Agba 14:27 - Katɔti Ɔku Kedee

²⁷ Si aayia Unwoti ni, ɔdi libiɔ lɛni mɔɔyu ntu baaní teelie ngba ute-ɔ. Na ɔɔyá na ekeli liƒu lɛni na kukpi kɔɔkya-bu.

Agba 14:27 ပူးပေါင်းရင်းမြစ်များ

Kɔgya 18:5

Kukpi abuli ényimi-mi. Na kunye-mi anumi kɔɔkya-mi liƒu uwi ndi uwi.

Agba 10:27

Si aayia Unwoti ni, ngba buune-ɔ. Nsu balalane ngba bɔɔdá likuku.

Agba 13:14

Banundane bɔlɛ buse aani libiɔ lɛni mɔɔyu ntu na baaní teelie ngba ute-ɔ. Na ɔɔyá na ekeli liƒu lɛni na kukpi kɔɔkya-bu.

Agba 14:26

Lɛla lɛdi lilekpoku bekyuli bani mɔɔyia Unwoti. Ɔsika Unwoti ɔdi katamikukɔ ute bana bebi.

Agba 14:28

Si kadi kadi bekyuli beemomo ni, lɛlɔ lɛɛyɔ́ ɔga ɔmmɔ. Nsu si baasá ni, baayii udu.

Agba 19:23

Si aayia Unwoti ni, ɔɔyá na eelie ngba na ɔɔgyumana-a kalɛ na ɔgbankpi ulálɛku-ɔ.

Agba 22:5

Ɔkɔ banyine ni, liyu ku ɔgbankpi mɔɔkya-ma ulu lɛlɔ. Na ukyuli ɔni na ngba bɔ́ƒɔ-nwu kuye ni, uláda udu ɔmmɔ.

Etemila 7:26

Lɛ́nu lɛ́ti ka uleku ukpidi ubo ɔdu utulo kukpi. Na úbimi enu ku kayi ƒui úse aani kakpagyuɛ ka uƒie ukyuli. Na ɔnana ɔni mɔɔdi Katɔti litemi lɛlɔ ni, ɔkana na ukeli-nwu. Nsu ukyuli ɔni na uládi-ni lɛlɔ ni, ɔdubo-nwu buƒie aani kakpagyuɛ na ɔyii udu kede kede.

Yesaia 33:6

Awɔ ndi kowodu kalɔ ɔka ɔni lɛlɔ na bunye ɔmwi. Ɔsika aaƒɔ́-bu ngba uwi biala na eete-bu lɛnunda ku lɛlati. Na lɛla bamba biala lɛ́sɔ lítaƒɔ-bu kuye lítetulo ka butaadi ƒula litemi lɛlɔ.

Budie Taatina 21:6

Na ɔ́su-mi ɔnini, “Ɔ́sa! Ami ndi Alƒa ku Omega ɔni ndi lɛla biala kalɔ kesekɔ ku kawɔlɔkɔ. Na bani na utukwɛ ɔɔda ni, ndubute-ma ntu ƒaa na bani basiku libiɔ lɛni muute ngba ƒui kemmo.