Agba 10:6 - Katɔti Ɔku Kedee

⁶ Kusɛ kusɛ ɔɔsiaku bekyuli bani mɔɔbu Unwoti. Na bekyuli bekpidi baabɛla bana kasusu kekpidi kɔkwɛ.

Agba 10:6 ပူးပေါင်းရင်းမြစ်များ

Ester 7:8

Na ɔni kani na Haman ɔɔyu ɔɔlɛ akɔnkɔ na liboku lɛni kemmo na beleku ɔga ɔmmɔ ukpo kudɔ kani na Ɔga Ahasweros ɔ́si úbeduo. Mmɔ kani na ɔga ɔmmɔ ɔ́va ku lɛdi momoomo ɔnini, “Buƒie muedi na asɔ adubo mina uleku buƒie na mina anumi mɛni na ami ɔlati kaduli?” Ɔga ɔmmɔ útawɔlɔ tɔ kenye kammɔ bɔsu asa na nwuna beleku lɛlɔ banune báka bámana Haman, na béti ala bébi-nwu lili.

Hiob 29:13

Na bekyuli bani na ala étulo na nka bukpi na bada muedi ni, lídie-ma na beete-mi kusɛ kusɛ. Na bekpinele kayi káyɔ-ma ƒaa na bédie lɛlɔyɔ lɛnu.

Kɔgya 107:42

Na bekyuli babuni ƒui baanu ɔmɛni na ebiti aada-ma. Na balalane ama kɔƒa ndubo-ma bukpo.

Agba 10:11

Bekyuli babuni etemila aakpanku ukyuli teesienku ngba kemmo. Nsu bekyuli bekpidi beeti ala teebi bana kasusu kekpidi.

Agba 10:5

Okloƒu ɔni na ɔ́da anu ni, uunye kabla lɛlɔ kpakplaa ɔtumawi ƒui. Na okloƒu ɔni mɔɔtɛ taalɛɛ uwi ɔni na nka katuma kuƒi kɔ́lɛmi-nwu ni, kɔƒa na uuboku kaduli.

Agba 11:26

Beyedine bani mɔɔbɛla ala teese na basɔku beye kuye kpakplaa ni, bekyuli beewida-ma. Na bani muuyé ala teete-ma uwi ɔni na baayaki ala ammɔ ni, bekyuli beete-ma kusɛ kusɛ.

Agba 24:25

Nsu bani mɔɔdú bani litemi neeebo ubo kɔtɔ belikplune na bana ablala ɔsu ni, bana lɛlɔ lɛɛda bekyuli ebiti na kusɛ kusɛ lɛnɔ ɔdubɔsiaku-ma.

Agba 28:20

Ukyuli ɔni mɔɔsia ala anu taabla-nya ulu lɛlɔ ni, ɔdubɔkɛ lɛyuƒɔla bonwu. Nsu ukyuli ɔni mɔɔwia ka unwini ɔlakɛne kɔnakunwi ni, ɔdubuduo ɔgbankpi kemmo.

Agba 3:33

Unwoti uuwida bekyuli bekpidi kɔduli. Nsu nwuna kusɛ kusɛ ɔɔsiaku bekyuli bani nse siin.

Yesaia 3:10

Su bekyuli bani nse siin anii, ɔdubɔtɛ ute-ma ɔsika badubɔdi bana kabla ebi.

Obadia 1:10

Bɛ́bla bina lɛlɔ bekyuli bani ndi Yakob kaba kemmo bebi kalala. Anwuɔsu ɔƒaani ni, bɛdubo kɔƒa bɔdi uwi ƒui na badi-mii lɛlɔ.

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Lɛkpa Ulu 28:2

Na kusɛ kusɛ ɔmɛni ɔdubɔsiaku-mii si biinú bina Unwoti Katɔti litemi.