Tesalonikaƒuɔ 2 2:12 - Katɔti Ɔku Kedee

¹² Kawɔlɔkɔ ƒui ni, Katɔti ɔdubɔdu-ma kɔtɔ, ɔsika bátaƒɔ litemi buni bátadi. Mmomu bátaakɛ ebiti na ekpidi bɔbla kemmo.

Tesalonikaƒuɔ 2 2:12 ပူးပေါင်းရင်းမြစ်များ

Kɔgya 11:5

Unwoti ɔɔkɔ́ku bekyuli bani nsiaku-nwu kama siin taanu bana ablala kemmo. Na uukisi bakantankpine ku bani mɔɔta teenye nwuna ɔda bubo lɛlɔ.

Hosea 7:3

“Na bana ɔbladu ɔmɛni ɔdi bana benengu bammɔ ƒui lɛlɔyɔ.

Mika 3:2

Nsu bɛ́ƒuna ka bitaabla likpidi bitulo lɛbuni. Na use aani kalɛ na beedie bekyuli ɔku ku ngba ku ngba. Na baanwí bana ɔlɔna taamami ekubi lɛlɔ.

Marko 14:11

Kubiti kɔ́da-ma geen na etemila ani na úbasu-ma ɔsu, na ama lɛnɔ básu ka badubute-nwu egulabi. Anwuɔsu Yuda ɔkya ɔɔwia ulu ɔbuni ɔni lɛlɔ na ɔdubɔsia na udie-nwu ute-ma.

Marko 16:16

Ukyuli ɔni náƒɔ litemi buni lɛmɛni ɔ́di na ɔ́ƒɔ ntu bɔkpila ni, Katɔti ɔdubudie-nwu ɔlɛku ekpidi kɔtu bɔni kemmo. Na ukyuli ɔni nátaƒɔ útadi ni, Katɔti ɔdubɔdu-nwu kɔtɔ.

Yohane 3:36

“Na ukyuli biala ɔni mɔɔƒɔ́ Ubidi ɔmɛni taadi ni, ubo ngba bɔni nsɔ naaadubo bɔsa kudii. Na ukyuli ɔni muuní ka ɔdi Ubidi litemi lɛlɔ ni, ulákɛ ngba bɔmmɔ. Mmomu Katɔti kɔnyi kɔdubo butaasiaku-nwu.”

Romaƒuɔ 1:32

Bagyi ka Katɔti úbo-bu ɔda siin ka bekyuli bani nlie ngba bɔmɛni udu ni, Katɔti ɔdubɔdu-ma kukpi kɔtɔ. Nsu ni, benye momoomo na baabla alaekpidi amɛni. Na ɔɔɔdi ɔmɛni lɛti, mmomu beeti ɔbu teete bekyuli bani lɛnɔ mɔɔbla ala amɛni.

Romaƒuɔ 12:9

Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Romaƒuɔ 2:8

Nsu bekyuli bani mɔɔwia ama lɛti lɛkɛ na beení litemi geen lɛmmɔ na basiaku alaekpidi bɔbla kama ni, Katɔti ɔdubo kɔnyi bɔkɛ na bana lɛlɔ na ɔni-ma kɔtu geen.

Korintoƒuɔ 1 13:6

Na lɛlɔ lilayɔ-nwu na likpidi lɛlɔ. Mmomu ɔɔkɛ́ lɛlɔyɔ na lɛbuni lɛlɔ.

Lɛkpa Ulu 32:35

Na uwi uletu badubɔnu lɛla lɛni na ɔlɛka banu. Na uwi ɔdubo ɔni na bana ƒui badubo bubuli. Na bana kɔtu bɔni uwi úude.

Tesalonikaƒuɔ 1 5:9

Ɔsika Katɔti útedie-bu ɔnii nwuna kɔnyi kubo-bu lɛlɔ. Mmomu ɔnii bɔsia Blɔti Yesu Kristo lɛlɔ na bɔkɛ bɔƒɔ.

Tesalonikaƒuɔ 2 2:10

Na bekyuli bani ƒui ndubo bɔyii ku udu ni, ɔdubɔsia likyulikpi katɔlɔ ulu biala lɛlɔ na ɔtɔlɔ-ma. Badubo bɔyii ɔsika bátaƒɔ litemi buni lɛmmɔ bátadi na Katɔti ɔƒɔ-ma ngba.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Yohane 3 1:11

Mina ɔkpana ɔyɔne, tasiaku likpidi bɔbla kama. Mmomu siaku lɛbuni bɔbla kama. Na ukyuli biala ɔni mɔɔbla lɛbuni ni, ɔdi Katɔti ɔdi. Nsu ukyuli ɔni mɔɔbla ala ekpidi ni, ɔɔɔgyi Katɔti.