Tesalonikaƒuɔ 2 2:13 - Katɔti Ɔku Kedee

¹³ Nsu ni, banwa, bɔda Katɔti enugya kayu uwi ƒui na amii ɔsu. Bɔgyi ka ɔɔyɔ́-mii sɔsɔ. Ɔsika ɔ́ƒuna-mii ɔnii bɛkɛ bɔƒɔ. Na ɔ́bla-mii nwuna badi ɔ́si kalɔ kesekɔ uwi ɔni na Katɔti Kɔyu kúveli bina ekpidi údie-mii lɛlɔ ɔsika bɛ́ƒɔ litemi buni lɛmmɔ bɛ́di ɔsu.

Tesalonikaƒuɔ 2 2:13 ပူးပေါင်းရင်းမြစ်များ

Ala Kalɔ Buse 1:1

Na kayawi kalɔ kesekɔ ƒui ni, Katɔti údie katɔ ku kalɔ.

Samuel 2 12:25

Na ɔkɛ ɔmmɔ ɔsu Unwoti ɔ́tala nwuna Kenye Udiene Natan ɔnii utásia-nwu lɛnyi ɔnii Yedidia na nwuna kalɔ ndi Unwoti ɔɔyɔ́-nwu.

Agba 8:23

Únyene-mi mina kenyekɔ asa na lɛla biala lɛdubuse kalɔ. Na nli asa na ɔdubudie kayawi.

Yesaia 46:10

Lɛla biala kalɔ kesekɔ ƒui na lɛ́su líse ala ani ndubo abálɛ asa na aalɛ́ ɔmwi na bɛɛnu. Na ɔɔtina ka lɛ́di mina litemi lɛlɔ.

Yeremia 31:3

Uwi ɔdi návi ni, Unwoti údie lɛlɔ ɔ́tina-mi na ɔ́su ɔnini, “Israel, ndubo butaayɔ-ɔ uwi ndi uwi, anwuɔsu na lɛ́kɛku-ɔ kayi buɛɛ na muuwiku-ɔ lɛlɔ ku kɔnyana bɔnu.

Esekiel 16:8

“ ‘Na uwi ɔni na lɛsɔ lɛnu-ɔ na ɔmmɔ kama ni, na éedu kalɛ na ati ɔnana. Ɔmmɔ ɔsu líti mina awu gyɔlɔɔ ɔmmɔ kakɛ kadi líbi-ɔ lɛlɔ na lɛ́bɛla-a kasɔngya líti lɛ́tina-a ka ndubo-ɔ bɔgyumana. Na líse-ɔ kenye kpakplaa na búnyimi ka enwini Unwoti Katɔti ami ɔdi na ntaanu-ɔ lɛlɔ.

Daniel 10:11

Na ɔ́su-mi ɔnini, “Daniel, ƒula Katɔti ɔɔbla-a lɛlɔ kasusu kenengudi geen na anwu nátala-mi. Anwuɔsu ta nye, na enu lɛla lɛni na ndubo-ɔ bɔsu.” Mmɔ na lɛ́ta línye na lɛlɔ lɛɛtɔ́-mi kpakpaakpa.

Daniel 9:23

Katɔti uuti-ɔ lɛlɔ kasusu geen, anwuɔsu uwi ɔni kani na ése kalɔ aakpali-nwu kani na ɔ́tala-mi ka libo mbedie ala ammɔ kalɔ lite-ɔ.

Luka 1:75

Na ɔdubɔbla-bu kedee na buse siin na nwuna anumi na bula ngba emeyi kemmo ƒui.

Yohane 1:1

Kalɔ kesekɔ ƒui ni, Anwu ɔni ndi Katɔti Litemi mmɔ ɔkya. Na Litemi lɛmɛni ku Katɔti nkya. Na Litemi lɛmɛni ɔlati ku Katɔti badi unwi. Na ɔ́si kalɔ kesekɔ ni,

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Batalane Kabla 13:48

Amu ka bani naaadi Yudaƒuɔ bénu lɛla lɛni básu mmɔ ni, kubiti kɔ́da-ma, na bémwi Katɔti. Na bani ƒui na Katɔti ɔ́ƒuna úte ngba bɔƒɔ ni, bénwini baƒɔtaadine.

Batalane Kabla 15:9

Útakya kavumana kadi na abu ku-ma ntɛ, ɔsika ɔ́ƒɔ-ma na bana bɔƒɔtaadi ɔsu. Na úti bana ekpidi ɔ́kyiɛ-ma aani abu kalɛ.

Romaƒuɔ 6:17

Nsu bɔɔgyá Katɔti enu, ɔsika uwi ɔdi kemmo ni, bɛdi kabla bablane bite likpidi. Nsu ɔƒɛni ni, bíti bina kayi ƒui bɛɛdi litemi geen lɛni lɛ́tina-mii mmɔ lɛlɔ.

Romaƒuɔ 8:33

Na ɔma ndubɔwia Katɔti bekyuli baƒunadi litemi? Katɔti ɔlati uudie-ma kenye ka bɔƒiɔ bɔdi buuubo-ma lɛlɔ.

Romaƒuɔ 9:11

Nsu ni, Katɔti ubo ulu ɔni na ɔɔsia taaƒuna bekyuli. Na kalɛ na ubo-nwu kemmo lɛni ɔsu ni, Katɔti ɔ́su lɛla lɛdi úse asa na badubɔwɔ nta bamɛni iye asa na nta bammɔ bati lɛbuni ku likpidi. Na ulu ɔni lɛlɔ na ɔɔsia mmɔ ɔɔɔkɛnku bana kabla kadi lɛlɔ. Mmomu ɔ́su Rebeka ɔnini, “Ubi unengudi ɔdubunwini ɔnamudi kabla ɔblane.”

Korintoƒuɔ 1 1:21

Katɔti ɔkɛnku nwuna lɛnunda lɛlɔ na ɔ́bla bekyuli lɛni kalɛ na balasia bana kayawi lɛnunda lɛlɔ na bati-nwu. Na nwuna litemi lɛni lɛsa na bɔɔkɔ́ mɛni lɛdi badi adɔlɔla. Nsu Katɔti ɔɔsia-ni lɛlɔ na ɔɔƒɔ́ bekyuli bani na báƒɔ bádi ngba.

Galatiƒuɔ 3:1

Amii Galatiƒuɔ alati bilákali ɔmɛni bilanu! Ɔma néƒie-mii kasusu úbo likpo lɛni? Ɔsika bina anumi na lɛ́su-mii Kristo kukpi na ugyii lɛlɔ litemi.

Eƒesoƒuɔ 2:8

Ɔsika Katɔti lɛƒɔndia ɔsu na bɛ́kɛ ngba bɔƒɔ. Na útasi amii alati kudɔ. Mmomu ɔ́si Katɔti bɔƒɔtaadi litela lɛni na úte-mii ɔsu.

Lɛkpa Ulu 33:12

Na Benyamin kaba ɔ́su-ma ɔnini, “Unwoti Katɔti udie nwuna bɔyɔ ɔtina-mii. Na ulie bina abi lɛlɔ na ɔgyumana-mii.”

Koloseƒuɔ 1:5

Uwi ɔni na básu-mii litemi geen lɛni ndi litemi buni lɛmmɔ kudeedi ni, bínu ala abuni ani nse nte-mii na katɔ. Na ka bɛsia-nya anu ɔsu ni, bina bɔƒɔtaadi ku bina bɔyɔ bunye ala ani bɛsia anu mɛni lɛlɔ.

Koloseƒuɔ 3:12

Amii lɛnɔ bɛdi Katɔti bekyuli bani na ɔ́ƒuna mmɔ badi. Ɔmɛni ɔsu bitaabla lɛƒɔndia teete bekyuli, na bitaanu bekyuli kɔnyana, na biteeboku lɛlɔ kalɔ, na bitaanyuɛ lɛlɔ ku kayi buɛɛ.

Tesalonikaƒuɔ 1 1:4

Banwa, bɔgyi ka Blɔti ɔɔyɔ́-mii geen na ɔ́ƒuna-mii aani nwuna badi.

Tesalonikaƒuɔ 1 2:12

Bɔ́kya-mii ɔyikun ku ogya na bútaalɛ-mii bɔnii bilie ngba bɔni na kaƒɔ kayɔ Blɔti, ɔsika anwu ɔlati nálɔ-mii kalɛ na bɛkɛ bɔƒɔ na nwuna lɛga bɔdi ku bukeye kemmo.

Tesalonikaƒuɔ 1 4:7

Katɔti ɔ́lɔ-bu ka bɔbla bekyuli kedee. Anwuɔsu bɛya bɔda lɛlɔ budie kɔbɔ ala bɔbla kemmo.

Tesalonikaƒuɔ 1 5:9

Ɔsika Katɔti útedie-bu ɔnii nwuna kɔnyi kubo-bu lɛlɔ. Mmomu ɔnii bɔsia Blɔti Yesu Kristo lɛlɔ na bɔkɛ bɔƒɔ.

Tesalonikaƒuɔ 2 1:3

Banwa, bɔda Katɔti enugya kayu uwi ƒui na amii ɔsu. Na ɔdia ka butaaƒɔ-ka, ɔsika bina bɔƒɔtaadi bɔɔkɔ́ katɔ, na bina lɛlɔ bɔyɔ lɛnɔ buusié anumi teebu ɔsu. Ɔmɛni ɔsu na bɔɔlɔ-mii lɛnyi buni na Katɔti baƒɔtaadine akɔ.

Tesalonikaƒuɔ 2 2:10

Na bekyuli bani ƒui ndubo bɔyii ku udu ni, ɔdubɔsia likyulikpi katɔlɔ ulu biala lɛlɔ na ɔtɔlɔ-ma. Badubo bɔyii ɔsika bátaƒɔ litemi buni lɛmmɔ bátadi na Katɔti ɔƒɔ-ma ngba.

Tesalonikaƒuɔ 2 2:12

Kawɔlɔkɔ ƒui ni, Katɔti ɔdubɔdu-ma kɔtɔ, ɔsika bátaƒɔ litemi buni bátadi. Mmomu bátaakɛ ebiti na ekpidi bɔbla kemmo.

Tesalonikaƒuɔ 2 2:16

Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Timoteo 2 2:15

Da lɛlɔ kaduɛ na ulu biala lɛlɔ na Katɔti uwi-ɔ livo. Taya na kɔƒa kuteekpo-ɔ na ƒula kabla lɛlɔ. Mmomu bla ukyuli ɔni mɔɔtina Katɔti litemi lɛmmɔ geen.

Timoteo 2 3:15

Ka ɔ́si-ɔ lɛnamu uwi ni, áti Bunweni Kedee Ɔku kemmo etemila ani náya-a na áda anu na ebo ngba bɔƒɔ etemila ɔkɛ Kristo bɔƒɔtaadi lɛlɔ.

Hebriƒuɔ 1:10

Katɔti ɔ́sɔ ɔ́su ɔnini, “O Blɔti, na kalɔ kesekɔ ni, awɔ nédie kayawi kamɛni ƒui, na éti ƒula enu ábla kayaa.

Yakobo 1:18

Katɔti ɔkɛ ngba bɔƒɔ litemi geen lɛlɔ na ɔ́ya na bɔ́kɛ kɔyu kemmo ngba. Ɔ́bla ɔmɛni ɔ́siaku nwuna lɛƒɔyɔ lɛlɔ. Ɔsika ɔɔwia ka bɔbla bedeedi na nwuna ala ani na údie ƒui akɔ.

Yohane 1 4:10

Bɛya na lɛsu-mii lɛla lɛni geen muudie bɔyɔ keyi. Ɔɔɔdi kalɛ na bɔɔyɔ́ Katɔti muudie bɔyɔ keyi. Mmomu Katɔti ɔ́yɔ-bu, na úti Ubidi ɔ́kpa na bula ekpidi lili kalɛ na ɔklibi abu ku-nwu ntɛ.

Yohane 1 4:19

Bɔɔyɔ́ Katɔti ku bekyuli ɔsika Katɔti náka-bu bɔyɔ.