Tesalonikaƒuɔ 2 3:1 - Katɔti Ɔku Kedee

¹ Asa na mawɔlɔ ni, banwa, binyimo na bitaakpali katɔ na bula lili kalɛ na Blɔti litemi lɛmɛni liteegyingya teesie kesi kesii ku ɔbu aani kalɛ na amii lɛnɔ bɛ́ƒɔ-ni.

Tesalonikaƒuɔ 2 3:1 ပူးပေါင်းရင်းမြစ်များ

Kɔgya 138:2

Ndububoku lɛlɔ kalɔ na liti mina anumi lɛtina ƒula kakpakɔ kedee na limwi-ɔ lɛnyi, ɔsika aayɔ́-bu uwi ndi uwi na asia ƒula litemi kama. Na édie átina ka ƒula lɛnyi ku ƒula ɔda bubo bɔ́kɔ katɔ ƒui butulo lɛla ndi lɛla.

Mateo 9:38

Anwuɔsu bivele edula ɔlati ɔmmɔ na uti kabla bablane badi ubebunku kabla kammɔ kemmo.”

Luka 10:2

Na ɔ́su-ma ɔnini, “Edula pii éedu bɔƒɛ, nsu nkyuli ɛlɛɛ badi kani nnye kabla kamɛni lɛlɔ. Bɛkpali katɔ na bivele kemmo ɔlati na umene bekyuli bani maƒɛ-nya masala.

Batalane Kabla 12:24

Amu na Blɔti litemi buni lɛmɛni lígyingya geen, na baƒɔtaadine lɛnɔ bémomo bébu.

Batalane Kabla 19:20

Ɔmɛni ɔɔtina kalɛ na Blɔti litemi lígyingya ku ɔyikun, na lɛ́ƒɔ mmɔ ƒui.

Batalane Kabla 6:7

Amu na bekyuli pii báƒɔ Katɔti litemi buni. Na baƒɔtaadine lɛnɔ bémomo na Yerusalem bébu. Na Yudaƒuɔ bakpane pii badi lɛnɔ bénwini basiaku bɔƒɔtaadi bɔmmɔ kama.

Romaƒuɔ 15:30

Banwa, muuvele-mii kpakplaa na Blɔti Yesu Kristo lɛnyi kemmo ku Katɔti Kɔyu bɔyɔ kemmo nnii bibunku-mi na bukpo kekpo kani kenye na nnye na bina Katɔti bɔkpali teete-mi kemmo.

Korintoƒuɔ 1 16:9

Kuƒi kɔbuni kɔkya mɛni geen ute kabla kenengudi kani náƒɔ kuye geen, ina ka bekyuli bani mɔɔta teenye-mi lɛlɔ na kabla kani mɔɔbla na mɛni bemomo.

Korintoƒuɔ 2 1:11

Ɔlɛka amii lɛnɔ bibunku-bu na bɛkpali katɔ bite-bu. Ɔsika si bekyuli pii bákpali katɔ na Katɔti úbunku-bu ni, bekyuli pii badubɔgya Katɔti enu na kalɛ na úbunku-bu ɔsu.

Korintoƒuɔ 2 13:11

Banwa, na kawɔlɔkɔ mɛni ni, binye momoomo na bɛlɛ lili bɛwɔlɔ. Na binu ala ani ƒui na lívele-mii na ɔku ɔmɛni kemmo. Bɛbla unwi na bilieku lɛlɔ ku keyi buɛɛ, na Katɔti ɔni mɔɔyɔ́ bekyuli na ɔɔyá na keyi kaayɔ́ku-ma ni, ɔdubɔsiaku-mii.

Koloseƒuɔ 4:3

Na uwi biala kemmo na bɛɛkpali katɔ ni, bivele Katɔti na ɔlɛmi ulu ute-bu na bɔkana na bɔsu Kristo litemi buni lɛmmɔ abɛla. Ɔmɛni ɔsu na ntɛ aban ɔtɔ.

Tesalonikaƒuɔ 1 1:5

Na litemi buni lɛni búbasu-mii ni, ɔɔɔdi kenyekplu kani na kadi. Mmomu kadanku Katɔti Kɔyu ɔyikun budie taatina ɔni na bɔ́ya na bɛ́ti ka sɔsɔ na ɔdi. Bɔgyi ka bɛ́nu kalɛ na bɔ́da bula lɛlɔ na bina akɔ, na ɔmɛni ɔdi bina kebunku.

Tesalonikaƒuɔ 1 2:1

Banwa, amii alati bɛgyi ka kabla kani ɔsu na búbo-mii kudɔ ni, kánwu ebi geen.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Tesalonikaƒuɔ 1 4:1

Banwa, mina lɛla likplodi lɛni muuvele-mii ndi ka ni, bilie ngba bɔni mɔɔyɔ́ Katɔti kaƒɔ aani kalɛ na bɔ́tina-mii. Bɛdaku ɔkplu bɔkya bɔdi, nsu bɔɔkya-mii ogya na Blɔti Yesu lɛnyi kemmo bɔnii bɛbla bitulo lɛni.

Tesalonikaƒuɔ 1 5:17

Bitaya na enu aƒɛ-mii na katɔ bɔkpali kemmo.

Tesalonikaƒuɔ 1 5:25

Banwa, bitaakpali katɔ na bula lili.

Timoteo 2 2:9

Muubó abi na litemi buni lɛni mɔɔsu ɔsu. Na bébo-mi lɛkpu muedi aani ukyuli ɔni na ubo lɛkanta likpidi. Nsu Katɔti litemi ni, bétebo-ni lɛkpu!