Agba 13:2 - Katɔti Ɔku Kedee

² Bekyuli babuni baadi kɔsia kɔni na kɔ́lɛ kɔ́si kasusu kabuni kani bákya bekyuli kemmo. Nsu bekyuli bekpidi ni, ama kadɔ ku unyeƒi kani baanu ulu teete.

Agba 13:2 ပူးပေါင်းရင်းမြစ်များ

Kɔgya 140:11

Taya na ukyuli ɔni muubile bekyuli anyi ɔkɛ bɔnwuna bɔdi na kalɔ kamɛni lɛlɔ. Ya na lɛbibo lɛsiaku bekyuli bani muuti kalala kasusu.

Kɔgya 75:8

Ɔsika Katɔti ɔdubɔda ntɛ bɔni na básala ku ala bamba ɔɔƒɛɛ keyile bɔni na nwuna kɔnyi kɔ́ya na buuƒuƒuo. Na Katɔti ɔdubo ntɛ bɔmmɔ buwilimi bute balalane na kayawi ƒui na bani utédu eku.

Agba 1:18

Nsu uuuse lɛni ku bekyuli bammɔ udu. Ama alati lɛlɔ na bebi baatú, na kubu na baasia ama alati lɛlɔ.

Agba 1:31

na ngba bɔni udu na bilie ni, nwuna ebi na bɛdubo bɔdi. Na ulu ɔni na bɛ́ƒuna ka bɛsia ni, nwuna ala emo-mii.

Agba 10:11

Bekyuli babuni etemila aakpanku ukyuli teesienku ngba kemmo. Nsu bekyuli bekpidi beeti ala teebi bana kasusu kekpidi.

Agba 11:23

Bekyuli babuni mɔɔsia anu ka badubɔkɛ ebiti. Na bekyuli bekpidi ama ni, kɔtu bɔni kani na badubɔnu ulu bete.

Agba 12:14

Bekyuli baakana na baasia bana kenye etemila lɛlɔ na baakɛ́ ala pii. Lɛni kani na bana enu kabla lɛnɔ kaayá na baakɛ́ kɔsia pii.

Agba 18:20

Etemila aayá na kɔyu kuumó aani kalɛ na adila aayá na kaƒɔ keemó. Lɛni na etemila ani mɔɔlɛ́ ukyuli kenye na uwi ɔni na ɔ́manku lɛlɔ eemó ukyuli.

Agba 18:21

Bekyuli bani na atɛ aayu emini ku lɛla lɛni mɔɔsiáku akpanabi, ɔsika unyemi ɔɔkana na ɔdu ukyuli iye ubunku ukyuli ulu ɔbuni lɛlɔ.

Agba 4:17

Ulikplu bɔbla búnwini-ma adila, na kalala bɔbla ndi bana ntu bɔni na baaní!

Hosea 10:13

“Nsu bɛ́va likpidi bɔbla ebi na bɛ́ƒɛ ala ani naaakɛ ulu siin lɛlɔ. Na bɛdubɔdi bina ɔkɔ bɔnyi ebi. Ɔsika bɛ́sia amii alati ɔyikun anu ɔni na bɛ́nu ka amii ku bina bekpone nkya ɔsu.

Habakuk 2:17

Bɛ́yila egyii ku bebuo ƒui udu na Lebanon Kɔbi lɛlɔ. Na bɛ́bla kalala kani udu naaadia na lɛma kemmo ku bekyuli lɛlɔ na kesi kesii. Na ɔƒaani ni, amii na badubo liƒu bɔkya na bitaayia geen.

Habakuk 2:8

Bíyu ala na lɛma linengudi ku kɔlɔ ƒui kemmo na kesi kesii, na bɛ́du bana bekyuli lɛnɔ. Na ɔƒaani ni, bani nébu badubo amii lɛnɔ kalala kani udu na bɛ́bla bekyuli bɔbla.

Budie Taatina 16:6

Bekyuli bamɛni nádu ƒula bekyuli ku kenye bediene. Anwuɔsu na éte-ma ubugya ukpidi ɔmɛni na báni. Lɛla lɛni námanku-ma na baaƒɔ́!”