Agba 15:9 - Katɔti Ɔku Kedee

⁹ Bekyuli bekpidi kɔsiakɔ ƒui kulayɔ Unwoti kaƒɔ. Nsu bekyuli bani mɔɔwia kpakplaa ka belie ngba bɔbuni ni, Unwoti ɔɔyɔ́-ma.

Agba 15:9 ပူးပေါင်းရင်းမြစ်များ

Kɔgya 1:6

Unwoti anu asia bekyuli bani mɔɔsia nwuna ulu lɛlɔ siin, na ɔɔgyumana-ma. Nsu bekyuli bani naaasia nwuna ulu lɛlɔ ni, badubɔyii udu.

Kɔgya 11:7

Ɔsika Unwoti use siin na ɔɔbla ala ulu lɛlɔ. Na bani nsiaku-nwu kama siin ndubɔkana na benye-nwu anumi.

Kɔgya 139:24

Sia-mi anu na si nkɛ ulu ukpidi ɔdi lɛlɔ na eti-mi asiaku ngba ƒui ulu lɛlɔ.

Kɔgya 5:5

Na bekyuli bani mɔɔkun lɛmɛnɛ ni, alawia-ma alanu. Na ekisi bekyuli bani mɔɔbla likpidi.

Agba 15:10

Ukyuli biala na únwini kama ɔ́kya ulu geen ɔmmɔ ni, Unwoti ɔdubɔni-nwu kɔtu kpakplaa. Na ukyuli ɔni nkisi ka bedie-nwu bɔƒiɔ ni, ɔdubo bukpi.

Agba 21:21

Ukyuli ɔni anumi muugyie na Unwoti lɛƒɔyɔ bɔbla lɛlɔ na Unwoti utaayɔ-nwu ni, ɔdubulie ngba ku udu buni, na bekyuli badubo-nwu butaabu.

Agba 21:4

Anumi ani mɔɔnu ɔnusɛ ku kayi kani mɔɔtalaku lɛlɔ katɔ ku likyulikpi ala bɔbla ƒui adi likpidi.

Agba 21:8

Bekyuli bani na bana kayi kaadú-ma kɔtɔ na bana ablala ɔsu ni, lilu lɛni neeese siin lɛlɔ na baaví. Na bani na lɛla lɛdi lɛɛɛda-ma ni, baasia lilu siin lɛlɔ.

Agba 4:19

Nsu bekyuli bekpidi kavinkɔ aka kese aani ubu ɔni nse suu geen. Na balati lɛla lɛni mɔɔyá na beetulo taagbanta.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Yesaia 26:7

O Ati ɔni nse kedee, bekyuli bani ablala nse siin ni, bana kasiakɔ biala kaatɛ kalɔ ƒiaa. Na bana kɔvinkɔ ni, aayá na kɔɔbla suɛlɛ suɛlɛ.

Yesaia 51:1

Si bɛɛyɔ́ ka bitaabla ala siin na biteenu Unwoti litemi ni, na bilie ngba na bɛlɛ lɛtakpɛ lɛni lɛlɔ na bámami-mii básiku.

Yesaia 51:7

“Anwuɔsu amii bani ngyi lɛbuni lɛni na ɔdi ka bɛbla na bɛda mina ɔda bubo ku kayi ƒui ni, bise atu. Enu ataƒɛ-mii si bekyuli beedumi-mii na baatɛmi enyekpi na bina lɛlɔ.

Yeremia 44:4

Mɔɔyá na mina kabla bablane kenye bedie beebo taabatɛmiku-ma taasia kama uwi ndi uwi kalɛ na nkisi bana ablala ani muusé lɛlɔ mmɔ. Na bébo-ma ɔda kpakplaa ka bada bana alaekpidi bɔbla baya.

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Habakuk 1:13

Nsu alatunaku likpidi munu munu. Anwuɔsu tasɔ tenye tanu bekyuli bamɛni kpoo lɛni na beteebile bekyuli bamba bani na nka badia betulo-ma kukuuku ƒui ngba lɛni.

Mateo 7:13

“Bɛsia kayakun kani nse blii suɛ mmɔ biduo. Ɔsika si bɛ́sia kayakun kani nábɛbɛ na akɛ ulu ɔni nse buɛɛ lɛlɔ ni, adubuduo lɛgyavonku kemmo. Na nwuna lɛlɔ na bekyuli pii bakɛ.

Lɛkpa Ulu 7:13

Na ɔmɛni ɔdubɔya na ɔyɔ-mii litemi na bimomo na ute amii ku bina bebi kusɛ kusɛ na bɛkɛ edula pii na bina adingyii ku nnɔ egyii mmo bɔbla kaduɛ. Na bina ɔmantɛ bakɔ ku baƒonu lɛnɔ bawɔ pii na kalɔ kani na ɔ́su bina bati kuuku úse ka wete-mii lɛlɔ.

Timoteo 1 6:11

Nsu ka adi ukyuli ɔni na éti lɛlɔ éte Katɔti ɔsu ni, die ala amɛni ƒui atu na eti ƒula anu asia lɛbuni bɔbla lɛlɔ. Sia Blɔti kama na bɔƒɔtaadi ku bɔyɔ kemmo. Kɛ kayi na ada bekyuli buɛɛ.

Timoteo 2 2:22

Da atu die lɛkloƒu bɔdi ala keeke kama bɔsiaku kemmo. Na abla lɛla biala ulu lɛlɔ, na elie ɔƒɔtaadine ngba buni, na ataayɔ bekyuli, na elieku-ma ku keyi buɛɛ. Siaku ala amɛni ku bekyuli bani ƒui mɔɔkpali Blɔti ku kayi sɛɛn kama.