Tesalonikaƒuɔ 2 3:14 - Katɔti Ɔku Kedee

¹⁴ Na si ukyuli ɔdi ulábla taasiaku litemi lɛni na bɔ́su-mii na ɔku ɔmɛni kemmo lɛlɔ ni, bise-nwu likpo na bɛda lɛlɔ bɛmami-nwu lɛlɔ na kɔƒa kukpo-nwu.

Tesalonikaƒuɔ 2 3:14 ပူးပေါင်းရင်းမြစ်များ

Esra 9:6

Na lɛ́su-nwu nnini, “O mina Katɔti, kɔƒa kuukpó-mi ka lɛtalaku mina anumi katɔ muedi na ƒula anumi. Ɔsika bula ekpidi áakuku etulo-bu na ákuku laa na éedu katɔ.

Kɔgya 83:16

Ya na kɔƒa kukpo-ma geen utédu ka bánu-ɔ báti na benwini babataakpa-a.

Agba 5:13

Ńtadi mina ala batinane litemi lɛlɔ. Na ńtaƒɔ bekyuli bani mɔɔtina-mi ulu buni bɔlɛ.

Yeremia 3:3

Anwuɔsu na ami Unwoti lítile kayaa na ketudi ɔnantu úbulo bɔna bute-mii. Nsu ɔmɛni ƒui muedi kɔƒa kulekpo-mii na bina ɔbladu ɔsu aani kalɛ na kɔƒa kulekpo ɔyalɛ na nwuna lɛsɔnɔdi ablala lɛlɔ.

Yeremia 6:15

Ɔlɛka kɔƒa kuteekpo-ma na bana ekpidi ani muusé lɛlɔ mmɔ ɔsu. Nsu bana anumi aláƒalɛ lɛla lɛdi munu munu. Anwuɔsu si nnii mɔɔní Yudaƒuɔ kɔtu ni, bana kɔwɔlɔkɔ ndi kukpi na bana ƒui badubo bubuli bɔtɛ kalɔ na bekpi ƒui aani bekyuli bamba kalɛ. Ami Unwoti násu.”

Seƒania 3:2

Yerusalem úni ɔnii ulénu Unwoti Katɔti litemi na uti anu ɔsia-nwu lɛlɔ. Na bɔta kani na ɔɔta teenye-nwu lɛlɔ, na úni lɛnɔ ɔnii batalɛ-nwu na baklibi-nwu.

Bumomo Bɔka 12:14

Amu na Unwoti údie Mose kenye ɔnini, “Si nka bɔbwɛ na ɔti ɔ́bwɛ lisuo úwi Miriam anumi ni, nka kɔƒa kɔɔɔdubo-nwu bukpo emeyi maatɛ? Anwuɔsu biti-nwu bɛlɛku bina kakyakɔ mmɔ emeyi maatɛ. Na ɔmmɔ kama bɛsɔ bitiku-nwu biboku.”

Mateo 18:17

Na si mmɔ lɛnɔ útenu kalɔ ni, ya na baƒɔtaadine lɛkpa lɛmmɔ bati. Na si mmɔ lɛnɔ útenu lɛlɔ kalɔ ni, die-nwu atu aani ukyuli ɔni na útaƒɔ útadi iye likpidi ɔblane ɔni na útenwini kayi.

Romaƒuɔ 16:17

Banwa, mɔɔlɛ-mii kpakplaa nnii binye kagyumana na bekyuli bani muuti bule taakya bekyuli ntɛ lɛlɔ. Na beeti ala bamba ani náta énye bula ala ani na bɔɔtina lɛlɔ teetile-mii kuƒi. Bɛda lɛlɔ bɛmami-ma lɛlɔ.

Korintoƒuɔ 1 4:14

Ɔɔɔdi kɔƒa na nnii mɔɔkya-mii ɔsu na muunweni-mii ɔku ɔmɛni udu. Mmomu mɔɔlɛ-mii aani mina bebi bayɔne kalɛ.

Korintoƒuɔ 1 5:11

Mmomu lɛla lɛni mɔɔtina ndi ka ukyuli ɔni na ɔɔlɔ lɛlɔ ɔnii ɔnwa ɔƒɔtaadine nsu ɔɔdi kɔsɔnɔ iye ubo lɛnungyie iye ɔɔkpá baƒiɔ iye ɔɔlɔ bekyuli anyikpi iye uukpi ntɛ iye uuyú ni, awɔ ku-nwu bitabla lɛla lɛdi bitasala. Na bitakya kɔnu lɛkyami linwi kemmo bitadi muedi.

Korintoƒuɔ 1 5:9

Na ɔku ɔni na línweni-mii kemmo ni, lɛ́su-mii nnii bitasala lɛlɔ ku bekyuli bani mɔɔdi kɔsɔnɔ.

Korintoƒuɔ 2 10:6

Na si uwi ɔni na bídie bɛ́tina ka bɛdi Kristo etemila lɛlɔ ƒui ni, ɔmmɔ kama ukyuli biala ɔni mata menye litemi lɛmɛni lɛlɔ ni, bɔdubɔni-nwu kɔtu.

Korintoƒuɔ 2 2:9

Ɔmɛni ɔsu na línweni-mii ɔku na lɛ́wia nnii mɔɔtí kalɛ na binye kpakplaa na bɛda mina ala ani ƒui na lɛ́tina-mii kaduɛ uwi biala.

Korintoƒuɔ 2 7:15

Anwuɔsu na ɔɔyɔ́-mii teebu si uunyimo kalɛ bina ƒui bínye kagyumana na bínu ala ani na bɔ́tina-mii ku kalɛ na bɛ́ƒɔ-nwu na bíboku lɛlɔ kalɔ bíte-nwu na bɛɛbu-nwu ɔsu.

Lɛkpa Ulu 16:12

Na bɛnu ka bɛ́di ɔda bubo bɔmɛni lɛlɔ. Na bitayiƒala ka Egyipteƒuɔ bénye-mii lɛlɔ na bítaabla-ma kabla dii.

Ƒilipiƒuɔ 2:12

Anwuɔsu ni, mina bakpana bayɔne, aani kalɛ na bɛɛdi mina litemi lɛlɔ si nkya-mii kudɔ ni, lɛni kani na ɔdi ka bɛdi-nya lɛlɔ bitulo si uwi ɔni na liiibo-mii kudɔ lɛnɔ. Bise anumi na bitaabla ala ani mɔɔtina ka Yesu ɔ́ƒɔ-mii ngba, na biti ɔbu geen bite Katɔti.

Koloseƒuɔ 4:16

Si bɛ́ka ɔku ɔmɛni ni, biti bimene Laodikea baƒɔtaadine lɛkpa, na ama lɛnɔ baka. Na amii lɛnɔ bɛka ɔku ɔni na línweni líte Laodikea baƒɔtaadine lɛkpa lɛmmɔ.

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Tesalonikaƒuɔ 2 3:6

Banwa, bɔɔlɛ-mii geen na Blɔti Yesu Kristo lɛnyi kemmo bɔnii bɛda lɛlɔ bɛmami baƒɔtaadine bakɔsɔne bani neeeti bula ala bɔtina lɛlɔ.

Tito 2:8

Ti kalɛ na atɛmiku bekyuli ku etemila ani mbo ɔbu kalɛ na beledie-ɔ bɔƒiɔ bɔdi, na ƒula bekisine lɛnɔ balasu lɛla lɛdi balásiku-bu lɛlɔ, mmomu na kɔƒa kukpo-ma.

Tito 3:10

Bɔku ukyuli ɔni muuƒú bekyuli kasusu na bɔƒɔtaadi litemi lɛmmɔ lɛlɔ kunyɔ. Na ɔmmɔ kama ni, na ada atu edie-nwu lɛlɔ.

Ƒilemon 1:21

Líti ɔku ɔmɛni muumene-ɔ na lɛ́ƒɔ lɛ́di ka adubɔbla lɛla lɛni na muuye-ɔ mɛni. Na ngyi geen ka adubɔbla etulo kalɛ na muuye-ɔ mɛni muedi.

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Yohane 2 1:10

Ɔmɛni ɔsu si ukyuli ɔdi úbo-mii kudɔ na ɔɔɔda Kristo ala bɔtina bɔmɛni ni, bitegyingya enu bitaƒɔ-nwu na uduo-mii kaduli.