Agba 14:21 - Katɔti Ɔku Kedee

²¹ Si eekisi ƒula ɔkpana ni, likpidi lɛdi-ɔ. Kusɛ kusɛ ɔdubɔsiaku bekyuli bani muubunku bawabane.

Agba 14:21 ပူးပေါင်းရင်းမြစ်များ

Kɔgya 112:5

Lɛlɔ lɛdubɔyɔ ukyuli ɔni muuvó ala teete bekyuli ku kaƒɔ ƒaa na ɔɔbla nwuna ala ƒui ulu lɛlɔ.

Kɔgya 112:9

Uute bekyuli bani mɔɔyaki ala ku kaƒɔ ƒaa, na uláda lɛbuni bɔbla taaya kudii. Na bekyuli badububo-nwu kudu ka ubo ɔyikun sɔsɔ.

Kɔgya 22:24

Unwoti ulenwini kama taakya bawabane iye bani muubó abi. Mmomu uunú si bákpali-nwu bévele-nwu kebunku.

Agba 11:12

Si eedie ukyuli kalɔ ni, kɔdɔlɔ kɔdi. Na ukyuli ɔni na ɔ́da anu ni, uubile nwuna kenye kpoo.

Agba 14:31

Bekyuli bani muukpóku bawabane ni, beedumi Unwoti. Nsu bani muubunku-ma ni, baabu Unwoti.

Agba 17:5

Bekyuli bani muudumi bawabane taama ni, bana Unwoti ɔni nédie-ma na beedumi. Na bani mɔɔmá bekyuli na bana ɔgbankpi kemmo ni, Unwoti ɔdubo-ma kɔtu bɔni.

Agba 18:3

Kesii kani na bekyuli bekpidi báda bálɛ ni, ukyuli tabu ku kɔƒa ala ku anumi kalɔ buwi ala kani mɔɔsia-ma kama.

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Agba 21:10

Balalane ebiti ndi ka babla bana bakpana kalala. Na bekyuli beeebo bɔnwuna bɔdi na bana enu kemmo.

Agba 22:9

Bekyuli bani mbo lɛƒɔndia na beete bawabane ala ni, kusɛ kusɛ ɔdubɔsiaku-ma.

Agba 28:27

Ukyuli ɔni muute bawabane ala ulayaki lɛla lɛdi. Nsu ewida adubɔsiaku bekyuli bani mɔɔnu bawabane teedie lili.

Agba 28:8

Ukyuli ɔni mɔɔbla egulabi na bekyuli bamba lɛlɔ ɔkɛnku kuvonsia bonwu ɔsu ni, lɛkɛ lɛmmɔ lɛdubɔyii-nwu kɔnu lisie ukyuli ɔni mbo lɛƒɔndia ute bawabane kudɔ.

Daniel 4:27

Anwuɔsu, Ɔga Ɔbune, buvele, nu kalɔ na abla lɛla lɛni na ndubo-ɔ bɔsu mɛni. Da ƒula ekpidi ani na aabla ya na enwini kama akya-nya na ataabla lɛbuni. Na ataanu bekyuli bani na ala eekpóku kɔnyana, na ɔƒaalɛ lɛla biala lɛdubɔtɛ lite-ɔ.”

Luka 18:9

Yesu úbo lɛgba lɛmɛni úte bekyuli bani mɔɔkali banii ama bana udu kani ndia na basɔ balánu ukyuli bamba ɔdi aani bana kalɛ.

Batalane Kabla 20:35

Lɛ́bla ala amɛni ƒui líti lɛ́tina-mii kalɛ na buteebunku bawabane, na binyimo litemi lɛni na Blɔti Yesu ɔ́su ɔnini, ‘Bute bɔdia butulo bɔƒɔ.’ ”

Lɛkpa Ulu 15:9

Na utasu ɔnii kayu butitaakyiɛ lɛkwa lɛdaku budu ɔsu, ulete ukyuli ɔmmɔ kebunku kani na ɔɔwia. Ɔdi utaya na kasusu kekpidi kammɔ udu keduo-nwu lili kemmo. Na si ukyuli ɔmmɔ ɔ́bla nwuna ɔnwani ulikplu na útete-nwu kevonkɔ kani na ɔɔwia mmɔ na ukyuli ɔmmɔ úwulo na ɔ́kpali Katɔti ni, Katɔti ɔdubɔni ulikplune ɔmmɔ kɔtu geen.

Hebriƒuɔ 6:12

Buláwia ka bitaabla kɔkɔsɔ. Mmomu bɛtɛya bekyuli bani nákɛ kayi buɛɛ na báƒɔ bádi ɔsu na kɔnu kútuku-ma linyese lɛni na Katɔti úse-ma mmɔ.