Agba 10:28 - Katɔti Ɔku Kedee

²⁸ Bekyuli babuni lɛnunsia liiboku ebiti, nsu ala ani na bekyuli bekpidi baasia anu eenwíni lɛƒua.

Agba 10:28 ပူးပေါင်းရင်းမြစ်များ

Hiob 11:20

Nsu balalane ama badubɔnu ulu banɔ, na balákɛ kebunku ku kekelikɔ kadi. Na lɛla linwi lɛni kani na badubɔsia anu ndi ka kukpi kubeti-ma.”

Hiob 8:13

Bekyuli bani mɔɔyiƒala Unwoti Katɔti na beedie-nwu atu ni, lɛni na bana kawɔlɔkɔ kaabla ka báyila bana lɛnunsia ɔsu.

Kɔgya 112:10

Na balalane badubɔnu ɔmɛni na ɔƒɛ ɔda-ma. Badubɔdu anyi bada na babla lɛla biala. Nsu kɔnu kulétuku-ma lɛla lɛni baawia kudii.

Kɔgya 16:9

Ɔmɛni ɔsu ni, mina kayi kemmo kéyi ku lɛlɔyɔ, na ndubuti kenye nteemwi-ɔ uwi ƒui! Ina ka ɔlɔna ndi muedi ni, adubɔda-mi kɔkɔɔkɔ.

Kɔgya 68:4

Bidie lɛnu bite Katɔti, na bidie bumwi lɛnu bɛkɔliku-nwu lɛnyi katɔ. Bidie bumwi lɛnu momoomo bite anwu ɔni nli katɔ liƒlukutu lɛlɔ ɔɔví. Nwuna lɛnyi ndi Unwoti. Bɛkɛ lɛlɔyɔ na nwuna anumi!

Agba 11:23

Bekyuli babuni mɔɔsia anu ka badubɔkɛ ebiti. Na bekyuli bekpidi ama ni, kɔtu bɔni kani na badubɔnu ulu bete.

Agba 11:7

Si balalane békpi ni, ama ku bana lɛnunsia ƒui lɛ́yii udu, ɔsika bana ɔyikun ɔni neeenye ligeen lɛlɔ kani na basia anu.

Agba 14:32

Bekyuli bekpidi ni, bana alaekpidi mɔɔyila-ma udu. Nsu bekyuli babuni bebo katamikukɔ si békpi.

Agba 29:6

Bekyuli bekpidi ni, bana likpidi kakpagyuɛ muudie-ma. Nsu bekyuli bani nse siin ni, baakɛ́ lɛlɔyɔ ku kudu.

Romaƒuɔ 12:12

Lɛlɔ litaayɔ-mii na bina lɛnunsia kemmo. Na binye kpakplaa na lɛbibo biala kemmo. Na bitaakpali katɔ na ulu lɛlɔ.

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Romaƒuɔ 5:2

Na ka bɔ́ƒɔ Kristo bɔ́di ɔsu ni, ɔ́ya na bɔ́kɛ Katɔti lɛƒɔndia lɛni kemmo na bɔkya ɔƒɛni. Na lɛlɔ lɛɛyɔ́-bu geen, ɔsika bubo lɛnunsia ka bɔdubulieku Kristo na Katɔti lɛgadi bukeye bɔmmɔ kemmo.

Tesalonikaƒuɔ 2 2:16

Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.