Agba 15:19 - Katɔti Ɔku Kedee

¹⁹ Ɔkɔsɔne ni, ala aláda-nwu bukpoku taaya nwuna ngba kemmo ƒui. Nsu ukyuli ɔni mɔɔsia nwuna kabla anu ni, nwuna keyi kaabla kpɛtɛ kpɛtɛ.

Agba 15:19 ပူးပေါင်းရင်းမြစ်များ

Kɔgya 25:12

Bekyuli bani mɔɔyia Unwoti ni, ama na ɔɔtina ulu ɔni lɛlɔ na badubɔsia.

Kɔgya 27:11

Tina-mi kalɛ na lɛbla ƒula lɛyɔla. Da-mi kɔkɔɔkɔ siaku ulu ɔbuni lɛlɔ na mina bekisine ɔsu.

Kɔgya 5:8

Unwoti Katɔti, tɔnku-mi vinku ƒula lilu lɛni nse siin lɛlɔ ɔsi mina bekisine pii ɔsu! Na aya na lɛnu ƒula ulu lɛti nwaa.

Agba 11:5

Bekyuli babuni ni, bana litemi lɛlɔ bɔdi ulu lɛlɔ mɔɔtina-ma kasiakɔ. Na balalane ama ni, bana ekpidi unu mɔɔsia-ma lɛlɔ.

Agba 15:18

Ukyuli ɔni na uuubo kayi buɛɛ ɔɔkya kekpo. Nsu ukyuli ɔni na ɔ́da kayi ɔ́va kalɔ buɛɛ ni, ɔɔyala kekpo kammɔ.

Agba 15:20

Bebi bani kasusu nse nwaa baayá lɛlɔ lɛɛyɔ́ bana ɔti. Na bebi badɔlɔdi muuní bana uni.

Agba 22:13

Ɔkɔsɔne ubo kɔkɔsɔ kɔkwɛ pii na uuti teete lɛlɔ kuƒi na ɔɔsu ɔnini, “Ɔƒɛni kalɛ si lɛ́lɛ lísie ntábla lɛla lɛdi ni, ndubo gyata bɔsiaku na ulu lɛlɔ na ɔdu-mi!”

Agba 22:5

Ɔkɔ banyine ni, liyu ku ɔgbankpi mɔɔkya-ma ulu lɛlɔ. Na ukyuli ɔni na ngba bɔ́ƒɔ-nwu kuye ni, uláda udu ɔmmɔ.

Agba 26:13

Ɔkɔsɔne ubo kɔkwɛ pii kɔni na uuti taawia kuƒi teete lɛlɔ na ɔɔsu ɔnini, “Ɔƒɛni kalɛ gyata unye-mi ulu na ɔdubuƒie-mi si lɛ́lɛ lísie ntábla lɛla lɛdi. Sɔsɔ ngyi ka gyata ɔdi unye mmɔ!”

Agba 3:6

Nu-nwu ti na ƒula lilu ƒui lɛlɔ, na ɔdubɔtɔnku-ɔ na ƒula kasiakɔ ƒui.

Agba 6:6

Amii bakɔsɔne bɛnu balalɛ na bɛtɛya lɛla. Bɛnu bana ablala na bɛda anu!

Agba 8:9

Mina etemila ese nwaa ete ukyuli ɔni muunú ala kalɔ. Na bani na bagyi lɛla badubɔnu ka bɔƒiɔ bɔdi buuubo-nya kemmo.

Yesaia 30:21

Na si kɔdianu na bídeyi bésie o-o, kɔmii na bídeyi bísie o-o ni, bɛdubunu ka lɛdi lɛdi lɛɛtɛmiku-mii na kama lɛnini, “Aanu kasiakɔ mɛni! Bo na abasia-nwu lɛlɔ.”

Yesaia 35:8

Ulu unengudi ɔdubɔsia kalɔ kammɔ kemmo, na badubɔlɔ-nwu banii Ulu Kedee. Na bekyuli bani neeese sɛɛn baaadubo ulu ɔmmɔ lɛlɔ basia. Na badɔlɔdi ku belikplune balasia-nwu lɛlɔ.

Yesaia 57:14

Na Unwoti ɔdubɔsu ɔnini, “Bɛbwɛ lilu ƒui bise kaduɛ bite mina kadi bekyuli na babasia-nwu lɛlɔ!”