Agba 14:2 - Katɔti Ɔku Kedee

² Bekyuli bani mɔɔsia ulu ɔbuni lɛlɔ ni, baayia Unwoti. Na bani mɔɔsia ulu ukpidi lɛlɔ beení Unwoti.

Agba 14:2 ပူးပေါင်းရင်းမြစ်များ

Samuel 2 12:9

Bi ɔsu na átadi Unwoti litemi lɛlɔ na ábla likpidi na nwuna anumi? Awɔ nádu Uria Hitini ku kewii na áƒɔ ulekudi énwini awɔ ɔdi. Ɔkɛnku awɔ ɔsu na Amonƒuɔ bádu-nwu ku kewii.

Baga 1 3:6

Amu na Salomo údie kenye ɔnini, “Édie kɔnyana bɔnu geen átina ƒula kabla ɔblane ɔni ndi mina ɔti Dawid. Ɔsika ɔ́bla ala ulu lɛlɔ na úse siin na nwuna kayi kemmo na ƒula anumi. Na ésie anumi na eedie kɔnyana bɔnu bɔmɛni taatina-nwu, na éte-nwu anwu ɔlati kaƒɔ ubi anii úlie nwuna liboku lɛlɔ ɔmwi kadi.

Baga 2 17:34

Na bekyuli bammɔ bamu basiaku bana kuuku ɔdi kama úbedu ɔmwi kadi. Na balakpa Unwoti na baládi nwuna ɔda bubo lɛlɔ, ɔda bubo bɔni na úti úte bana ati kuuku ɔni ndi Yakob ɔni na ɔ́sia lɛnyi ɔnii Israel ku nwuna kaba kemmo bekyuli lɛlɔ.

Hiob 1:1

Ɔnana ɔdi ɔ́kya Us kalɔ lɛlɔ na baalɔ-nwu Hiob. Útaayia Katɔti geen, anwuɔsu ɔ́da lɛlɔ siin ɔni na lɛla lɛdi lɛɛɛda-nwu na Katɔti anumi, ɔsika ɔɔdi nwuna etemila ƒui lɛlɔ kaduɛ.

Hiob 12:4

“Ɔƒɛni amu lɛ́ta línwini lɛmala líte mina bakpana, ina ka lɛ́kpali Unwoti na únu úte-mi. Ndi lɛmala, ina ka nda lɛlɔ siin na bɔƒiɔ buuubo-mi lɛlɔ.

Hiob 28:28

Na ɔ́su ukyuli ɔyawine ɔnini, ‘Awɔ ɔni mɔɔyia Katɔti na aabu-nwu ni, aadá anu. Na awɔ ɔni muukeli likpidi ni, aakɛ́ ala kalɔ bunu.’ ”

Kɔgya 112:1

Bɛya na bumwi Unwoti. Lɛlɔ lɛdubɔyɔ ukyuli ɔni mɔɔyia Unwoti na ɔɔdi nwuna ɔda bubo etemila ƒui lɛlɔ.

Kɔgya 25:21

Unwoti agyi ka mɔɔbla lɛbuni na nsiaku-ɔ kama siin. Anwuɔsu muuvele-ɔ, bo na ebedie-mi, ɔsika mɔɔnu-ɔ ulu.

Agba 11:12

Si eedie ukyuli kalɔ ni, kɔdɔlɔ kɔdi. Na ukyuli ɔni na ɔ́da anu ni, uubile nwuna kenye kpoo.

Agba 16:17

Ukyuli ɔni mɔɔsia nwuna ablala anu kaduɛ ni, nwuna ulu ulásia likpidi kavinkɔ. Na ukyuli biala nda nwuna ngba lɛni ni, ubo bɔƒɔ.

Agba 16:6

Bɔyɔ bɔni neeebo kawɔkɔ ku litemi lɛlɔ bɔdi uwi ndi uwi uuti ala teebi likpidi. Na si aayia Unwoti ni, eekeli likpidi.

Agba 19:1

Ɔdia si adi ɔwabane na aadi litemi geen lɛlɔ utulo si adi ɔdɔlɔdi na aanyi ɔkɔ.

Agba 2:15

Bana ala bɔbla ƒui buse gontii na bana ablala adi likyulikpi sɔɔn.

Agba 28:6

Ɔdia si adi ɔwabane na aabla ala ulu lɛlɔ siin, utulo si adi ɔlakɛne na udunkpi ɔ́ƒɔ-ɔ keliela kemmo.

Etemila 12:13

Ala ani ƒui na bátina-a ni, akana na asala-nya akya etemila klo klo amɛni kemmo anini, “Di Katɔti litemi lɛlɔ na abu-nwu. Lɛla lɛni ƒui na ngba bumodi bɔmmɔ bɔdanku kani na lɛdi mmɔ.”

Luka 10:16

Amu na Yesu ɔ́su nwuna batɛyane ɔnini, “Ukyuli biala ɔni muunú bina litemi ni, ɔɔtina ka uunú ami lɛnɔ litemi. Na ukyuli biala ɔni muuní-mii ni, ɔɔtina ka uuní ami lɛnɔ. Na ukyuli biala ɔni muuní-mi ni, ɔɔtina ka uuní Katɔti ɔni nátala-mi lɛnɔ.”

Luka 16:14

Uwi ɔni na Ƒarisiƒuɔ bénu ala ani na Yesu ɔ́su ni, báma-nwu ɔsika baayɔ́ egulabi geen.

Batalane Kabla 10:22

Amu na básu-nwu banini, “Batu na bɔdi, bɔ́si Kornelio ɔni ndi Romaƒuɔ kekpo unengu kudɔ. Ɔdi ukyuli ɔbuni na ɔɔbu Katɔti. Na Yudaƒuɔ ƒui baayɔ́-nwu litemi geen. Katɔti ɔtu ɔdi násu-nwu ɔnii ɔtala na babalɔ-ɔ na unu ƒula kenye kemmo litemi.”

Batalane Kabla 10:35

Mmomu kalɔ biala lɛlɔ ukyuli ɔni muuboku lɛlɔ kalɔ teete-nwu na ɔɔbla nwuna lɛyɔla ni, anwu na ɔɔƒɔ́.

Batalane Kabla 9:31

Ɔmɛni ɔsu ni, baƒɔtaadine bani nkya Yudea ku Galilea ku Samaria kalɔ lɛlɔ ni, bákɛ bɔnwuna na basɔ balayia. Bákɛ kayi buse ku ɔkplu bɔkya ɔkɛnku Katɔti Kɔyu ɔyikun lɛlɔ. Na bémomo bébu na béteeti ɔbu teete Blɔti.