Agba 12:5 - Katɔti Ɔku Kedee

⁵ Kɔkwɛ kɔni na ukyuli ɔbuni ɔɔkya kɔɔsia ulu lɛlɔ. Nsu ɔlalane bɔlɛ bɔdanku ɔgbankpi.

Agba 12:5 ပူးပေါင်းရင်းမြစ်များ

Kɔgya 119:15

Ndubo-mu kemmo buteeduo, na mina anumi adubɔsia-mu lɛlɔ uwi biala.

Kɔgya 139:23

O Katɔti, awɔ ɔlati kɔku-mi na ati kalɛ na nse.

Agba 11:23

Bekyuli babuni mɔɔsia anu ka badubɔkɛ ebiti. Na bekyuli bekpidi ama ni, kɔtu bɔni kani na badubɔnu ulu bete.

Agba 12:4

Uleku ɔbuni ɔni lɛlɔ basia kayi ni, anwu ndi ɔgyani lɛlɔyɔ na use aani kagabwa na kebi ɔnana ɔmmɔ lili. Nsu uleku ɔni mɔɔbla kɔƒa ala ni, ɔɔƒɛ ɔgyani enu, na ɔyikun ɔɔsá-nwu.

Agba 12:6

Ɔlalane etemila ese aani kalɛ na ebuo ukpidi ɔɔbɛ́ taatɛ kuludɔ kalɛ na uƒie lɛla lɛdi. Nsu ukyuli ɔbuni etemila aaƒɔ́ ukyuli ngba.

Agba 14:8

Banundane ni, baanu uwi ɔni ntɔ anumi ɔdubo ƒui taati lɛla lɛni ndubo libalɛ. Nsu badɔlɔdi ama bana lɛlɔ kani na baatɔ́lɔ.

Agba 24:9

Na ɔdɔlɔdi kɔkwɛ ni, ekpidi sɔɔn na adi. Na ukyuli ɔni muudumi bekyuli taama ni, ɔdi balayɔ-nwu.

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Yeremia 9:3

Unwoti ɔnini, “Ɔkɔ etemila aalɛ́ mina bekyuli kenye aani kalɛ na beebó atula taalɛku kataminta kemmo. Na ɔkɔ ala bɔbla ɔyikun kani mɔɔkɔ́-ma katɔ na ɔdi ulaƒɔ enu taasu ɔnii ami ndi Katɔti.

Yeremia 9:5

Lɛlɔ kani na bakɛ beetú taavi uwi ƒui taawia ulu bamba ɔni lɛlɔ na basia banya bana bakpana bakya.

Mateo 2:16

Uwi ɔni na Herode úti-nwu ka baƒɔ bani nási ɔƒɛ katukɔ mmɔ bátɔlɔ-nwu ni, úti kɔnyi geen. Anwuɔsu ɔ́ya na nwuna bekpone bésie Betlehem ku amadɔ mmɔ ƒui. Na bátádu bebi bananabi bani náaƒɔ akwa anyɔ ku bani nétedu tɔ lɛni aani kalɛ na baƒɔ bammɔ béti bátina ka lɛyabi lɛmmɔ lɛ́lɛ kenye.

Mateo 26:4

Na béti kasusu kalɛ na beƒie Yesu na bɔbɛ kemmo na badu-nwu.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.