Tesalonikaƒuɔ 2 2:3 - Katɔti Ɔku Kedee

³ Bitaya na ukyuli ɔdi ɔtɔlɔ-mii na ulu biala lɛlɔ. Ɔsika Blɔti limeyi lɛmmɔ lilebo tɔ utédu uwi ɔni na bekyuli pii badubuni Katɔti asa na ukyuli ukpidi ɔmmɔ ɔni na Katɔti údie úse ka ɔkyula ɔda ɔlɛ.

Tesalonikaƒuɔ 2 2:3 ပူးပေါင်းရင်းမြစ်များ

Daniel 11:36

“Ɔga ɔmmɔ ni, lɛla lɛni mɔɔyɔ́-nwu kaƒɔ na ɔdubo butaabla. Na ɔdubo lɛlɔ katɔ bɔtalaku na ɔtina ka ubo kenyekɔ utulo baƒiɔ ƒui. Na ɔdubo Katɔti ɔlati buteedumi. Na geen ni, lɛla biala lɛdubo bɔsia kalɛ na ɔɔwia wetédu uwi ɔni na kɔnyi kɔni na Katɔti úti ɔ́kya anwu ɔlati ku nwuna bekyuli kɔ́yɔ-nwu.

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Daniel 8:25

Na ɔkɔ ɔni na ɔdubo butaanyi taatɔlɔ bekyuli ɔdubɔya na ɔdi lɛlɔ na ɔƒɔ lɛnyi geen. Ɔdubo bekyuli pii bɔdu kɔnakunwi na ukpoku Katɔti kayawi ƒui lɛlɔ ɔdine utulone ƒui. Nsu Katɔti ɔdubo-nwu lɛlɔ bɔdi na ususu-nwu ɔbla kpɛtɛ kpɛtɛ.

Yohane 17:12

Uwi ɔni na nkya-ma kudɔ ni, lɛ́da-ma kɔkɔɔkɔ na lɛ́gyumana-ma ɔkɛnku ɔyikun ɔni nkya lɛnyi lɛni na éte-mi kemmo. Ńtayila bana akɔ ɔdi, amu ntu anwu ɔni básu bese ka ayila-nwu udu. Ɔmɛni ndubɔya na Bunweni Kedee Ɔku kemmo etemila ebo-nwu kemmo kalɛ na básu.

Korintoƒuɔ 1 6:9

Na bɛgyi geen ka bekyuli bani mbo likyulikpi balákɛ Katɔti lɛga kadikɔ. Bitabu bina lɛlɔ kɔdɔlɔ! Ɔsika bekyuli bani mbo lɛyalɛ iye bani mɔɔkpá baƒiɔ iye baadi kɔsɔnɔ iye bani néti lɛlɔ kudɔ bɔtɛ bénwini liyedi iye banana bani mɔɔtɛnku lɛlɔ aani beleku kalɛ iye bani muuyú iye bani mbo lɛnungyie iye bani mɔɔní ntɛ teekpi iye beebile bekyuli anyi iye bani muuti bekyuli egulabi taadi ni, bana akɔ ɔdi biala uléduo Katɔti lɛga kadikɔ.

Eƒesoƒuɔ 5:6

Bitaya na ukyuli ɔdi uti etemila ekpludi adi ɔtɔlɔ-mii. Ɔsika ala ammɔ udu lɛlɔ ɔsu na Katɔti kɔnyi kuubo bekyuli bani mbo atuɔkplu mmɔ lɛlɔ.

Yohane 1 2:18

Mina bebi bayɔne, mɔɔsu-mii nnii kayawi kadaku kawɔlɔkɔ budu. Na aani kalɛ na bínu ka Kristo ukisine ɔmmɔ ɔdububo ni, ɔƒɛni muedi Kristo bekisine pii béebo bakya. Na ɔmmɔ ndi kalɛ na búti bɔ́ti ka kayawi kawɔlɔkɔ kammɔ kéede.

Yohane 1 4:3

Nsu ukyuli biala ɔni meni ka ɔsu ɔnii Yesu úbo aani ɔyawine kalɛ ni, kɔyu kɔni na ubo mmɔ kútasi Katɔti kudɔ. Kɔyu kɔmɛni kɔdi Kristo ukisine. Na bínu ka kɔyu kɔmmɔ kɔdububo kayawi, na kúubo kɔkya ɔƒaani muedi.

Budie Taatina 17:11

Eƒiebuo ɔni nélie ngba dii nsu ɔsɔ uuubo mmɔ ni, anwu ndi ɔga maanedi. Na nwuna udu use aani baga maatɛ bammɔ kalɛ, na ɔdubo busie na Katɔti ɔyila-nwu udu ƒui.

Budie Taatina 17:8

Eƒiebuo ɔmmɔ ni, úlie ngba dii, nsu ɔsɔ uuubo. Na ɔdubo bɔlɛ bɔsi kasuudikɔ ubu bonwu ɔmmɔ kemmo, na usie na Katɔti ɔyila-nwu udu ƒui. Na bekyuli bani nli kayawi lɛlɔ na bétenweni-ma anyi bátakya ngba ɔku kemmo asa na Katɔti údie kayawi ni, ɔdubo-ma bɔbla kalɛ kadi si banu eƒiebuo ɔmmɔ. Ɔsika úlie ngba dii, nsu ɔsɔ uuubo, na ɔsɔ ɔdubo bɔda bɔlɛ.