Agba 1:32 - Katɔti Ɔku Kedee

³² Ɔsika bekyuli bani na bana kasusu kásɔ ni, ngba bukpidi bɔni na belie ndubo-ma bɔdu. Na ala ani na badɔlɔdi baakali ka átɛ áwɔlɔ ƒui ndubo bɔya na bayii ku udu.

Agba 1:32 ပူးပေါင်းရင်းမြစ်များ

Kɔgya 69:22

Ya na bana limeyi kadikɔ kani báklibi bése kenwini kubu kubi-ma lɛlɔ na betulo na bebuli beduo ɔgbankpi kemmo.

Agba 1:22

Lɛnunda ɔ́kpali ɔnini, “Amii bani na bina kasusu kásɔ ni, uwi ɛlɛ na bɛdubusie anumi ku bina ngba bɔni násɔ bulie bitédu? Uwi ɛlɛ na amii bani mɔɔmá litemi geen lɛmmɔ bɛdubɔbla lɛni bitédu? Na amii badɔlɔdi bikisi lɛlati?

Agba 10:21

Bekyuli babuni baalɛ ukyuli ulu ɔbuni lɛlɔ. Nsu bekyuli bekpidi ama baayii udu na bana lɛla tati ɔsu.

Agba 14:16

Banundane baatí lɛlɔ kalɛ na beekeli ɔgbankpi. Badɔlɔdi ama baatu lili taakya lɛla biala kemmo ku kayi kekpidi.

Agba 2:18

Nwuna ɔtɔ kemmo buduo ɔdi ulu ɔni néti úsela kekpine, na nwuna kavinkɔ ƒui kadi bekpine kakyakɔ ulu.

Agba 5:22

Ukyuli ukpidi ni, nwuna ekpidi lɛlɔ na baasia teeƒie-nwu. Na nwuna ablala muunwíni kɔbuli kɔni muudie-nwu.

Agba 8:36

Nsu bekyuli bani na báyii ulu na bátanu-mi ni, bábla lɛlɔ kalala. Na bani muukisi-mi ni, bati ka kukpi na baayɔ́.”

Agba 8:5

Bina kasusu kásɔ bibo na lite-mii lɛnunda. Bɛ́dɔlɔ bibo na lite-mii ala kalɔ bunu.

Agba 9:18

Nsu ɔmɛni ƒui ni, banana bammɔ baaagyi ka bana bani na uleku ɔmɛni ɔ́ɔka bɔkpali lɛni na bésie ni, kaƒiɔtɔ kemmo na bátáwɔlɔ.

Yesaia 66:4

Bíni bɛnii bilákpete-mii ɔni na mɔɔkpali-mii na bilásia mina ala ani na mɔɔtina-mi kama. Mmomu ala ani na nkisi ni, anya na binye bɛɛbla, nsu bɛgyi nwaa ka bɛɛƒiɔ́-mi. Anwuɔsu lɛtuni lɛni na bɛɛyia geen na ndubɔya na libo-mii lɛlɔ.”

Yeremia 2:19

Bina likyulikpi ndubo bunwini bina lɛtuni. Na kalɛ na bɛ́ta bínye-mi lɛlɔ na bíni-mi mɔɔdú-mii kɔtɔ. Ɔdi likpidi ku kɔtɔ bɔdu kati kati ka eni ami Unwoti Katɔti ɔsika ɔɔtina ka biláyia-mi munu munu. Ami Unwoti kadi ƒui Katɔti násu.

Amos 6:1

Bɔbuɛ ute amii bani nli-nwu ƒaa na Sion ku amii bani nli kɔbi lili na Samaria na bɛɛkali ka bɛ́gyi ɔban bɛ́mana bina lɛlɔ. Amii ndi lɛlɔ badine na Israel kalɔ kani náƒɔ lɛnyi ketulo mmɔ. Na Israel kadi bekyuli beebo-mii kudɔ teebevele-mii ala na beebó kalɔ teegyele-mii!

Yohane 3:36

“Na ukyuli biala ɔni mɔɔƒɔ́ Ubidi ɔmɛni taadi ni, ubo ngba bɔni nsɔ naaadubo bɔsa kudii. Na ukyuli ɔni muuní ka ɔdi Ubidi litemi lɛlɔ ni, ulákɛ ngba bɔmmɔ. Mmomu Katɔti kɔnyi kɔdubo butaasiaku-nwu.”

Lɛkpa Ulu 28:17

Unwoti ɔdubo bina edula ani bɛ́va ku adila ani bɛ́nwa bise buwida.

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Hebriƒuɔ 12:8

Si balani-ɔ kɔtu aani kalɛ na bɔgyi ka baaní ɔdi biala kɔtu ni, na ɔgbami na báwɔ-ɔ básiku na aaadi kaduli kammɔ kemmo ubi.

Yakobo 5:5

Ngba bɔni na bílie na kayawi mɛni ni, bɛ́kɛ kayawi kamɛni kemmo ebiti ku lɛlɔyɔ biala. Na bílie lɛmwi kalɛ na badu-mii na Litemi Bɔtɛ Limeyi lɛmmɔ lɛlɔ.