Agba 10:3 - Katɔti Ɔku Kedee

³ Unwoti ɔɔɔdubo bɔya na kɔka kɔdu nwuna ukyuli ɔni mɔɔbla nwuna lɛƒɔyɔ. Na bekyuli bekpidi ama ni, Unwoti ulenu-ma ala ani na beevele-nwu.

Agba 10:3 ပူးပေါင်းရင်းမြစ်များ

Hiob 15:23

Na baasia kesi kesii taavi taawia bana lɛdila na beeye lɛlɔ kesii kani na badubɔkɛ-nya. Na begbini ndubo-ma ɔlɔna bɔkun si békpi.

Hiob 20:28

Na Unwoti ɔdubɔya na beti-ma ala batɔlɔku si uwi ɔni na ɔ́kɛ kɔnyi na ɔɔtɛku-ma litemi, aani kalɛ na ketu keeyi taagbala ala taatɔlɔku.

Hiob 5:20

Na si kɔka nébo o-o, iye kekpo kadi o-o ni, Unwoti ɔdubudie-ɔ na ɔna ƒui kemmo.

Kɔgya 10:14

Nsu geen geen ni, awɔ Katɔti aanu na agyi kɔnyana ku abi ani na ƒula bekyuli beebó. Na agyi kalɛ na eekpó teete-ma. Na ka ɔwabane uuubo lɛla lɛdi na ɔɔbla ɔsu ni, uuti lɛlɔ teete-ɔ. Na eebunku-nwu aani kalɛ na eebunku bekpinebi.

Kɔgya 112:10

Na balalane badubɔnu ɔmɛni na ɔƒɛ ɔda-ma. Badubɔdu anyi bada na babla lɛla biala. Nsu kɔnu kulétuku-ma lɛla lɛni baawia kudii.

Kɔgya 33:19

Uudie-ma taalɛku kukpi kemmo na uute-ma adila na kɔka uwi.

Kɔgya 37:19

Si uwi ɔni na ɔgbankpi ɔdi úbo ni, ɔtɔtɔ ɔɔɔdubo-ma bɔgyu. Lɛni kani na si kɔka lɛnɔ kúbo ni, ama badubɔkɛ badi na bemo.

Kɔgya 37:25

Ɔ́si mina lɛnamu uwi úti úbedu ɔni na lɛ́ɛbi lɛlɔ mɛni ni, ńtanu ka Unwoti Katɔti údie ukyuli ɔni nse siin ɔdi atu kudii. Na ńtanu ka nwuna bebi bakɛ beteevele asa na badi.

Kɔgya 37:3

Ti ƒula anu sia Unwoti lɛlɔ na ataabla lɛbuni na adubulie ngba ku kubiti na kalɔ lɛlɔ na lɛla lɛdi lilékpoku-ɔ.

Agba 13:25

Bekyuli babuni ni, ala ani bebo eemó-ma. Nsu bekyuli bekpidi ni, bana ala elemo-ma.

Agba 14:32

Bekyuli bekpidi ni, bana alaekpidi mɔɔyila-ma udu. Nsu bekyuli babuni bebo katamikukɔ si békpi.

Agba 28:25

Sika lɛnungyie muuboku kekpo. Na anu buti bɔsia Unwoti lɛlɔ mɔɔyá na keyi kaadianku ukyuli.

Agba 28:9

Unwoti ulenu bekyuli bani naaadi ɔda bubo bɔmmɔ lɛlɔ ina baakpali-nwu.

Yesaia 33:16

badubulie bekpone kagyumakɔ kpakplaa kemmo na lɛtakpɛ lili na bakɛ adila badi kaduɛ na bani lɛnɔ kaduɛ.

Seƒania 1:18

Uwi ɔni na ami, Unwoti, ndubɔkɛ kɔnyi na mbada lɛlɛ-mii lɛlɔ mmɔ ni, bina sika ɔƒualadi ku sika ugyiedi ƒui muedi ulakana-mii bɔƒɔ na limeyi lɛmmɔ lɛlɔ. Ndubo kɔnyi bɔkɛ geen na libile ala aani kalɛ na ogya ɔɔda momoomo teekeyi lɛla biala ku bekyuli.”

Luka 12:31

Mmomu ni, biteeti kasusu na Katɔti lɛga kadikɔ lɛlɔ na ɔdubuti ala amɛni ƒui ute-mii.