Agba 14:30 - Katɔti Ɔku Kedee

³⁰ Si áda kayi áva kalɔ buɛɛ ni, ngba buune-ɔ. Nsu kogyulo lɛnungyie lɛɛdú ukyuli.

Agba 14:30 ပူးပေါင်းရင်းမြစ်များ

Baga 1 21:6

Amu na údie ulekudi kenye ɔnini, “Lɛ́su Nabot ɔni ndi Yesreelni ka uti nwuna kevoma kemo kalɔ kammɔ ute-mi na lite-nwu kalɔ kabambadi. Nsu ɔ́su-mi ɔnini, ‘Lɛɛɛdubo-ka buti bute-ɔ.’ ”

Hiob 5:2

Lɛnungyie ku kogyulo kɔnyi buti bɔɔdú ukyuli.

Kɔgya 112:10

Na balalane badubɔnu ɔmɛni na ɔƒɛ ɔda-ma. Badubɔdu anyi bada na babla lɛla biala. Nsu kɔnu kulétuku-ma lɛla lɛni baawia kudii.

Kɔgya 119:80

Ya na mina kayi kasia ulu siin lɛlɔ na ntasia ƒula litemi kama kalɛ na kɔƒa kulékpo-mi.

Agba 12:4

Uleku ɔbuni ɔni lɛlɔ basia kayi ni, anwu ndi ɔgyani lɛlɔyɔ na use aani kagabwa na kebi ɔnana ɔmmɔ lili. Nsu uleku ɔni mɔɔbla kɔƒa ala ni, ɔɔƒɛ ɔgyani enu, na ɔyikun ɔɔsá-nwu.

Agba 15:13

Kayi kani kemmo na lɛlɔyɔ lɛkya ni, kana anumi muukeye ku lɛma. Nsu ukyuli ɔni náyila lɛnunsia ni, enu aaƒɛ-nwu.

Agba 17:22

Ebiti bɔkɛ na kayi kemmo ɔdi kuvo ute ukyuli ɔmmɔ. Nsu kɔyu kɔni nsɔ neeebo lɛnunsia ɔɔyá na ɔyikun ɔɔsá ukyuli ɔmmɔ.

Agba 3:8

Ɔmɛni ɔdubɔya na akɛ ɔlɔkplu na ɔlɔna kemmo na lɛlɔ ekubi asa-a kpakplaa.

Agba 4:23

Na lɛla lɛni ntulo ƒui ni, da ƒula kayi kemodi kammɔ kaduɛ, ɔsika ngba libiɔ lɛni mɔɔyu ntu kadi.

Habakuk 3:16

Ka lɛ́nu kɔyu kemmo ala budie taatina bɔmɛni ɔ́siku Unwoti linyesia lɛmɛni lɛlɔ ni, liƒu lɛni náda-mi ɔ́ya na lɛ́bla kpɛtɛ kpɛtɛ na mina enyekuli kani mɔɔtɔ́ kpakpaakpa. Na ɔ́bla-mi aani bɔyɛɛlɛ na mina ekubi ada na mina lɛlɔ kemmo, na ɔɔbla-mi gbanta gbanta. Nsu ndubɔkɛ kayi na linye kpoo ntaanu ulu teete limeyi lɛni na Unwoti ɔdubɔkyula bekisine bekpidi bamɛni.

Batalane Kabla 7:9

“Yakob bebi bamɛni anumi égyie na bana ɔnwani Yoseƒ lɛlɔ. Na béƒie-nwu béye béte bekyuli bani néti-nwu bésienku Egyipte kalɔ lɛlɔ. Nsu ni, Katɔti ɔ́siaku-nwu,

Romaƒuɔ 1:29

Na likyulikpi ala bɔbla bɔ́ƒɔ-ma lɛlɔ kemmo ƒui. Na anya ndi alaekpidi bɔbla ku ɔdivo ku kalala. Na lɛnungyie na bekyuli bamba ala lɛlɔ ku ukyuli bɔdu ku kekpo ku ɔkɔ bɔnyi ku lɛlɔ bule ati ati bɔ́ƒɔ-ma lɛlɔ kemmo. Na beeti lɛlɔ kasusu kekpidi. Na beekeyi atɛ.

Timoteo 2 1:7

Ɔsika Katɔti úteti kɔyu kɔni náya na liƒu litaada-bu útete-bu. Mmomu ni, úte-bu Kɔyu kɔni mɔɔyá na bɔɔkɛ́ ɔyikun, na bɔɔyɔ́ lɛlɔ, na bɔɔkana na bɔɔtí lɛlɔ bɔda lɛnɔ.

Yakobo 4:5

Ɔɔɔdi keeke na Bunweni Kedee Ɔku ɔ́su ɔnini, “Katɔti uukpó kogyulo geen na kɔyu kɔni nkya-bu lɛlɔ kemmo ɔsu.”