Agba 15:5 - Katɔti Ɔku Kedee

⁵ Ɔdɔlɔdi kani muuní ka nwuna bawɔne batumini-nwu. Ukyuli biala ɔni matɛya lɛla lɛdi wasiku bɔƒiɔ bɔni bédie-nwu lɛlɔ ni, ɔ́da anu.

Agba 15:5 ပူးပေါင်းရင်းမြစ်များ

Ala Alɛdi 1 28:20

Anwuɔsu sia anu na akya kayi na abla lɛla biala aani kalɛ na bɔtaa bɔmɛni bɔɔtina. Na tayia na enu lɛnɔ ataƒɛ-ɔ, ɔsika Unwoti mina Katɔti ɔdubo-ɔ bubunku na abla lɛla biala lɛni na ɔdi ka abla na eti awɔlɔ kakpakɔ kammɔ bɔtu kalɛ na bekyuli beteesie mmɔ taatákpa-nwu.

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Kɔgya 141:5

Taya na lini ka ukyuli ɔni nse siin ɔni-mi kɔtu iye ɔdɔnku-mi. Ɔsika ɔmmɔ ɔdubunwini lɛƒɔndia mmomu ute-mi. Taya na lɛƒɔ bumwi bɔdi lɛsiku bekyuli bekpidi kudɔ aani kalɛ na beewi ukyuli lili nnɔmii, ɔsika mɔɔkpali katɔ uwi biala nnii utatɛ utete bekyuli bani mbo likyulikpi.

Agba 1:23

Si bunu na bínu-mi bɔdɔnku ni, nka ala ani ƒui nkya-mi kayi kemmo na ndubudie lɛsu-mii, na lɛya na bɛti mina lili kemmo kakali ƒui.

Agba 1:7

Unwoti bɔyia ndi ukyuli lɛlati kalɔ kesekɔ. Nsu badɔlɔdi beení lɛnunda etemila ku kalɛ na badi lɛlɔ lɛlɔ kaduɛ.

Agba 10:1

Salomo agba bamba ndi amɛni. Lɛlɔ lɛdubɔyɔ bawɔne bani bebi mɔɔdá anu. Nsu ubi ɔdɔlɔdi bawɔne ni, badubuwulo ku kɔnyana.

Agba 13:1

Ubi ɔni na ɔ́da anu ni, ɔɔtuna na nwuna bawɔne baatumini-nwu kalɛ na ɔ́manku. Na ɔnamu ɔni muuti lɛla biala taakya bɔƒia ni, ulenu litemi.

Agba 13:18

Ukyuli ɔni na alayɔ ka bedie-ɔ bɔƒiɔ ni, kɔwaba ku kɔƒa ndubo-ɔ buƒie. Nsu si átuna anii bédie-ɔ bɔƒiɔ ni, bekyuli ƒui badubo-ɔ bɔbu.

Agba 15:4

Etemila ani mɔɔyu buɛɛ aayá na ukyuli uulie ngba na ɔɔkɛ́ ɔyikun. Na unyemi ɔni mɔɔnyi ɔkɔ ɔɔdú ukyuli kɔyu.

Agba 15:6

Lɛlakɛ lɛbuni liisé bekyuli babuni kesii. Nsu bekyuli bekpidi ala ani na baakɛ́ adanku ɔgbankpi.

Agba 19:20

Bɔlɛ ku ala ani ƒui na badubɔtina-a ni, ƒɔ-mu kalɛ na adubɔkana, na adubɔda anu ƒula ngba emeyi akladi ƒui.

Agba 25:12

Si édie ukyuli bɔƒiɔ na éti-nwu ásia ulu ɔbuni lɛlɔ ni, ɔdi lɛla lɛbuni geen ute ukyuli ɔni muunú bɔlɛ bɔmmɔ aani asɛɛ abuni ani na béti sika ugyiedi bábla.

Agba 6:23

Ɔsika ɔda bubo bɔmɛni bɔdi asogya, na ala bɔtina bɔmɛni bɔdi-ɔ bukeye. Na kalɛ na etemila amɛni aaklibi-ɔ na ati lɛlɔ bɔda ni, adi ulu ɔni lɛlɔ na adubɔsia na akɛ ngba.

Tito 1:13

Lɛla lɛni na kenye udiene ɔmmɔ ɔ́su ɔdi sɔsɔ. Anwuɔsu bɔku-ma na bada udu ɔmɛni baya kalɛ na bakɛ bɔƒɔtaadi geen bɔmmɔ.

Tito 2:15

Tina ala amɛni ku kenyekɔ kani na Katɔti úte-ɔ, na akya bekyuli bani ƒui muunú-ɔ litemi ɔkplu, na abɔku bani naaabla taasiaku ulu lɛlɔ lɛnɔ. Na taya na ɔdi ɔnu-ɔ ɔnii ásɔ.