Agba 14:14 - Katɔti Ɔku Kedee

¹⁴ Bekyuli bani muunwíni ulu ɔbuni ɔmmɔ lɛlɔ ni, baakɛ́ bana lɛyuƒɔla. Na bekyuli babuni baakɛ bana lɛbuni kɔsia.

Agba 14:14 ပူးပေါင်းရင်းမြစ်များ

Kɔgya 109:17

Ewida etemila sɔɔn nátaalɛ-nwu kenye. Anwuɔsu ewida ammɔ ebo anwu lɛnɔ lɛlɔ. Na ɔɔɔgyi kalɛ na beete ukyuli kusɛ kusɛ. Anwuɔsu kusɛ kusɛ utasiaku anwu lɛnɔ.

Agba 12:14

Bekyuli baakana na baasia bana kenye etemila lɛlɔ na baakɛ́ ala pii. Lɛni kani na bana enu kabla lɛnɔ kaayá na baakɛ́ kɔsia pii.

Agba 12:21

Ɔgbankpi kpakplaa ɔdi ulébo bekyuli babuni lɛlɔ. Nsu balalane ni, ɔgbankpi ulalɛ-ma ɔtɔ kemmo.

Agba 14:10

Ukyuli biala ku kalɛ na lɛla lɛdi liikpóku-nwu kayi. Na ukyuli uláti kalɛ geen na lɛlɔ lɛɛyɔ́ ukyuli bamba na nwuna kayi kemmo.

Agba 14:15

Bekyuli bani kasusu násɔ ni, ama mɔɔƒɔ́ lɛla biala taadi. Nsu bani mɔɔsia lɛlɔ anu kaduɛ ni, baabu lɛla biala lɛlɔ taanu asa na beedie ɔgba.

Agba 18:20

Etemila aayá na kɔyu kuumó aani kalɛ na adila aayá na kaƒɔ keemó. Lɛni na etemila ani mɔɔlɛ́ ukyuli kenye na uwi ɔni na ɔ́manku lɛlɔ eemó ukyuli.

Agba 9:12

Na si áda anu ni, awɔ ndubɔkɛ kɔsia. Na si apii lɛnunda ni, awɔ ndubo abi bubo.

Yeremia 17:5

“Bekyuli bani ƒui nénwini kama bákya-mi na béti bana anu básia bekyuli bayawine ɔyikun lɛlɔ ni, ami Unwoti líwida-ma.

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Yeremia 8:5

Na bi ɔsu na amii bíni bɛnii bilasɔ bilénwini bilebo-mi kudɔ? Na bɛmu bɛsiaku bina baƒiɔ kpakplaa lɛni?

Esekiel 22:31

Anwuɔsu líti kɔnyi kpakplaa lɛ́kya Israelƒuɔ na ala ani na bábla ɔsu na ndubo-ma kɔtu bɔni geen na bati ka livo geen muuƒí-mi. Ami Unwoti násu.”

Hosea 4:16

Israelƒuɔ atu ebo ɔkplu aani ebuo ala utine ɔni mbo atuɔkplu na ulenu lɛla lɛdi kalɔ. Dɛ na Unwoti ɔdubɔkana bekyuli bamɛni adila buteete aani baƒonubi na kesii kani na livo lɛbuni lɛkya na bataakun?

Seƒania 1:6

Bekyuli bani ƒui nénwini kama bákya-mi na basɔ balani teede-mi ka bebenu-mi litemi ni, ndubo-ma lɛla biala bɔyila kede kede.

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Galatiƒuɔ 6:4

Ukyuli biala ɔkɔku nwuna lɛlɔ udu ɔnu. Na si ɔ́nu ɔ́ti ka ɔdia ni, na ɔkana na ɔkun lɛmɛnɛ na nwuna ablala lɛlɔ. Na ɔɔɔdi ɔni na uti lɛlɔ ɔkɔku ukyuli bamba.

Galatiƒuɔ 6:8

Si aavá ala ani mɔɔda ɔlɔna ɔkwɛ ebi ni, kukpi na adubɔkɛ. Nsu si aavá ala ani mɔɔda Kɔyu ɔkwɛ ebi ni, ngba bɔni nsɔ naaadubo bɔsa kudii na adubɔkɛ.

Hebriƒuɔ 3:12

Banwa, bɛnu lɛlɔ kemmo kaduɛ kalɛ na ɔdi uleti likpidi kasusu na kayi kemmo na unwini ukyuli ɔni naaaƒɔ taadi na walɛ Katɔti ɔni muute ngba kama.