Agba 14:22 - Katɔti Ɔku Kedee

²² Si aawia ukyuli likpidi ni, adubo bɔyii. Nsu si lɛbuni na aawia ukyuli ni, Unwoti ɔdubɔyɔ-ɔ uwi ndi uwi na ɔdi nwuna litemi lɛlɔ ute-ɔ.

Agba 14:22 ပူးပေါင်းရင်းမြစ်များ

Ala Kalɔ Buse 24:27

Na ɔ́su ɔnini, “Bemwi Unwoti mina ɔtɔlati Abraham Katɔti. Ɔsika útayiƒala kalɛ na ɔɔnu mina ɔtɔlati kɔnyana ku kalɛ na ɔɔdi nwuna etemila ani na ɔ́su-nwu úse lɛlɔ teete-nwu. Na ami ni, Unwoti Katɔti ɔ́tɔnku-mi na lísie ulu ɔmɛni ńtédu mina ɔtɔlati lɛlɔ bekyuli kudɔ.”

Ala Alɛdi 2 6:8

Unwoti ɔ́su-nwu ɔnini, ‘Ɔdia ka ábla kasusu ka atu kakpakɔ ete-mi na bekyuli bataakpa-mi na mmɔ.

Kɔgya 25:10

Unwoti ɔɔdi nwuna litemi lɛlɔ na ɔɔyɔ́ bekyuli bani mɔɔdi nwuna ɔda bubo lɛlɔ na baasia nwuna bunyimi anu.

Kɔgya 36:4

Balásia lɛbuni bɔbla ulu biala lɛlɔ. Na si batɛ bana atɛla lɛlɔ muedi likpidi lɛlɔ kasusu kani na baatɛ teeti. Anwuɔsu lɛnɔ na béni ka bada bana alaekpidi bɔbla baya.

Kɔgya 61:7

Unwoti, siaku-nwu na nwuna lɛga bɔdi uwi ƒui. Na aya na ƒula bɔyɔ bɔni naaavumana ku ƒula litemi geen lɛgyumana-nwu.

Agba 12:2

Lɛlɔ lɛɛyɔ́ Unwoti na bekyuli babuni lɛlɔ. Nsu ulátunaku balalane kɔkwɛ kukpidi kɔni na baakya.

Agba 12:26

Bekyuli babuni baakya bana bakpana kasusu kabuni. Nsu bekyuli bekpidi ama baatɔ́lɔ bana bakpana taatáyila.

Agba 14:17

Bekyuli bani muuti kɔnyi pla pla ni, baabla adɔlɔla. Na bekyuli bani mɔɔbɛ́ taabla ala kalɔ kalɔ ni, bekyuli beekisi-ma.

Agba 14:23

Kabla keeboku kɔsia. Nsu atɛ keeke adanku kɔwaba.

Agba 19:22

Ukyuli lɛlɔ lɛɛda kubiti si aadi ƒula linyese lɛlɔ. Si adi ɔwabane ni, ɔdia utulo ka ataatuala na ataasu inye inyɔ inyɔ.

Agba 24:8

Ukyuli ɔni muulie taabla likpidi kasusu ni, lɛsɛ ɔkyane lɛnyi na ɔɔƒɔ́.

Agba 3:29

Awɔ ku ukyuli ɔdi bitasa lili likpidi na ƒula liku ɔkpana lɛlɔ, ka bilie bide ku ebiti.

Agba 3:3

Tanyonu lɛƒɔndia bɔbla ku litemi kama bɔsiaku siin. Ti ala amɛni bo bala ƒula limɔ na aya na akɛ keliekɔ na ƒula kayi kemmo.

Agba 6:14

Bana kayi kemmo kasusu kekpidi kaayá na likpidi kɔkwɛ kani na baakya. Na baakya lɛsɛ uwi ndi uwi.

Mika 2:1

Bɔbuɛ muute amii bani na likpidi kɔkwɛ kani na bɛɛkya na bɛɛtɛ bina atɛla lɛlɔ teeti likpidi kasusu uwi biala. Na si kadi kégye na bɛɛnu ka bɛ́bla lɛla lɛmmɔ, ɔsika bɛɛnu ka bibo ɔyikun.

Mateo 5:7

Lɛlɔ litaayɔ bekyuli bani mɔɔnu bana bekyulikpana kɔnyana. Katɔti ɔdubɔnu-ma kɔnyana.

Yohane 1:17

Ɔsika kudeedi ni, Katɔti ɔkɛ Mose lɛlɔ úte-bu nwuna ɔda bubo. Nsu ɔkɛ Yesu Kristo lɛlɔ úte-bu lɛƒɔndia lɛmɛni ku litemi geen.

Yosua 2:14

Na Israelƒuɔ batu inyɔ bamɛni básu Rahab banini, “Si bútadi lɛla lɛni bɔdubo-ɔ bɔsu mɛni lɛlɔ ni, Katɔti ɔdu-bu. Na si átasu ukyuli ɔdi lɛla lɛni ɔsu búbo mɛni ni, buusé-ɔ kenye ka bɔdubɔbla-mii lɛƒɔndia si Unwoti úti kalɔ kamɛni ɔ́kya-bu enu kemmo.”