Agba 10:29 - Katɔti Ɔku Kedee

²⁹ Unwoti ɔɔgyumana bekyuli bani nse siin, na ɔɔyila balalane udu.

Agba 10:29 ပူးပေါင်းရင်းမြစ်များ

Hiob 31:3

Geen ni, Unwoti ɔɔyá na ɔgbankpi ɔɔsiáku bekyuli bani mɔɔbla ekpidi.

Kɔgya 1:6

Unwoti anu asia bekyuli bani mɔɔsia nwuna ulu lɛlɔ siin, na ɔɔgyumana-ma. Nsu bekyuli bani naaasia nwuna ulu lɛlɔ ni, badubɔyii udu.

Kɔgya 36:12

Aanu kesii kani na alaekpidi bablane bébuli batɛ ɔni na basɔ balakana bɔta!

Kɔgya 37:20

Na bekyuli bekpidi ama ni, badi Unwoti Katɔti bekisine. Anwuɔsu badubɔyii aani kalɛ kugyii anwula aanu taayii udu. Na badubɔyii ku udu aani kalɛ uyɔ ɔyii takya kayaa kemmo.

Kɔgya 84:7

Na baakɛ́ ɔyikun teebu limeyi ndi limeyi. Na badubɔnu benwoti ƒui Unwoti ɔni ndi Katɔti na Sion Kɔbi lɛlɔ.

Kɔgya 92:7

Ɔmɛni ɔsu na si balalane ku ekpidi bablane bálɛ lili aani livo wɔwɔɔwɔ dɛ ni, badubo udu bɔyii ƒui kede kede.

Agba 11:7

Si balalane békpi ni, ama ku bana lɛnunsia ƒui lɛ́yii udu, ɔsika bana ɔyikun ɔni neeenye ligeen lɛlɔ kani na basia anu.

Agba 13:6

Ngba buni bulie buubunku ukyuli nwuna ngba emeyi kemmo ƒui. Nsu bekyuli bekpidi ama ni, bana kalala ndubɔya na bayii udu.

Agba 21:15

Ala bɔbla ulu lɛlɔ bɔɔyɔ́ bekyuli bani mɔɔyia Unwoti kaƒɔ. Na ɔɔyá na liƒu lɛɛda alaekpidi bablane.

Yesaia 40:31

Nsu bani néti bana anu básia Unwoti lɛlɔ ni, bana ɔyikun ɔdubɔsɔ ɔbla ɔwɔdi. Na bana ɔyikun ɔdubuse aani kalɛ na kɔdigbo aasɛ uuveyi taavi kayaa. Na badubo usi bukeli na balanɔ bukeli. Na badubusie lɛgba na lɛgba lilakpulu-ma.

Hosea 14:9

“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”

Sakaria 10:12

Ndubo mina bekyuli ɔyikun bɔkya na ukyuli ɔni udu na ndi ɔsu, na lɛya na basiaku-mi. Ami Unwoti násu!”

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.