Agba 15:27 - Katɔti Ɔku Kedee

²⁷ Lɛlakɛ lɛni naaakɛ ulu ɔbuni lɛlɔ líduo lɛkɔkɔ ni, Unwoti ɔɔyá na lɛbibo liiduo ɔtɔ ɔmmɔ ƒui kemmo. Nsu ama bani naaabɛ taaƒɔ ala bekyuli kudɔ taadi ni, ama ndubulie ku keyi buɛɛ.

Agba 15:27 ပူးပေါင်းရင်းမြစ်များ

Baga 1 2:40

Mmɔ na Simei ɔ́ta na úti nwuna ɔpɔnkɔ na úsie Akis kudɔ na Gat ɔnii útáwia nwuna kabla bablane. Na útánu-ma na ɔ́kpanku-ma úboku.

Baga 2 5:27

Na ɔ́si lɛla lɛni ábla mɛni ɔsu ni, Naaman ɔlɛgyie ɔmɛni ɔdububo awɔ ku ƒula kaba bekyuli ƒui ɔ́si ɔƒɛni úsela uwi ƒui kemmo.” Na ka Gehasi ɔ́tɔlɔ mmɔ ni, ɔlɛ ɔmmɔ úbewi-nwu ɔlɔna lɛlɔ. Na nwuna ɔlɔna ɔ́bla ƒututuu aani etubankɛ.

Kɔgya 15:5

Uuvó egulabi teete bekyuli na ulaƒɔ kuvonsia. Na ulabɛ taaƒɔ egulabi na ɔdu ukyuli ɔni na útabla likpidi lɛdi kɔtɔ. Ukyuli ɔni na ɔɔsia ala amɛni anu taabla taasiaku-nya lɛlɔ ni, ɔtɔtɔ ɔɔɔdubo-nwu bɔgyu kudii.

Israelƒuɔ Bɔlɛ 18:21

Na awɔ édie ɔma ɔmmɔ bekyuli bani na bebo ɔlɔkplu na beeti ɔbu teete Katɔti, na baabla ala ulu lɛlɔ, na badi bekyuli bani neeebo egulabi lɛnungyie, na eti-ma enyene nkyuli mpim mpim kenye ku eti anyɔ anyɔ kenye ku liti liti kenye ku leevu leevu kenye.

Israelƒuɔ Bɔlɛ 23:8

“Na ɔdi utaƒɔ egulabi na bɔbɛ kemmo, ɔsika ala ammɔ udu aabwɛ bekyuli bani mɔɔnu anumi na balátɛ litemi siin.

Agba 1:19

Bekyuli bani ƒui na anumi eegyie-ma na lɛkɛ likpidi lɛlɔ ni, lɛni na bana kawɔlɔkɔ kaabla.

Agba 11:19

Bekyuli babuni baakɛ́ ngba. Na bekyuli bekpidi baasiáku kukpi.

Agba 11:29

Bekyuli bani mɔɔkya lɛsɛ na beeti kayu teeboku kaduli ni, lɛƒua na beesé-ma kama. Na badɔlɔdi ni, ama muunwíni banundane kabla bablane.

Agba 15:26

Unwoti ulayɔ bekyuli bekpidi kasusu kani beeti. Nsu lɛlɔ lɛɛyɔ́-nwu si bekyuli baatɛmi etemila ani mɔɔdia bunu.

Agba 20:21

Si ɔnamu úyile nwuna kadikɔ kani na ɔti úse-nwu bɔƒɔ ni, kusɛ kusɛ ulásiaku-nwu taatáwɔlɔ.

Agba 23:4

Tetu lɛlɔ anii eenwíni ɔlakɛne. Bi ɔsu na ɔlɛka eteebile lɛlɔ uwi?

Agba 28:16

Ɔgadine ɔni na ɔ́dɔlɔ kani mɔɔnya nwuna bekyuli taakya. Nsu ɔga ɔni na ukisi si ukyuli uládi litemi geen lɛlɔ iye ɔɔbɛ́ taaƒɔ ala bekyuli kudɔ ni, uulie ngba gyɔlɔɔ.

Agba 28:25

Sika lɛnungyie muuboku kekpo. Na anu buti bɔsia Unwoti lɛlɔ mɔɔyá na keyi kaadianku ukyuli.

Agba 29:4

Ɔga ɔni mɔɔdi bekyuli lɛlɔ ulu lɛlɔ siin ni, ɔɔyá nwuna kalɔ keesé kpoo na baakɛ́ atu bɔyɔ. Nsu ukyuli ɔni mɔɔwia ka utaaƒɔ ala bekyuli kudɔ na bɔbɛ kemmo taadi uwi ndi uwi ni, uubile kalɔ kammɔ.

Yeremia 17:11

Bɛ́nya bina bakpana bɛ́kya, nsu ala ani ƒui na bɛ́kɛ na ese-mii ni, adubo bɔtɔlɔ-mii kudɔ aani baasɛ avala ani na béyu bákya aasɛ bamba kalɔ na évuo. Na mmɔ na bɛdubɔnu bɔti badɔlɔdi bani udu na bɛdi.”

Lɛkpa Ulu 16:19

Na beteƒu litemi geen lɛmmɔ batakya na batanu bekyuli anumi lɛnɔ. Na bataƒɔ egulabi na bɔbɛ kemmo, ɔsika etela ammɔ udu aabwɛ banundane ku bekyuli bani lɛlɔ mbo ɔbu anumi, na balátɛ litemi siin.

Lɛkpa Ulu 7:26

Anwuɔsu bɛyila lɛla biala na Katɔti ukisi mmɔ udu. Ɔsika si ɔdi úti lɛla lɛmmɔ udu úboku nwuna kaduli ni, Katɔti ɔdubɔyila ukyuli ɔni nábla lɛla lɛmmɔ ku nwuna kaduli bekyuli ƒui udu. Anwuɔsu ukyuli biala ɔda lɛlɔ ɔmami lɛƒiɔkpa lɛlɔ, ɔsika Katɔti ɔdubudie ukyuli ɔmmɔ udu use lɛti ka ɔkyula.

Timoteo 1 6:10

Ɔsika sika lɛnungyie kemmo na ekpidi lidu lidu lɛɛkwɛ́ taasi. Ɔmɛni ɔsu na bekyuli badi báyila bɔƒɔtaadi ulu geen ɔmmɔ. Na bana ngba ƒui búduo lɛbibo kemmo.

Timoteo 1 6:9

Nsu bekyuli bani na anumi eegyie-ma na lɛkɛ lɛlɔ ni, baanú kakpagyuɛ kani na Satan ɔ́kywɛ-ma. Na beeduo adɔlɔla bɔbla kemmo, na ɔlɔna alaekpidi ala bɔbla aada-ma ɔkwɛ na eebile bana ngba keliela na beekpi taayii ku udu.

Yosua 6:18

Nsu Yosua úbo-ma ɔda ɔnini, “Ɔdi uteti ala ani badubo bubele mmɔ ɔdi utakya lɛlɔ. Na si ɔdi ɔ́bla lɛdi ni, ɔdubuti lɛbibo ku ɔgbankpi uboku Israelƒuɔ akɔ.

Samuel 1 12:3

Na bɛɛnu kalɛ na nnye-mii anumi ɔmwi. Na ɔni na bunye Unwoti ku bina ɔga ɔƒunadi anumi mɛni ni, ɔdi ɔdubɔkana na udie ɔtina likpidi lɛni na lɛ́bla-nwu? Bina akɔ ɔmani ɔmantɛ akɔ iye ebuo ala utine na líƒie lɛ́ƒɔ? Munuu ɔdi ɔkya-mii akɔ ɔni na lɛ́nya-nwu lɛ́kya na ulu ɔdi lɛlɔ? Iye ni, líti etila adi lɛ́sia ɔdi lɛlɔ? Iye lɛ́bɛ lɛ́ƒɔ lɛla lɛdi lɛ́siku ɔdi kudɔ lɛ́di, na lɛ́du ɔbambadi kalala kɔtɔ na líte anwu ubo? Na si ɔdi ɔ́kana na údie kenye ka ala amɛni ɔdi use lɛni ni, bɛsu bɛlɛku na lɛƒɔ kayu kammɔ na lɛla lɛmmɔ lili.”