Agba 1:28 - Katɔti Ɔku Kedee

²⁸ “Uwi ɔmmɔ ni, bɛdubɔkpali ami Lɛnunda, nsu naaakpete-mii. Na bɛdubɔwia-mi na bilanu-mi.

Agba 1:28 ပူးပေါင်းရင်းမြစ်များ

Ala Kalɔ Buse 6:3

Amu na Unwoti ɔ́su ɔnini, “Mina kɔyu kɔɔɔdubo ukyuli kemmo bɔkya uwi ƒui. Anwuɔsu ukyuli ɔdubo bukpi. Na nwuna ngba emeyi adubɔbla akwa eti anyɔ ku aavlanyɔ kani.”

Hiob 27:9

Na ɔɔɔdubo-ma bɔkpete ina beekpi-nwu kɔtɔ banii ɔnu-ma kɔnyana.

Hiob 35:12

Katɔti ulákpete bekyuli bani mɔɔta teenye-nwu lɛlɔ, na bebo ulikplu na baatalaku lɛlɔ katɔ.

Kɔgya 18:41

Báva bákpali ka ukyuli ɔdi ubaƒɔ-ma, nsu ɔdi uuubo na ɔƒɔ-ma. Na bákpali Unwoti muedi, nsu útakpete-ma.

Kɔgya 18:42

Mmɔ na lɛ́kɔ-ma lɛ́bla kpɛtɛ kpɛtɛ aani ɔtumu ɔni na ɔƒɛƒɛɛ uuti taatɔlɔku. Na lɛ́tu-ma lídie aani aba ntéwi ulu lɛlɔ.

Kɔgya 66:18

Na si likpidi nkya-mi kayi iye kasusu kemmo ni, nka Unwoti útakpete-mi.

Agba 15:29

Unwoti ɔ́gyunku bekyuli bekpidi kudɔ ƒui. Nsu uunú bekyuli babuni kenye si baakpali-nwu.

Agba 8:17

“Bekyuli bani ƒui mɔɔyɔ́-mi ni, ami lɛnɔ mɔɔyɔ́-ma. Na bani mɔɔwia-mi kama ulu baanu-mi.

Lɛnu Ƒui Ɔnu 5:6

Na ka unye ɔɔtɛmiku-mi ni, ɔ́bla-mi aani mina utu ɔ́da bubo ɔ́ya. Nsu ka lɛ́lɛmi ɔtɔ ni, mina ɔyɔne ɔ́yii-mi anumi kɔnakunwi na lɛ́sɔ ńtanu-nwu. Lɛni na ɔ́bla aani mina utu bɔnu na ɔ́nu úduo-mi kaƒɔ ɔni na lɛ́wia-nwu laa na mɔɔva taakpali-nwu taanɔ.

Yesaia 1:15

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Yeremia 11:11

Ndubo bɔya na Yuda ku Yerusalem kadi bekyuli bebo abi geen ɔni na ɔdi ulakana na wekeli lɛbibo lɛmmɔ. Lɛla lɛni na lɛ́lɛ ugyii ɔƒɛni na lɛdi mmɔ. Na badubuvele-mi banii mbunku-ma, nsu lɛɛɛdubo bunu bute-ma.

Yeremia 14:12

Bakana na bakɛ bataavi ku kɔka na bakyula akpala bayala-mi kaƒɔ na beti edula akpala babagya-mi enu. Nsu si béwulo bákpali-mi ni, lɛɛɛdubo-ma bɔkpete na lɛɛɛdubo-ma akpala ammɔ lɛnɔ bɔƒɔ. Mmomu ndubɔya na kekpo ku kɔka ku lɛlɛ lidu libadu-ma na lɛyila-ma udu ƒui.”

Esekiel 8:18

Anwuɔsu ami lɛnɔ kɔnyi kpakplaa kemmo na ndubo-ma kɔtu bɔni na lɛɛɛdubo-ma kɔnyana bɔnu munu munu. Na si ina baava taakpali-mi teevele muedi lɛɛɛdubo bunu bute-ma.”

Hosea 5:15

Na ndubɔsɔ linwini ntélie mina keliekɔ wetédu uwi ɔni na ama alati báƒɔ enu ka bábla ekpidi na benwini babawia-mi kama ulu. Na ɔkɛnku bana lɛbibo ɔsu ni, badubunwini kayi na basiaku-mi kpakplaa.”

Hosea 5:6

Na badubuti bana bebuo lidu lidu bada na babawia ami bana Katɔti ulu, nsu balanu-mi, ɔsika línwini kama lɛ́kya-ma.

Amos 8:12

Bɛdubo bɔka bɔmana bɛnii bɛɛwia-mi kenye kadi binu ɔ́si katɔ útédu ɔƒɛ katukɔ na ɔsɔ ɔsi kada kakɛ útédu ɔƒɛ kanukɔ, nsu ukpludi na bɛkɛ bɛɛkɔ́ taayu na bilanu lɛla lɛdi.

Mika 3:4

Bɛdubo Unwoti buvele limeyi linwi bɛnii ubunku-mii, nsu ɔdubo kama bunwini bɔkya-mii na ulénu bina bɔkpali na bina ekpidi ɔsu.

Sakaria 7:13

“Na lɛ́su nnini, ‘Uwi ɔni na lɛ́kpali-mii límene ni, bina akɔ ɔdi biala útenu-mi litemi. Anwuɔsu ami lɛnɔ lɛɛɛdubo bina litemi bunu.

Lɛkpa Ulu 1:45

Anwuɔsu bɛ́va bɛ́kpali Katɔti ka ubebunku-mii. Nsu útakpete-mii.

Yakobo 4:3

Si ina bívele Katɔti muedi ni, ulákpete-mii. Ɔsika ɔɔɔdi kasusu kabuni kemmo na biiye-nwu ala ammɔ. Na lɛla lɛni kani na bɛɛwia ka biti lɛlakɛ lɛmmɔ bɛbla ndi ka biti-nya bɛsiaku kayawi ebiti ekpludi kama.

Samuel 1 8:18

Ɔƒɛni limeyi lɛdubo lɛni na bɛdubo buwulo bɔkpali-mi bɛnii nƒɔ-mii nlɛku ɔga ɔni na amii alati bɛ́ƒuna bíte lɛlɔ mmɔ enu kemmo. Nsu lɛɛɛdubo-mii bɔkpete limeyi lɛmmɔ.”