Agba 12:8 - Katɔti Ɔku Kedee

⁸ Ukyuli ɔni na ubo kasusu kabuni lɛlɔ lɛɛda bekyuli ƒui ebiti, na beení bani nsiaku kalala ulu.

Agba 12:8 ပူးပေါင်းရင်းမြစ်များ

Ala Kalɔ Buse 41:39

Mmɔ na Ƒarao ɔ́su Yoseƒ ɔnini, “Ka awɔ na Unwoti Katɔti údie ala amɛni ƒui ɔ́tina ni, naaabu nnii ukyuli bamba ɔdi ɔkya na ɔ́da anu na ɔɔnu ala kemmo kaduɛ aani ƒula kalɛ.

Kɔgya 132:18

Na nwuna bekisine ƒui ni, kɔƒa kɔdubɔƒɔ-ma lɛlɔ ƒui aani awu. Nsu anwu nwuna lɛga kadikɔ kagabwa kadubukeye busie ɔgyu.”

Agba 1:26

Ami lɛnɔ ndubo-mii bɔma si uwi ɔni na ɔgbankpi úbo-mii lɛlɔ. Na lɛpii-mii si uwi ɔni na lilikpi ala eekpóku-mii,

Agba 12:7

Bekyuli bekpidi beekpi taayii udu ƒui, nsu bekyuli babuni bebi ama beenye kpakplaa uwi biala.

Agba 12:9

Si bekyuli balanu-ɔ banii adi ukyuli nsu ebo kabla bablane ni, ɔdia utulo ukyuli ɔni mɔɔkɔliku lɛlɔ katɔ ɔnii ɔƒɔ kuye, nsu uuubo lɛla lɛni na ɔdi muedi.

Agba 29:27

Bekyuli babuni balayɔ bekyuli bekpidi. Na bekyuli bekpidi lɛnɔ balayɔ bekyuli babuni.

Agba 3:35

Banundane baakɛ́ ɔbu kese. Nsu badɔlɔdi ama ni, kɔƒa na beli bete.

Agba 5:23

Na nwuna lɛlɔ lɛlɔ takana bɔdi ɔsu na ɔdubo bukpi. Na nwuna kɔdɔlɔ pii ɔsu na ɔdubo bɔyii.

Etemila 8:1

Ɔma mbo lɛlati lɛni na ɔkana lɛla biala kalɔ budie? Lɛnunda lɛɛbla ukyuli anumi nwaa na anumi aaƒɛnimi-nwu.

Yesaia 19:14

Unwoti ɔ́ya na lɛlɛɛ kɔyu kɔni mɔɔbla ukyuli gyuma gyuma mɔɔdi Egyipteƒuɔ lɛlɔ. Anwuɔsu na baagbánta na bana lɛla biala na baabla kemmo, aani kalɛ na ntɛkpine ɔɔdada na nwuna kɔdala akɔ.

Daniel 12:2

Na bekyuli pii bani néekpi na bakya kekpine badubɔsɔ bata. Na Katɔti ɔdubɔya na bana badi belie ngba bɔni nsɔ naaadubo bɔsa kudii. Na ɔya na kɔƒa kukpo badi na anumi ewi-ma kalɔ uteesie uwi.

Luka 16:8

“Ɔmɛni ɔsu ni, Unwoti ɔmmɔ úmwi kabla ɔblane ɔmmɔ na lɛkwɛ lɛni na ɔ́bla mmɔ ɔsu. Sɔsɔ ni, bekyuli bani nli nte kayawi kamɛni lɛlɔ ala ni, baasia anu taabla bana lɛlɔ ala teetulo ama bani mɔɔsia Katɔti lɛga kadikɔ anu.”

Batalane Kabla 12:23

Kɔnakunwi ni, Katɔti ɔtu ɔdi úbo Herode ɔ́ƒiɛmi kalɔ, ɔsika anwu úteti bumwi útete Katɔti. Na beklubi béyi-nwu lɛlɔ kemmo ƒui, na úkpi.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Korintoƒuɔ 2 10:18

Ɔsika ukyuli ɔni na Katɔti uumwi ni, anwu ndi lɛla lɛdi, na ɔɔɔdi ukyuli ɔni muumwi lɛlɔ.

Samuel 1 13:13

Amu na Samuel ɔ́su Saul ɔnini, “Adɔlɔla geen na adi na ábla mɛni. Bi ɔsu na átadi Unwoti etemila lɛlɔ. Si banii bɔdi na ádi nwuna etemila lɛlɔ ni, nka Unwoti ɔdubɔya na awɔ ku ƒula kaba kemmo bebi bɛdi lɛga na Israelƒuɔ lɛlɔ uwi ƒui.

Samuel 1 16:18

Mmɔ na benengu bammɔ akɔ unwi ɔ́su ɔnini, “Ɔnana ɔdi ɔ́si Betlehem na baalɔ-nwu Yisai. Ubo ubi ɔnanabi ɔni ngyi ɔbentaa bɔgya geen, na ɔdi ukpone ɔni mbo kayi, na ɔgyi bɔtɛmi na ɔɔdia bɔnu, na Unwoti lɛnɔ ɔsiaku-nwu geen.”

Samuel 1 18:30

Na uwi ndi uwi ni, Ƒilistiƒuɔ batɔnkune beetiku bana bekpone teetékpoku Israelƒuɔ. Nsu uwi biala na báta lɛni ni, Dawid ku nwuna bekpone baadi-ma lɛlɔ. Na Saul ukpone ɔtɔnkune ɔdi ɔsɔ ulákana-ma lɛlɔ bɔdi aani Dawid kalɛ. Ɔmmɔ ɔsu Dawid úbaƒɔ lɛnyi geen.

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.

Samuel 1 25:17

Anwuɔsu, ti litemi lɛmɛni lɛlɔ kasusu na anu kalɛ na bɔdubo bɔbla, ɔsika ɔgbankpi ɔ́ɔsi ɔdubo bula ɔtɔlati ku nwuna kaduli bekyuli ƒui lɛlɔ. Na bula ɔtɔlati ubo lili ɔkplu ɔni na uláwia ka unu ukyuli ɔdi litemi.”