Tesalonikaƒuɔ 2 2:16 - Katɔti Ɔku Kedee

¹⁶ Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.

Tesalonikaƒuɔ 2 2:16 ပူးပေါင်းရင်းမြစ်များ

Kɔgya 103:17

Nsu bekyuli bani mɔɔyia Unwoti ni, ama na ɔɔyɔ́ úsela uwi ƒui. Na nwuna lɛƒɔndia ku ala bɔbla ulu lɛlɔ siin use ute bana bawɔ bawɔ

Yesaia 35:10

Na bani na Unwoti ɔ́ƒɔ mmɔ kani ndubɔsia mmɔ na beteedie lɛnu na betéduo Yerusalem. Na lɛlɔyɔ ebiti ndubɔbla bana kagabwa kani na badububi lili. Na badubɔdi limeyi na bakɛ lɛlɔyɔ, ɔsika ala ani muukpóku-ma ku ɔlɛ bunu biala kenye kadubukulo.

Yesaia 51:11

Unwoti, ƒula bekyuli bani ngba na áƒɔ badubɔsɔ benwini na besie Yerusalem ku bumwi lɛnu si bakɛ ulu bésela. Na ebiti adubunwini aani kagabwa kebi-ma lili, ɔni na lɛbibo ku bukpoku bɔdi bɔsɔ bulebo-ma lɛlɔ, na beduo kɔnyana kemmo kudii.

Yesaia 61:7

Na bana kɔƒa kenye ni, mina kadi bekyuli akɛla adubɔkɔ katɔ akpa anyɔ. Na kalɛ na béwi-ma anumi kalɔ kenye ni, lɛlɔ lɛdubɔyɔ-ma, na bana kadikɔ kani ndubo-ma budu ɔsu, na lɛlɔyɔ lɛmmɔ lɛdubuse buteesie uwi ƒui.

Luka 16:25

“Nsu Abraham ɔ́su-nwu ɔnini, ‘Ubi, nyimo ka na ƒula ngba bɔni na élie kemmo ni, ala abuni sɔɔn na áƒɔ. Na Lasaro anwu ni, ala ekpidi sɔɔn na ɔ́ƒɔ. Nsu ɔƒɛni ni, ɔɔkɛ́ ebiti na awɔ eebó abi.

Yohane 13:1

Amu na limeyi lɛni na kadi kégye ndi Kukpi Lili Bɔvia Limeyi lɛmmɔ ni, Yesu ɔ́ti ka uwi údu ka ɔtɔlɔ kayawi kamɛni lɛlɔ uteesie ɔti kudɔ. Na ka ɔɔyɔ́ ama bani náƒɔ-nwu bádi ƒui na kayawi kamɛni lɛlɔ ɔsu ni, ɔɔwia ka ɔtina-ma kalɛ na ɔɔyɔ́-ma geen.

Yohane 15:13

Na bɔyɔ bunengudi bɔni kani na ukyuli ɔdubɔkana na ɔyɔ nwuna bakpana ndi ka uti nwuna ngba ute na bana lili.

Yohane 15:9

Mɔɔyɔ́-mii kalɛ kani na mina Ɔti ɔɔyɔ́-mi. Anwuɔsu bɛsɔ biliku-mii na ntaayɔ-mii uwi biala.

Yohane 16:22

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Batalane Kabla 15:11

Oowo! Bɔƒɔ bɔni na bɔ́ƒɔ bɔ́di ɔsu na Katɔti úti Blɔti Yesu kɔnyana bɔnu ɔ́ƒɔ-bu ngba aani kalɛ kani na ama lɛnɔ báƒɔ bádi.”

Batalane Kabla 18:27

Amu na ka Apolo ɔ́bla kasusu ka usie Akaia ni, Eƒesoƒuɔ baƒɔtaadine bébebunku-nwu na bénweni ɔku béte baƒɔtaadine bani nkya Akaia mmɔ banii si úbeduo mmɔ ni, na baƒɔ-nwu kaduɛ. Na uwi ɔni na útéduo mmɔ ni, úbunku bekyuli pii bani nébenwini kayi na Blɔti kɔnyana bɔnu ɔsu.

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Romaƒuɔ 4:16

Anwuɔsu ni, linyese lɛmɛni lɛdanku bɔƒɔtaadi, na ɔdi kama kekpokɔ ute bekyuli na Katɔti kaƒɔbuni kani na ɔ́bla bekyuli bani ƒui ndi Abraham bawɔ. Na ɔɔɔdi bani na Katɔti úte ɔda bubo bɔmmɔ lɛti pɛ ndi-nwu bawɔ. Mmomu bani nsiaku Abraham bɔƒɔtaadi bɔmmɔ kama lɛnɔ. Ɔsika ni, Abraham ɔdi baƒɔtaadine ƒui ɔti.

Romaƒuɔ 4:4

Ukyuli ɔni mɔɔbla kabla ni, ulábu nwuna lɛyuƒɔla aani litela, mmomu ɔdi lɛla lɛni námanku-nwu na nwuna kabla kenye.

Romaƒuɔ 5:8

Nsu Katɔti údie ɔ́tina-bu kaduɛ kalɛ na ɔɔyɔ́-bu. Ɔsika uwi ɔni na bɔkya bula ekpidi kemmo ni, ɔ́ya na Kristo úkpi na bula lili.

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Eƒesoƒuɔ 5:25

Bagya, amii lɛnɔ bɛyɔ bina beleku aani kalɛ kani na Kristo ɔ́yɔ baƒɔtaadine lɛkpa lɛmmɔ ɔsu na úti lɛlɔ ɔ́kpa na bana lili.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Koloseƒuɔ 1:5

Uwi ɔni na básu-mii litemi geen lɛni ndi litemi buni lɛmmɔ kudeedi ni, bínu ala abuni ani nse nte-mii na katɔ. Na ka bɛsia-nya anu ɔsu ni, bina bɔƒɔtaadi ku bina bɔyɔ bunye ala ani bɛsia anu mɛni lɛlɔ.

Tesalonikaƒuɔ 1 1:3

Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.

Tesalonikaƒuɔ 1 3:11

Na ɔƒɛni ni, Unwoti Katɔti ɔlati ku Blɔti Yesu balɛmi ulu bete-bu na bubo-mii kudɔ.

Tesalonikaƒuɔ 2 2:13

Nsu ni, banwa, bɔda Katɔti enugya kayu uwi ƒui na amii ɔsu. Bɔgyi ka ɔɔyɔ́-mii sɔsɔ. Ɔsika ɔ́ƒuna-mii ɔnii bɛkɛ bɔƒɔ. Na ɔ́bla-mii nwuna badi ɔ́si kalɔ kesekɔ uwi ɔni na Katɔti Kɔyu kúveli bina ekpidi údie-mii lɛlɔ ɔsika bɛ́ƒɔ litemi buni lɛmmɔ bɛ́di ɔsu.

Tito 1:2

Ulu ɔmɛni ndanku ngba ƒui lɛnunsia lɛni bɔƒɔtaadi na bubo lɛlɔ. Na Katɔti ɔni naaanyi ɔkɔ ɔlati nése-bu kenye kamɛni úse asa na údie kayawi.

Tito 2:13

Lɛni na bɔdubuti butaanu ulu bute limeyi libendi lɛni lɛlɔ na bɔsia anu. Limeyi lɛmmɔ lɛlɔ na Utulone Blɔti, bula Ɔƒɔne, Yesu Kristo bukeye bɔdubɔda bɔlɛ.

Hebriƒuɔ 7:19

Ɔsika ɔda bubo bɔni na Katɔti úte-bu ɔkɛnku Mose lɛlɔ ni, bútabla Katɔti kabla bútawɔlɔ. Na ɔƒɛni ni, bɔ́kɛ lɛnunsia lɛni ndia ntulo na lɛɛyá na bɔɔní teede Katɔti.

Yohane 1 3:16

Kalɛ na Yesu Kristo úti nwuna ngba ɔ́kpa na bula lili ni, ɔmmɔ mɔɔtina-bu lɛla lɛni ndi bɔyɔ. Anwuɔsu na abu lɛnɔ ɔlɛka buti lɛlɔ bɔkpa bula banwa baƒɔtaadine lili.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.

Budie Taatina 22:5

Lɛdisa lɛsɔ lilakya mmɔ. Na baláwia bukeye bɔdi taasiku asogya iye ɔƒɛ kudɔ, ɔsika Unwoti Katɔti ɔlati ndi bana bukeye na badubɔdi lɛga usela uwi ƒui.

Budie Taatina 3:9

Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.