Agba 14:8 - Katɔti Ɔku Kedee

⁸ Banundane ni, baanu uwi ɔni ntɔ anumi ɔdubo ƒui taati lɛla lɛni ndubo libalɛ. Nsu badɔlɔdi ama bana lɛlɔ kani na baatɔ́lɔ.

Agba 14:8 ပူးပေါင်းရင်းမြစ်များ

Kɔgya 111:10

Ukyuli ɔni mɔɔyia Unwoti uusé kalɔ taada anu. Na bani ƒui mɔɔsia nwuna ɔda bubo anu ni, beenú ala abuni kalɔ. Ɔmɛni ɔsu na ɔlɛka buteemwi-nwu uwi biala kemmo.

Kɔgya 119:5

Mɔɔwia kpakplaa geen ka lɛdi ƒula ɔda bubo lɛlɔ kaduɛ.

Kɔgya 119:73

Awɔ néti ƒula enu ávɔ-mi na ada-mi lɛnɔ. Ya na nteenu ala kalɔ na lɛtɛya ƒula ɔda bubo bɔmmɔ kaduɛ.

Kɔgya 143:8

Teenyimene-mi ɔtanta biala ka aayɔ́-mi uwi ndi uwi. Ɔsika ƒula lɛlɔ kani na mina anu asia. Tina-mi mina kasiakɔ, ɔsika awɔ kani na mɔɔkpali ku mina kɔyu ƒui.

Agba 11:18

Bekyuli bekpidi ni, uwi klukui kani na bana lɛkɛ liilie. Nsu bekyuli babuni akɛla ni, eetu uwi.

Agba 12:5

Kɔkwɛ kɔni na ukyuli ɔbuni ɔɔkya kɔɔsia ulu lɛlɔ. Nsu ɔlalane bɔlɛ bɔdanku ɔgbankpi.

Agba 15:21

Badɔlɔdi ni, ama na kubiti kɔɔda si baanu adɔlɔla. Na ɔnundane ɔɔsia ulu ɔbuni lɛlɔ uwi ndi uwi.

Agba 2:9

Na adubunu lɛla lɛni ndia na lɛdi ulu lɛlɔ siin kalɔ na ulu buni biala lɛlɔ.

Agba 8:20

Ulu ɔni nse siin lɛlɔ na mɔɔsia, na mɔɔbla ala ulu lɛlɔ.

Etemila 2:13

Lɛnunda lɛ́ƒɔ kuye ƒui litulo kɔdɔlɔ kalɛ kani na bukeye bɔdia butulo lɛdisa.

Etemila 2:16

Ɔsika ɔnundane o-o, ɔdɔlɔdi o-o ni, bana inyɔ ƒui beekpi na uwi ɔdubo na bekyuli badubo bana inyɔ ƒui bɔyiƒala.

Yeremia 13:20

Yerusalem, awɔ nátaatalaku lɛlɔ katɔ ka aadi Yudaƒuɔ lɛlɔ ɔsu. Nsu wɛ na bakya ɔƒɛni? Nwini nu katɔ kakɛ na adubɔnu ƒula bekisine ka badubo.

Korintoƒuɔ 1 3:19

Ɔsika lɛla lɛni na bayawine baanu aani lɛnunda na kayawi ni, ani ndi kɔdɔlɔ na Katɔti anumi. Na lɛni na Bunweni Kedee Ɔku ɔ́su ɔnini, “Banundane kakwɛ na Katɔti uuti taakywɛ ama alati kakpagyuɛ.”

Eƒesoƒuɔ 4:22

Bátina-mii lɛla lɛdi na bina ngba bɔkukudi bulie lɛlɔ. Ani ndi ka bɛda udu ɔkukudi ɔni mɔɔtɔ́lɔ-mii teesienku ɔlɔna ɔkwɛ adala ekpidi kemmo mmɔ bɛya.

Eƒesoƒuɔ 5:17

Ɔmɛni ɔsu ni, bitabla lɛlɔ aani bekyuli badɔlɔdi. Mmomu bɛwia na bɛti ala ani geen na Blɔti ɔɔyɔ́ ka bɛbla.

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.

Yakobo 3:13

Si ukyuli ɔdi ɔɔnu lɛlɔ aani ɔnundane na bina akɔ ni, ɔlɛka uboku lɛlɔ kalɔ na ɔbla ala buni uti ɔtina ka ɔ́da anu.