Agba 13:6 - Katɔti Ɔku Kedee

⁶ Ngba buni bulie buubunku ukyuli nwuna ngba emeyi kemmo ƒui. Nsu bekyuli bekpidi ama ni, bana kalala ndubɔya na bayii udu.

Agba 13:6 ပူးပေါင်းရင်းမြစ်များ

Baga 1 1:52

Amu na Salomo údie-nwu kenye ɔnini, “Si údie lɛlɔ ɔ́tina ka ɔdi ukyuli ɔbuni iye ɔda kasusu kabuni ni, ina nwuna lili linwini linwi muedi lilétuku kalɔ. Nsu si kasusu kekpidi na ɔda bɔdi ni, na ɔdubukpi.”

Baga 1 13:34

Na likpidi lɛmɛni nébo Yerobeam kaduli lɛlɔ na nwuna lɛgadi lɛ́bɔ-nwu. Ɔmɛni ɔsu Katɔti ɔ́yila nwuna udu ɔ́lɛku kayawi kamɛni kemmo.

Ala Alɛdi 2 28:23

Ɔ́su lɛlɔ ɔnini, “Use-mi aani Siriaƒuɔ baƒiɔ bamɛni nébunku-ma ɔsu na bákana-mi lɛlɔ bɔdi. Anwuɔsu ɔƒɛni kalɛ si lɛ́bla akpala líte-ma ni, badubɔkana na bebunku-mi.” Ɔmmɔ ndi likpidi likplodi lɛni na Ahas ɔ́bla na lítiku-nwu lítákya kukpi kemmo ku Yuda bekyuli udu bɔyii.

Kɔgya 119:1

Lɛlɔ lɛdubɔyɔ bekyuli bani na likpidi bɔbla buuubo-ma keliela kemmo. Mmomu beelie ngba na Unwoti ɔda bubo kenye.

Kɔgya 140:11

Taya na ukyuli ɔni muubile bekyuli anyi ɔkɛ bɔnwuna bɔdi na kalɔ kamɛni lɛlɔ. Ya na lɛbibo lɛsiaku bekyuli bani muuti kalala kasusu.

Kɔgya 15:2

Ukyuli ɔni mɔɔdi Katɔti etemila ƒui lɛlɔ na nwuna ablala lɛnɔ ese siin ni, anwu kani ndubɔkɛ kuƒi kɔmmɔ. Nwuna etemila adi sɔsɔ na ɔkɔ ɔdi uuubo-nya kemmo.

Kɔgya 25:21

Unwoti agyi ka mɔɔbla lɛbuni na nsiaku-ɔ kama siin. Anwuɔsu muuvele-ɔ, bo na ebedie-mi, ɔsika mɔɔnu-ɔ ulu.

Kɔgya 26:1

Unwoti, tina ka lɛla lɛdi lɛɛɛda-mi na ete-mi ubo. Ɔsika lɛ́da lɛlɔ lídie likpidi ulu biala lɛlɔ na nsiku-ɔ kama siin na ntedeyi kesii bamba.

Agba 10:29

Unwoti ɔɔgyumana bekyuli bani nse siin, na ɔɔyila balalane udu.

Agba 11:20

Unwoti ukisi bekyuli bani na bana kayi kaaakɛ ulu unwi. Nsu bani mɔɔdi nwuna litemi lɛlɔ ulu lɛlɔ baayɔ́-nwu kaƒɔ.

Agba 11:3

Bekyuli babuni ni, bana litemi lɛni lɛlɔ baadi ulu lɛlɔ mɔɔtina-ma kasiakɔ. Na balalane ama ni, bana litemi lɛlɔ tadi mɔɔyila-ma udu.

Agba 21:12

Bekyuli bani nse siin baatí ala ani mɔɔlɛ́ku bekyuli bekpidi na bana kɔduli. Na belikplune bammɔ badubɔsiaku ɔgbankpi.

Agba 5:22

Ukyuli ukpidi ni, nwuna ekpidi lɛlɔ na baasia teeƒie-nwu. Na nwuna ablala muunwíni kɔbuli kɔni muudie-nwu.