na bɛdi ala ani na ɔ́su-mii lɛlɔ.