Agba 11:24 - Katɔti Ɔku Kedee

²⁴ Bekyuli badi bakya na beete bekyuli ala ku kaƒɔ, nsu bana lɛkɛ limomo teebu. Nsu babambadi lɛnɔ baabla lɛnumi, nsu baayila lɛla biala na bebo.

Agba 11:24 ပူးပေါင်းရင်းမြစ်များ

Ala Alɛdi 2 31:10

Na ɔkpane unengudi ɔni nákya uwi ɔmmɔ kemmo na baalɔ-nwu Asaria ɔni ndi Sadok kaba kemmo ubi ni, údie kenye ɔnini, “Ɔ́si uwi ɔni bekyuli bammɔ bése kalɔ ku ala amɛni buboku ni, bɔ́kɛ adila ku ala bamba na etulo kalɛ na bɔɔwia muedi. Na bɔ́nu bɔ́ti ka Unwoti kusɛ kusɛ ɔsiaku bula bekyuli sɔsɔ. Nu ala ani udu nébu!”

Kɔgya 112:9

Uute bekyuli bani mɔɔyaki ala ku kaƒɔ ƒaa, na uláda lɛbuni bɔbla taaya kudii. Na bekyuli badububo-nwu kudu ka ubo ɔyikun sɔsɔ.

Agba 11:18

Bekyuli bekpidi ni, uwi klukui kani na bana lɛkɛ liilie. Nsu bekyuli babuni akɛla ni, eetu uwi.

Agba 11:23

Bekyuli babuni mɔɔsia anu ka badubɔkɛ ebiti. Na bekyuli bekpidi ama ni, kɔtu bɔni kani na badubɔnu ulu bete.

Agba 11:25

Bekyuli bani muute bekyuli ala ƒaa ni, ala aadianku-ma na eedú-ma ɔkwɛ. Lɛni kani na bekyuli bani muubunku bekyuli kalɛ na belie ku kayi ƒaa ni, ama alati lɛnɔ badubulie ku kayi ƒaa.

Agba 13:7

Bawabane badi baabla lɛlɔ aani balakɛne. Na babambadi bani ndi balakɛne lɛnɔ baabla lɛlɔ aani bawabane.

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Agba 28:27

Ukyuli ɔni muute bawabane ala ulayaki lɛla lɛdi. Nsu ewida adubɔsiaku bekyuli bani mɔɔnu bawabane teedie lili.

Agba 28:8

Ukyuli ɔni mɔɔbla egulabi na bekyuli bamba lɛlɔ ɔkɛnku kuvonsia bonwu ɔsu ni, lɛkɛ lɛmmɔ lɛdubɔyii-nwu kɔnu lisie ukyuli ɔni mbo lɛƒɔndia ute bawabane kudɔ.

Etemila 11:6

Nye kabla lɛlɔ kpakplaa na akya edula lɛdigye ku useyi uwi ka aaagyi ani geen ndubo bɔdia iye si ana ƒui madia.

Hagai 1:6

Bɛɛkya edula, nsu biláƒɛ-nya kalɛ na bɛ́kya-nya kenye. Na bilakɛ taadi teemo, na bilakɛ ntɛ lɛnɔ taani na budu-mii ɔkwɛ. Na bina adala lɛnɔ elebunku-mii na lɛlɔ lɛbla-mii gugungu. Na bina lɛyuƒɔla lɛni na bɛɛkɛ́ ni, kɔvumi kɔni náƒuala kemmo na bɛɛkya bina egulabi ammɔ.

Malakai 3:8

Amii bekyuli bamɛni ni, biiyú ami, bina Katɔti. “Nsu mɛni lɛnɔ buye na biiye bɛnini, ‘Dɛ na buuyú-ɔ?’ “Na bɛgyi nwaa ka akpala ani na beeti teeboku-mi ku ala lɛkpa leevudi lɛni ndi ami ɔdi ni, biiyú-nya.

Luka 6:38

Bite bekyuli ala, na Katɔti lɛnɔ wete-mii ala. Geen ni, Katɔti ɔdubuyile-mii kɔvumi tɛtɛɛtɛ na nwuna lɛƒɔndia kenye. Keyile kani udu na ákɔku éte ukyuli ni, kana udu kani na Katɔti ɔdubɔkɔku ute-ɔ.”

Lɛkpa Ulu 15:10

Na bɛnu ka biite lɛlɔ ala ku kayi ƒaa ɔni na kasusu kekpidi kadi keeebo-nwu kemmo. Na si bɛɛbla lɛni ni, Katɔti ɔdubute-mii kusɛ kusɛ na lɛla biala bɛɛbla kemmo.