Agba 12:12 - Katɔti Ɔku Kedee

¹² Beyune ni, bana lɛlɔ ala ani na buyu na bétéyu-nya muedi eegyie bana lɛlɔ anumi. Nsu bekyuli babuni ni, ama alati mɔɔnwu bana ebi.

Agba 12:12 ပူးပေါင်းရင်းမြစ်များ

Kɔgya 1:3

Bekyuli bammɔ udu bese aani egyii ani nnye ketudɔ. Na aanwu ebi na uwi lɛlɔ. Na egyii ammɔ eléwiile evete. Na bana ablala ƒui aatɛ teete-ma.

Kɔgya 10:9

Na ɔɔsɔ teebi nwuna kabɛkɔ mmɔ kpoo aani kalɛ na gyata ɔni na kɔka kɔɔda ɔɔbla. Na ɔɔtú bawabane. Na uƒie-ma kɔnakunwi na ɔkpɛ-ma ɔtɔlɔku aani ebuo ɔni nánu kakpagyuɛ.

Kɔgya 9:15

Kadi bamba bekyuli bani néku-mi ubu ka lɛnu-nwu kemmo ni, ama alati bánu ubu ɔmmɔ. Na kakpagyuɛ kani na bábɛ bákywɛ-mi ni, kédie ama alati.

Agba 10:15

Balakɛne baanu bana lɛlakɛ aani kɔbi bonwu kɔni na ukyuli ɔdi ulakana bɔƒuaala. Na bawabane kɔwaba ndi bana ɔgbankpi.

Agba 11:30

Bekyuli babuni bese aani egyii ani mɔɔnwu ebi buni ani baadi teelie ngba. Na bani muudie bekyuli na ɔgbankpi kemmo ni, báda anu.

Agba 21:10

Balalane ebiti ndi ka babla bana bakpana kalala. Na bekyuli beeebo bɔnwuna bɔdi na bana enu kemmo.

Yesaia 27:6

Uwi ɔdubo ɔni mina kadi bekyuli badubo ligyiitu budie na Israel kadi bamɛni badubo bɔta na bedie evete na banwu ebi pii beyile kayawi.

Yesaia 37:31

Na Yudaƒuɔ ɛlɛɛ bani nébu badubɔsɔ bedie ligyiitu aani kugyii kalɛ besie kalɔ kemmo ɔgyu na banwu ebi na kayaa.

Mika 7:2

Naaanu ukyuli ɔdi na ɔsiaku Katɔti kama siin. Na ɔdi lɛnɔ ulábla lɛla lɛbuni lɛdi. Ulikplu ku kalala kani nkya ukyuli biala na kalɛ na bebile bana bakpana ngba lɛlɔ kagyumana kani na ɔdi biala unye.

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Yohane 15:5

“Ami ndi kɔdingyii kɔmmɔ, na amii ndi kuna kɔgba. Ukyuli ɔni nliku-mi na ami lɛnɔ nliku-nwu ni, ɔɔnwu ebi pii. Ɔsika bilakana lɛla lɛdi bɔbla si liiibo-mii kemmo.

Romaƒuɔ 6:22

Nsu ɔƒɛni ni, bɛ́lɛ ekpidi enu kemmo na bɛ́kɛ bɔnwuna. Na bínwini Katɔti kabla bablane. Ɔmmɔ ɔsu kɔsia kɔni na bɛɛkɛ́ ndi ɔni na bíti lɛlɔ bíte-nwu ƒui na bɛɛbla kedee kalɛ na bɛkɛ ngba bɔni nsɔ naaadubo bɔsa kudii.