Agba 15:32 - Katɔti Ɔku Kedee

³² Si éni anii ukyuli utedie-ɔ bɔƒiɔ ni, awɔ ɔlati lɛlɔ na aabla kalala. Nsu si áda lɛlɔ na bédie ƒula bɔƒiɔ bátina-a ni, adubɔkɛ lɛlati na eteenu ala kalɔ.

Agba 15:32 ပူးပေါင်းရင်းမြစ်များ

Kɔgya 50:17

Bikisi ka lidie-mii bɔƒiɔ na bɛda bɛya. Na bíni mina etemila.

Agba 1:7

Unwoti bɔyia ndi ukyuli lɛlati kalɔ kesekɔ. Nsu badɔlɔdi beení lɛnunda etemila ku kalɛ na badi lɛlɔ lɛlɔ kaduɛ.

Agba 10:17

Bekyuli bani mɔɔtuna na baalɛ-ma ni, baasia ngba ulu lɛlɔ. Nsu bani muuní ɔmɛni ni, baakpanku bekyuli bamba lɛnɔ taatáyila.

Agba 13:18

Ukyuli ɔni na alayɔ ka bedie-ɔ bɔƒiɔ ni, kɔwaba ku kɔƒa ndubo-ɔ buƒie. Nsu si átuna anii bédie-ɔ bɔƒiɔ ni, bekyuli ƒui badubo-ɔ bɔbu.

Agba 15:14

Ɔnundane ni, litemi geen kama bɔsia kɔka mɔɔda-nwu. Na ɔdɔlɔdi ni, ala ani neeebo kɔsia lɛlɔ na ɔɔkɛ́ ebiti.

Agba 15:21

Badɔlɔdi ni, ama na kubiti kɔɔda si baanu adɔlɔla. Na ɔnundane ɔɔsia ulu ɔbuni lɛlɔ uwi ndi uwi.

Agba 15:31

Si ukyuli údie-ɔ bɔƒiɔ na ɔ́tina-a kasiakɔ ni, adubɔkɛ kelie na banundane akɔ.

Agba 15:33

Si aayia Unwoti ni, ɔɔtina kalɛ na áda anu. Na lɛlɔ kalɔ buboku mɔɔtɔ asa na ɔbu ɔɔsia.

Agba 15:5

Ɔdɔlɔdi kani muuní ka nwuna bawɔne batumini-nwu. Ukyuli biala ɔni matɛya lɛla lɛdi wasiku bɔƒiɔ bɔni bédie-nwu lɛlɔ ni, ɔ́da anu.

Agba 17:16

Si ɔdɔlɔdi ulásia lɛnunda ulu ni, ɔɔɔdi kasusu buni ka ebile egulabi anii ɔtɛya lɛla lɛdi.

Agba 18:15

Banundane baawia kpakplaa ka baƒɔ bekyuli bamba kasusu. Na sɔsɔ na ɔdi ka baawia ka bekyuli bete-ma kasusu.

Agba 19:20

Bɔlɛ ku ala ani ƒui na badubɔtina-a ni, ƒɔ-mu kalɛ na adubɔkana, na adubɔda anu ƒula ngba emeyi akladi ƒui.

Agba 29:1

Ukyuli ɔni mɔɔbla atuɔkplu na úni ɔnii ukyuli ɔdi utedie-nwu bɔƒiɔ ni, ɔdubo lɛlɔ udu bɔyila na ɔdi ɔsɔ ulakana-nwu bɔbwi.

Etemila 7:5

Ukyuli bɔdɔnku kpakplaa bɔdia butulo si badɔlɔdi beedie lɛnu teemwi-ɔ.

Yesaia 1:5

Bi ɔsu na binye bɛɛwia lɛbibo teete lɛlɔ lɛni? Bi ɔsi na bɛdubɔta binye-mi lɛlɔ lɛni biteesie uwi ƒui? Bilánu ka bise aani bekyuli bani na bébo-ma eli bábwɛ na biinú ɔlɛ na bina kayi kemmo.

Yesaia 3:9

Na bana anumi lɛlɔ muedi adubɔnu bana bɔƒiɔ ati. Na anumi ku anumi na baabla ekpidi ammɔ, aani Sodom kadi bekyuli kalɛ na balábɛla-nya muedi. Bɔbuɛ ute-ma! Ama alati néti bana ɔgbankpi kɔtu bɔni béboku lɛlɔ.

Yeremia 5:3

Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”

Lɛkpa Ulu 21:18

Na lɛnɔ ni, bɛya na buti-nwu bɔnii ɔnana ɔdi ɔkya-mii akɔ na ubo ubi atuɔkplune na ɔɔta teenye nwuna bawɔne lɛlɔ. Na ubi ɔmmɔ ulenu bawɔne litemi ina báni-nwu kɔtu.

Lɛkpa Ulu 21:20

Na si bawɔne bammɔ béti-nwu bésienku-ma anumi ni, lɛla lɛni na ɔdi ka bawɔne bammɔ basu ndi ɔnini, “Bula ubi ɔmɛni ubo atuɔkplu na ɔɔta teenye-bu lɛlɔ na si bɔ́su-nwu lɛla lɛdi uléti na ubo lɛkantakpi na ɔdi ntɛkpine ubendi.”

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Yakobo 1:22

Ɔdi ka bitaabla taasiaku lɛla lɛni na litemi buni lɛmmɔ lɛɛtina lɛlɔ. Na ɔɔɔdi ka binu-ni kani. Si ɔɔɔdi lɛni ni, na bɛɛtɔ́lɔ lɛlɔ.

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.