Agba 14:31 - Katɔti Ɔku Kedee

³¹ Bekyuli bani muukpóku bawabane ni, beedumi Unwoti. Nsu bani muubunku-ma ni, baabu Unwoti.

Agba 14:31 ပူးပေါင်းရင်းမြစ်များ

Hiob 24:4

Na baanya bawabane taakya, na baabɔku-ma taalɛku bana kɔlɔ kemmo.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Agba 14:21

Si eekisi ƒula ɔkpana ni, likpidi lɛdi-ɔ. Kusɛ kusɛ ɔdubɔsiaku bekyuli bani muubunku bawabane.

Agba 17:5

Bekyuli bani muudumi bawabane taama ni, bana Unwoti ɔni nédie-ma na beedumi. Na bani mɔɔmá bekyuli na bana ɔgbankpi kemmo ni, Unwoti ɔdubo-ma kɔtu bɔni.

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Agba 22:16

Ukyuli ɔni na bawabane na ɔɔnya taakya asa na ɔɔkɛ́ taadi iye balakɛne na uute ala kalɛ na ɔkɛ lɛla lɛdi bana kudɔ ni, kɔwaba ndubo-ma buƒie.

Agba 22:2

Balakɛne ku bawabane ƒui badi likeke na ulu unwi lɛlɔ, na anwu ndi ka Unwoti nédie bana inyɔ.

Agba 28:8

Ukyuli ɔni mɔɔbla egulabi na bekyuli bamba lɛlɔ ɔkɛnku kuvonsia bonwu ɔsu ni, lɛkɛ lɛmmɔ lɛdubɔyii-nwu kɔnu lisie ukyuli ɔni mbo lɛƒɔndia ute bawabane kudɔ.

Etemila 5:8

Si ánu ka baanya bekyuli bani na bese kpɛtɛ taakya na ƒula kalɔ lɛlɔ, na ala tabla ulu lɛlɔ búti ala bɔbla siin kenye ni, utabla-a dɛye dɛye, ɔsika bekyuli bani nkya lɛlɔ badine kalɔ ni, ɔlɛka benu bana batɔnkune litemi.

Lewiƒuɔ Ɔda Bubo 25:17

Na ɔdi utanya ɔkpanadi utamana ka ɔkɛ ɔkpanadi lɛlɔ kɔsia kɔni nátamanku. Mmomu biti ɔbu ku bɔyia geen bite Katɔti. Ami ndi bina Unwoti Katɔti.

Lewiƒuɔ Ɔda Bubo 25:35

“ ‘Si Israelni ɔdi ulie ude-ɔ na úbenwini ɔwabane na ulakana nwuna lɛlɔ bɔnu ni, na awɔ ɔni nlie ede-nwu ete-nwu kebunku aani kalɛ na adubute ukyuli ɔni na ɔɔbla kabla teete-ɔ kebunku kalɛ na anwu lɛnɔ ɔkana bina akɔ bulie.

Yohane 12:8

Bawabane bammɔ bakya-mii kudɔ uwi biala. Nsu ami lɛɛɛdubo-mii kudɔ bɔkya uwi biala.”

Lɛkpa Ulu 24:14

Tanya Israelni ɔwabane iye ɔƒɔ ɔwabane ɔni nkya-mii akɔ takya si éti-nwu anii ubabla kabla na limeyi lɛyuƒɔla kenye ute-ɔ.

Yohane 1 4:21

Na ɔda ɔni na Kristo úbo-bu ndi ka ukyuli biala ɔni mɔɔyɔ́ Katɔti ni, ɔlɛka ɔyɔ nwuna ɔnwa ɔƒɔtaadine lɛnɔ.