Agba 11:4 - Katɔti Ɔku Kedee

⁴ Ukyuli lɛkɛ lɛɛɛdubo-nwu bubunku Unwoti litemi bɔtɛ limeyi. Nsu ngba buni bulie muudie ukyuli na kukpi kemmo.

Agba 11:4 ပူးပေါင်းရင်းမြစ်များ

Ala Kalɔ Buse 7:1

Ɔmmɔ kama ni, Unwoti ɔ́su Noa ɔnini, “Ti awɔ ku ƒula kaduli bekyuli ƒui na bitéduo ɔkɔlɔ ɔmmɔ kemmo, ɔsika lɛ́nu ka awɔ kani nse siin na kaba kamɛni bekyuli akɔ.

Hiob 20:28

Na Unwoti ɔdubɔya na beti-ma ala batɔlɔku si uwi ɔni na ɔ́kɛ kɔnyi na ɔɔtɛku-ma litemi, aani kalɛ na ketu keeyi taagbala ala taatɔlɔku.

Agba 10:2

Lɛkɛ lɛni na ukyuli ɔ́sia ulu ukpidi ɔdi lɛlɔ ɔ́kɛ ni, liiibo kɔsia. Nsu si elie ngba na ulu ɔbuni lɛlɔ ni, adubɔkɛ ngba bɔƒɔ.

Agba 12:28

Bekyuli babuni kasiakɔ kaakpanku-ma teesienku ngba kemmo, na ɔɔɔdi kekpine.

Agba 6:34

Ɔsika uleku ɔmmɔ ɔgyani kogyulo kɔdubɔya na kɔnyi kutaakɔ-nwu. Anwuɔsu ɔɔɔdubo kɔnyana bɔnu si uudie-nwu kasi.

Yesaia 10:3

Bi na bɛdubo bɔbla ɔgbankpi uwi, uwi ɔni na ndubɔya na ɔsi kalɔ kakaaka ubo ubalɛ-mii lɛlɔ? Ɔma na bɛdubo bukeli bɔtamiku? Na ɔma na bɛdubo bina akɛla bɔda buse?

Esekiel 14:14

Ina Noa ku Daniel ku Hiob bakya kalɔ kammɔ kemmo ni, kalɛ na basiaku-mi kama siin ɔɔɔdubo kalɔ kammɔ bɔƒɔ, mmomu ama alati kani ndubɔkɛ bɔƒɔ.

Esekiel 7:19

Bɛdubo bina sika ugyiedi ku ɔƒualadi ƒui bubo buwi kuyeya aani kebu alakpi, ɔsika ɔmmɔ ndi alakpa anyɔ ani nákpanku-mii átákya likpidi kemmo na asɔ alakana-mii bɔƒɔ ɔƒɛni bɔsiku mina kɔnyi kudɔ. Na ala ammɔ asɔ eeebo kuye kɔni na akana na eye bina lɛdila lɛdi muedi.

Seƒania 1:18

Uwi ɔni na ami, Unwoti, ndubɔkɛ kɔnyi na mbada lɛlɛ-mii lɛlɔ mmɔ ni, bina sika ɔƒualadi ku sika ugyiedi ƒui muedi ulakana-mii bɔƒɔ na limeyi lɛmmɔ lɛlɔ. Ndubo kɔnyi bɔkɛ geen na libile ala aani kalɛ na ogya ɔɔda momoomo teekeyi lɛla biala ku bekyuli.”

Mateo 16:26

Bi kɔsia na ukyuli ɔdubɔkɛ si ɔ́kɛ kayawi ala ƒui na ɔ́yila ngba geen bɔmmɔ. Munuu bi na ukyuli ubo na uti ɔvumana na ɔkɛ ngba geen bɔmmɔ?

Luka 12:20

“Nsu Katɔti anwu ɔ́su-nwu ɔnini, ‘Awɔ ɔdɔlɔdi! Usien ɔmɛni kani na adubo ƒula ngba bɔda buse. Na ɔma ndubɔdi ala ani na áwia ése éte lɛlɔ mɛni?’ ”

Romaƒuɔ 5:17

Ɔkɛnku ukyuli unwi lɛlɔ ɔsu na kukpi kɔ́di bekyuli lɛlɔ ɔ́si ukyuli ɔmmɔ likpidi ɔsu. Anwuɔsu ɔkɛnku Yesu Kristo lɛlɔ ni, bekyuli bani ƒui nákɛ Katɔti lɛƒɔndia na ɔ́bla-ma siin badubuduo ngba bɔwɔdi bɔmmɔ lɛga bɔdi kemmo butulo ƒui.

Timoteo 1 4:8

Ɔlɔna lɛlɔ ɔkplu ɔdia bɔdi, nsu kalɛ na baatɛya Katɔti etemila kama bɔsiaku bubo kɔsia butulo ƒui. Ɔsika uute-ɔ kɔsia na ngba bɔmɛni ku kekpima ngba lɛnɔ kemmo.