Tesalonikaƒuɔ 2 3:2 - Katɔti Ɔku Kedee

² Na bivele lɛnɔ kalɛ Blɔti wada-bu wedie na bekyuli bekpidi enu kemmo, ɔsika ɔɔɔdi bekyuli ƒui náƒɔ nwuna litemi lɛmmɔ bádi.

Tesalonikaƒuɔ 2 3:2 ပူးပေါင်းရင်းမြစ်များ

Mateo 17:17

Amu na Yesu údie kenye ɔnini, “Amii, ɔmwi limeyi bekyuli, bi ɔsu na bilaƒɔ-mi taadi na bɛɛyu atu ɔkplu? Uwi ɛlɛ sɔɔn na ndubɔkɛku-mii kayi? Naaakana na makya-mii kudɔ uwi biala! Biti ɔnamu ɔmmɔ biboku-mi mɛni!”

Mateo 23:23

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Biiti kevoma kemo kutu akyala ƒɛƒɛɛ ani bɛ́bla muedi lɛkpa leevudi teete Katɔti, nsu bíni na biládi ɔda bubo bɔni náƒɔ kuye geen butulo lɛlɔ. Na muna lɛlɔ bɔdi ndi kalɛ na bilanu bekyuli anumi bilabla lɛla lɛdi. Na bɛnu bekyuli kɔnyana. Na bɛdi lɛla biala ulu lɛlɔ bite bekyuli. Ala amɛni lɛnɔ na ɔlɛka bɛbla, na bitada ɔdi bitese.

Luka 18:8

Mɔɔsu-mii geen nnii Katɔti ɔdubɔtɛ litemi na ute-ma ubo kɔnakunwi. Nsu ni, si Ukyuli Ɔyawine Ubi úbo ni, ɔdubɔnu bekyuli bani mbo bɔƒɔtaadi?”

Batalane Kabla 13:45

Na uwi ɔni na Yudaƒuɔ benengu bánu bekyuli lisu lɛni nébo kasalakɔ mmɔ ni, anumi égyie-ma, na bákyaku Paulo unyeƒi na bédumi-nwu.

Batalane Kabla 13:50

Amu na Yudaƒuɔ batɔnkune bénwini bekyuli badi kasusu na Paulo ku Barnaba lɛlɔ. Na beleku bani lɛlɔ mbo ɔbu ku ɔma benengu ƒui bétiku otogyi na báta békpoku-ma na bágya-ma bálɛku ɔma ɔmmɔ kemmo.

Batalane Kabla 14:2

Amu na Yudaƒuɔ bani nátaƒɔ Blɔti litemi lɛmɛni bátadi ni, béti unyeƒi ɔdi bákya bani naaadi Yudaƒuɔ ku Paulo ku Barnaba ntɛ.

Batalane Kabla 17:5

Nsu anumi égyie Yudaƒuɔ batɔnkune na bana lɛlɔ. Anwuɔsu bátáwia bekyuli basa basa badi na ɔma kemmo banii batákya ɔma bekyuli ogya. Na básala otogyi bákya lɛsɛ lɛmɛni na bésie bátáka bámana Yason kaduli banii betéƒie Paulo ku Silas besienku ɔma ɔmmɔ kasalakɔ.

Batalane Kabla 25:27

Ɔsika ni, ɔɔɔdia ka liti ɔtɔntɛne ɔdi lisienku kalɔ kamɛni ƒui lɛlɔ ɔdine ɔni na ńtedie likpidi lɛni na ɔ́bla kalɔ ntatina-nwu.”

Batalane Kabla 28:24

Na bana akɔ bekyuli badi báƒɔ-nwu bádi, nsu badi lɛnɔ bátaƒɔ-nwu bátadi.

Romaƒuɔ 10:16

Nsu ni, ɔɔɔdi Yudaƒuɔ ƒui náƒɔ litemi buni lɛmmɔ. Ɔsika Yesaia ɔ́su ɔnini, “Blɔti, ɔma náƒɔ bula litemi ɔ́di?”

Romaƒuɔ 15:31

Bɛkpali katɔ bivele Katɔti na udie-mi na Yudea bekyuli bani nátaƒɔ bátadi enu kemmo kalɛ na mina kabla na Yerusalem mmɔ kaƒɔ Katɔti bekyuli bammɔ anu.

Korintoƒuɔ 1 15:32

Nsu si kayawi kamɛni kasusu kani ɔsu na líkpoku bekyuli bani nse aani beƒiebuo na Eƒeso ni, bi kɔsia na lɛ́kɛ? Na si bekyuli basɔ balata balálɛ kekpine na bebelie ngba bɔdi ni, na bɛgyi bɛnii ɔlɛka bɔbla aani kalɛ na lɛsugba lɛdi lɛɛsu lɛnii, “Bɛya bɔdi na bɔni, ɔsika kɔnaadi bɔdubo bukpi.”

Lɛkpa Ulu 32:20

Na ɔ́su ɔnii ɔsɔ ulebunku-ma lɛnɔ. Na ɔdubunye bɔnu lɛla lɛni malɛku-ma. “Bekyuli bamɛni báyii ulu na bana ablala eeese siin.

Tesalonikaƒuɔ 1 2:18

Anwuɔsu bɔ́yɔ ka bɔsɔ bubo bubanu-mii. Na ami Paulo geen ni, lɛ́wia ulu kɔlɛ kɔlɛ ka libo. Nsu ukisine ɔmmɔ únye útile ulu.

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.