Tesalonikaƒuɔ 2 1:7 - Katɔti Ɔku Kedee

⁷ Na ɔdubɔya na abu ku amii bani ƒui muubó abi bɔkɛ bɔnwuna. Katɔti ɔdubɔbla ala amɛni uwi ɔni na Blɔti Yesu ku Katɔti batu badubɔda bɔlɛ kayaa na ɔyikun kemmo ku ogya.

Tesalonikaƒuɔ 2 1:7 ပူးပေါင်းရင်းမြစ်များ

Israelƒuɔ Bɔlɛ 19:18

Na sɔsɔ ni, uyɔ úyi Sinai kɔbi kɔmmɔ lɛlɔ ƒui. Ɔsika Unwoti ɔ́yu úbo kɔbi kɔmmɔ lɛlɔ ku ogya. Na uyɔ ɔmmɔ ɔɔkɔ́ katɔ aani si lɛgyavonku bonwu lɛdi na bákya ogya bálɛ, na kɔbi kɔmmɔ kɔɔkunku na lɛlɔ lɛɛtɔ́-ma kpakpaakpa na bɔyia ɔsu.

Israelƒuɔ Bɔlɛ 3:2

Mmɔ na Unwoti ɔtu ɔdi ɔ́da ɔ́lɛ-nwu lɛlɔ aani ogya ɔni mɔɔda na kugyii lɛƒoƒo lɛdi lɛlɔ. Na Mose ɔ́nu ka lɛƒoƒo lɛmmɔ lɛɛda, nsu lɛla biala lilakywi.

Yesaia 57:2

Nsu si ina bekyuli siin bamɛni békpi ni, baatɛ kekpine mmɔ buɛɛ na bana keyi kaayɔ́ na kalɛ na bénu Unwoti litemi ɔsu.

Yesaia 66:15

Bɛnu! Unwoti uli nwuna kɛɛkɛ kemmo ɔdubo ku ogya na use aani ɔƒɛƒɛɛ ɔni mɔɔkya ligede. Ɔkɛnku kɔnyi kati kati ɔdubo na ɔdubo bekyuli bɔbɔku ku ogya unyemi ɔni mɔɔda gaganga.

Esekiel 1:13

Bebweyi bamɛni baatina liwulu ogya ɔdi aani ogya agyabi. Na lɛla lɛdi lɛkya-ma ntɛ na lɛɛda teesie taasɔ aani ukpo. Na uwi biala na ukpo ɔmɛni údie ogya unyemi ni, na lɛla lɛdi lɛbwɛ ogya aani kalɛ na kayaa kaabwɛ ogya.

Daniel 7:9

Nnye mɔɔnu, na bése agaboku adi. Na Katɔti ɔni nli uwi ƒui úsie útélie kalɔ. Na nwuna adala áƒuala ƒututuu aani etubankɛ. Na nwuna lili linwini lise ƒuala ƒuala aani unwo. Na nwuna lɛgaboku lɛmmɔ lɛɛbwɛ ogya. Na lɛgba lɛni nkya liboku lɛmmɔ kalɔ, liidie ogya unyemi.

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Mateo 16:28

Mɔɔsu-mii nwaa ka ni, bekyuli badi bakya mɛni ɔni na belekpi watálɛ uwi ɔni na bánu ka Ukyuli Ɔyawine Ubi úbo aani ɔga kalɛ.”

Mateo 25:31

“Uwi ɔni na Ukyuli Ɔyawine Ubi ɔmmɔ ɔdububo na nwuna lɛga bɔdi kemmo ni, Katɔti batu ƒui badubɔka bamana-nwu. Na ɔdubo ubelie nwuna lɛgaboku lɛlɔ.

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Mateo 26:64

Amu na Yesu údie kenye ɔnini, “Ɛɛn. Awɔ násu, na use lɛni sɔsɔ. Na mɔɔsu-mii nnii uwi klukui kemmo ni, bɛdubɔnu Ukyuli Ɔyawine Ubi ɔmmɔ ka ulie Katɔti Ɔyikune Ƒui kɔdianu. Na bɛdubɔnu ka ɔ́si katɔ ɔdubo na ulɔyɔ kemmo!”

Marko 14:62

Yesu ɔ́su-nwu ɔnini, “Ami mmɔ. Na bɛdubɔnu Ukyuli Ɔyawine Ubi ka ulie Katɔti Ɔyikune Ƒui kɔdianu. Na bɛdubɔnu ka ɔ́si katɔ ɔdubo na ulɔyɔ kemmo!”

Marko 8:38

Ɔƒɛni ni, bekyuli pii baabla ekpidi na beenwíni kama taakya Katɔti. Anwuɔsu si ami ku mina ala ani mɔɔtina ƒui ékpo ukyuli ɔdi kɔƒa ni, anwu lɛnɔ ɔdubukpo ami Ukyuli Ɔyawine Ubi kɔƒa uwi ɔni na mebo ku Katɔti batu kedee na Katɔti ɔmmɔ bukeye ƒui kemmo.”

Luka 16:25

“Nsu Abraham ɔ́su-nwu ɔnini, ‘Ubi, nyimo ka na ƒula ngba bɔni na élie kemmo ni, ala abuni sɔɔn na áƒɔ. Na Lasaro anwu ni, ala ekpidi sɔɔn na ɔ́ƒɔ. Nsu ɔƒɛni ni, ɔɔkɛ́ ebiti na awɔ eebó abi.

Luka 17:30

“Lɛni kani na ɔdubo buse na limeyi lɛni lɛlɔ na ami Ukyuli Ɔyawine Ubi ndubɔda lɛlɛ.

Yohane 1:3

Ɔkɛ Anwu ɔmmɔ lɛlɔ na Katɔti ɔ́sia údie lɛla biala. Na lɛla lɛdi liiibo ɔni na ɔɔɔdi nwuna lɛlɔ na Katɔti ɔ́sia údie-ni.

Yohane 1:51

Litemi geen na mɔɔsu-ɔ ka ni, adubɔnu ka katɔ kálɛmi na Katɔti batu baakɔ́ teesie katɔ taayu teebo ami Ukyuli Ɔyawine Ubi lɛlɔ.”

Batalane Kabla 1:11

na básu-ma banini, “Galileaƒuɔ, bi ɔsu na binye bɛɛnu katɔ lɛni? Yesu ɔni na Katɔti úti ɔ́siku-mii kudɔ úsienku katɔ mɛni ni, ɔsɔ ɔdubɔsi katɔ ubo-mii kudɔ aani kalɛ na bɛ́nu ka ɔ́si bina kudɔ úsie katɔ kalɛ kani.”

Batalane Kabla 3:19

Anwuɔsu ni, binwini kama bɛkya ekpidi bɔbla na biti anumi bɛsia Unwoti lɛlɔ, kalɛ na waƒɔ bina ekpidi wedie-mii lɛlɔ na bɛkɛ bɔnwuna buɛɛ na Blɔti kudɔ, kalɛ watala Kristo Yesu wakya-mii aani bina Ɔƒɔne kalɛ.

Romaƒuɔ 8:17

Na si bɔdi nwuna bebi ni, na bɔdi nwuna ala badine. Na abu ku Kristo bɔdubɔdi Katɔti ala bɔsala. Na bɔdubukeye lɛnɔ aani nwuna kalɛ si búbo abi aani kalɛ na Kristo úbo abi.

Korintoƒuɔ 1 3:13

Nsu si ɔtɔ ɔni na ɔdi biala ɔ́tu ɔdia iye ɔɔɔdia ni, Kristo limeyi bonwu lɛmmɔ ndubudie bana kabla bɔtina. Ɔsika limeyi lɛmmɔ lɛlɔ ni, ogya ndubo ɔdi biala kabla keyi budie. Ogya ɔmɛni ndubo kabla biala bɔkɔku bɔnu na ɔnu si kabla kammɔ kadia.

Korintoƒuɔ 2 4:17

Na abi blii suɛ ani na buubó na uwi klukui ɔmɛni kemmo na kayawi mɛni ni, adubɔya na bɔkɛ ɔbu ku lɛlɔyɔ bonwu lɛni nsɔ naaadubo bɔsa kudii na katɔ. Na lɛdubutulo abi ani na búbo ƒui.

Eƒesoƒuɔ 1:2

Muuvele Katɔti ku Blɔti Yesu Kristo nnii nwuna lɛƒɔndia lɛkya-mii ɔkplu na ute-mii keyi buɛɛ.

Koloseƒuɔ 1:16

Na ɔkɛnku anwu ɔmmɔ lɛlɔ na Katɔti údie ala ani ƒui nkya katɔ ku kalɔ kamɛni kemmo, ala ani na bɔɔnu ku ani na bulánu aani lɛgadi ku bagadine ku bayikune ku kenyekɔ biala ƒui lɛlɔ. Ɔkɛnku ubi ɔmmɔ lɛlɔ na údie ala ƒui, kalɛ na lɛla biala lɛbu Kristo ɔmmɔ.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Timoteo 2 2:12

Si bɔ́kana na bunye kpakplaa na lɛbibo biala kemmo ni, abu ku-nwu bɔdubɔdi lɛga. Na si buuní-nwu ni, anwu lɛnɔ ɔdubuni-bu.

Tito 2:13

Lɛni na bɔdubuti butaanu ulu bute limeyi libendi lɛni lɛlɔ na bɔsia anu. Limeyi lɛmmɔ lɛlɔ na Utulone Blɔti, bula Ɔƒɔne, Yesu Kristo bukeye bɔdubɔda bɔlɛ.

Hebriƒuɔ 10:27

Mmomu ɔlɛka bunye butaanu ulu ku liƒu ka badubɔtɛku-bu litemi. Ɔsika ogya bonwu ɔni muubile ala ubakyula Katɔti bekisine ƒui.

Hebriƒuɔ 12:29

Ɔsika bula Katɔti use aani ogya ɔni mɔɔkyula ala.

Hebriƒuɔ 4:1

Anwuɔsu ka linyese lɛni na úte-bu ka buduo nwuna bɔnwuna ƒui kemmo kamu kese kéte-bu ɔsu ni, bɛya na bɔnu lɛlɔ kemmo kaduɛ kalɛ na ɔdi ulásɔ na kenye kammɔ lɛlɔ.

Hebriƒuɔ 4:11

Anwuɔsu bɛya bɔkya ɔkplu biala na buduo bɔnwuna bɔmmɔ kemmo. Na ɔdi biala uláwɔ ulu ka ɔsiaku bana atuɔkplu bɔbla kama ɔsu.

Hebriƒuɔ 4:9

Ɔmɛni ɔsu na lɛnwunameyi lɛmu lise lite Katɔti bekyuli.

Hebriƒuɔ 9:28

Lɛni kani na Kristo lɛnɔ úti lɛlɔ ɔ́kpa kunwi pɛ kani na údie bekyuli pii na bana ekpidi kemmo. Na ɔdubɔsɔ ubo kunyɔdi. Na ɔɔɔdi ɔni na ɔsɔ ubebo abi na ekpidi ɔsu. Mmomu kalɛ na uti ngba bɔƒɔ uboku bekyuli bani na benye bagya-nwu.

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Petro 2 3:7

Na litemi lɛni lɛlɔ na ɔkɛ údie katɔ ku kalɔ ƒui ni, litemi lɛmmɔ kani na úti ɔda kayawi kammɔ use ute uwi ɔni na ɔdubɔkyula-ka ku ogya. Na Katɔti ɔ́bla lɛni úse úte limeyi lɛni na ɔdubɔtɛku bekyuli bekpidi litemi na ɔkyula-ma.

Yuda 1:7

Na Sodom ku Gomora ku lɛma lɛni náka lɛ́mana-ma lɛnɔ ni, bátakana lɛlɔ bɔda na bábla lɛyalɛ ku ala ekpidi bamba. Katɔti úti ogya ɔ́kyula-ma kalɛ na abu bɔnu bɔtɛya.

Budie Taatina 1:7

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.

Budie Taatina 14:10

Ama na Katɔti ɔdubɔya na bani nwuna kɔnyi lɛbibo ɔɔƒɛɛ ku ɔdu kati kati! Ogya ku ogya atabi adubo-ma bɔkyula na Katɔti batu kedee ku Koƒonu Ubi anumi.

Budie Taatina 14:13

Ɔmmɔ kama línu lɛdi lɛdi ka lɛ́si katɔ na lɛɛsu lɛnini, “Nweni ala amɛni. Bekyuli bani na lɛlɔ lɛdubɔyɔ-ma ndi bani ndubukpi ka básiaku Blɔti kama ɔ́si ɔƒɛni úsela ɔsu.” Na Katɔti Kɔyu kɔɔtuna kɔnini, “Ɛɛn, badubɔkɛ bɔnwuna! Na badubɔkɛ bana kabla kɔsia!”

Budie Taatina 20:11

Ɔmmɔ kama ni, lɛ́nu lɛgaboku bonwu ƒuala ƒuala lɛdi ka Katɔti ulie-ni lɛlɔ. Na ka ɔ́da ɔ́lɛ ni, kalɔ ku katɔ ƒui káyii na asɔ alánu-ka lɛla lɛdi na kesii kadi.

Budie Taatina 21:4

Na ɔdubuni-ma imii biala na bana anumi. Na kukpi kɔsɔ kulakya lɛnɔ. Na keku ku kɔnyana buwulo ku ɔlɛ bunu lɛnɔ bɔdi bɔsɔ bulakya, ɔsika ala akukudi ƒui ávi.”

Budie Taatina 22:16

“Ami Yesu nátala mina ɔtu lɛ́kya-a nnii ubedie ala amɛni kenye ute awɔ, Yohane, kalɛ na eti asu baƒɔtaadine akpa ammɔ ƒui. Ami ndi Kugyii Ugyiitu ɔmmɔ ɔni ndi Ɔga Dawid kaba kemmo ubi. Ami ndi ɔtanta lɛyabi lɛni muukeye mmɔ.”

Budie Taatina 22:6

Amu na Katɔti ɔtu ɔmmɔ ɔ́su-mi ɔnini, “Etemila amɛni adi ukyuli kama kekpokɔ na adi etemila geen. Na Unwoti Katɔti ɔni muuti nwuna Kɔyu teete nwuna kenye bediene ni, anwu nátala nwuna ɔtu ɔnii ubatina nwuna kabla ɔblane ala ani ndubo abalɛ na uwi klukui kemmo.”

Budie Taatina 22:9

Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa kenye bediene babambadi ku bakladi bani mɔɔda etemila ani nkya ɔku ɔmɛni kemmo ƒui kaduɛ. Katɔti kani na ɔlɛka emwi lɛni!”

Budie Taatina 6:11

Mmɔ na úte bekyuli bamɛni ɔdi biala awu ɔƒualadi, na ɔ́su-ma ɔnii bakɛ kayi betédu uwi ɔni na kayawi bekyuli bádu bana kabla bablane bakpana bammɔ aani kalɛ na bádu ama lɛnɔ. Ɔsika bana bumomo bútedu bútawɔlɔ tɔ.