Agba 12:21 - Katɔti Ɔku Kedee

²¹ Ɔgbankpi kpakplaa ɔdi ulébo bekyuli babuni lɛlɔ. Nsu balalane ni, ɔgbankpi ulalɛ-ma ɔtɔ kemmo.

Agba 12:21 ပူးပေါင်းရင်းမြစ်များ

Kɔgya 121:7

Unwoti Katɔti ɔdubɔgyumana-a na udie-ɔ kɔyu na ɔgbankpi biala kemmo.

Kɔgya 91:10

ɔgbankpi iye likpidi bamba lɛdi lɛɛɛdubo-ɔ bɔlɛku na ƒula kaduli.

Agba 1:31

na ngba bɔni udu na bilie ni, nwuna ebi na bɛdubo bɔdi. Na ulu ɔni na bɛ́ƒuna ka bɛsia ni, nwuna ala emo-mii.

Agba 1:33

Nsu bani ƒui muunú-mi litemi ni, badubulie ngba na atu bɔyɔ kemmo, na lɛla lɛdi lilékpoku-ma na balayia ka ukpidi ɔdi walɛku-ma lɛnɔ.”

Agba 11:21

Ɔbla-a nwaa ka Unwoti ɔdubɔni bekyuli bekpidi kɔtu. Nsu bekyuli babuni bebi ni, badubɔlɛ sɛɛn ɔni na lɛla lɛdi lilabla-ma.

Agba 12:20

Ɔkɔ etemila aaƒɔ́ bekyuli bani muuti likpidi kasusu kayi kemmo ƒui. Na bani lɛnɔ na keyi buɛɛ kasusu na beeti ni, lɛlɔyɔ mɔɔkya-ma kayi kemmo.

Agba 14:14

Bekyuli bani muunwíni ulu ɔbuni ɔmmɔ lɛlɔ ni, baakɛ́ bana lɛyuƒɔla. Na bekyuli babuni baakɛ bana lɛbuni kɔsia.

Agba 19:23

Si aayia Unwoti ni, ɔɔyá na eelie ngba na ɔɔgyumana-a kalɛ na ɔgbankpi ulálɛku-ɔ.

Etemila 7:18

Nu ka akɛ ulu ntɛntɛ na étedeyi étésie kakɛ kadi átavili. Na ɔmɛni bɔbla ulayu-ɔ ɔkplu ulavili si aabu Katɔti.

Etemila 8:5

Si aabu ɔga ni, eleduo ɔgbankpi kemmo. Anwuɔsu sia anu na ati lɛla lɛni na abla ku uwi ɔni na abla-ni.

Habakuk 2:16

Kɔƒa kɔdubo-mii bukpo na basɔ belemwi-mii. Ɔsika Unwoti ɔdubɔya na bɛni ntɛ bikpi na bina bakpana banu-mii kasɔngya na bɛyila ɔbu biala na bana anumi.

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Korintoƒuɔ 2 4:17

Na abi blii suɛ ani na buubó na uwi klukui ɔmɛni kemmo na kayawi mɛni ni, adubɔya na bɔkɛ ɔbu ku lɛlɔyɔ bonwu lɛni nsɔ naaadubo bɔsa kudii na katɔ. Na lɛdubutulo abi ani na búbo ƒui.

Petro 1 3:13

Si anumi eegyie-mii ka bɛbla lɛbuni uwi biala kemmo ni, ɔma ndubukpoku-ɔ?

Budie Taatina 18:6

Amii Katɔti batu ni, bɛƒɔ-ma kayu na lɛla lɛni na bábla Katɔti kenye. Na bɛƒɔ-ma kayu kammɔ akpa anyɔ na bana ablala kenye. Ala ani na ɔma ɔmmɔ ɔ́sala aani ɔdu ala na ɔɔƒɛɛ kemmo úte bekyuli na báni ni, bɛsala ɔdu ɔmmɔ akpa anyɔ na ɔɔƒɛɛ ɔmmɔ kani kemmo na bite nwuna bekyuli na bani!